View Full Version : ضيفة الأسبوع .. الأخت مرهفة الاحساس
مرعوووش
23-03-2003, 02:19 AM
:10::10:
مرحبا بكم واهلا وسهلا ...
ضيف اسبوع جديد و اسألة جديدة واجوبة جديدة ...
تعالو نتعرف على الجانب الاخر من حياة عضوة متميزة جدا جدا جدا
محبوبة الكل ومحبوبة الجمهور الغفير ...
محبوبة نافذة العرب وواحدة من فرسانها ...
رحبو معاياااااااااااااااااااااااااااااااااااااااااااااا اااا
بضيفة الاسبوع الخااااااااااااامس ..
انها النجمة اللاااااااااااااااااامعه والمشهورة ....:26::26::26::26::26:
مرهفة الاحساس ...
ههههههههههاي والله ووقعتي يا بنت .. الله يعينك مننا راح نهريكي بس ضرب الحبيب زي الزبيب يعني حتتحملينا صحححححح ولا مووووووووووووووووووو ؟؟؟؟:17::17::17:
هيا تعالو واهروووووووووووها
قوة
هالووووووووووووووو مرهفة الإحساس
هههههههههه طبعاً انا ما اجي غير عشان اسأل واتوكل واقرا جوابك وبس
اسألتي مممممممممم هاه هاه يعني ما ابى اطول كلها كم سؤال واجي ماشي
- ا سمك الرباعي
- من فين ترجعي
- من فين من جدة
- كم مرة حولتي من بيتك ؟؟؟ من أي منطقة لفين ؟؟
- ايش نوع السكن ؟؟ (( قصر _ فيلا _ شقة . عزبة _ رصيف . التوقيف حق المرور خخخخخ ))
- كم غرف البيت ؟؟ كم مساحتة ؟؟ ايش لون البويات المطلية ؟؟
- - كم عدد البيبان ؟؟ النوافذ؟؟ البلاطات ؟؟ لو موكيت كم متر لكل غرفة ؟؟ ولو سيراميك كم حبة ؟؟
- كم عدد الشغالات لو وجد ؟؟ اسمائهم ؟؟ اعمارهم ؟؟ جنسياتهم ؟؟ فترات عملهم ؟؟
- كم عدد السواقين ؟؟ اسمائهم ؟؟ اعمارهم ؟؟ جنسياتهم ؟؟ فترات اعمالهم .. ايش اسماء السيارت يلي ماسكينها ؟؟
- اوصفي شكل غرفتك فيما لا يقل عن 4 سطور
=======
- ايش اسماء مدارسك ؟؟ المراحل التلاتة خخخخخ ؟؟ و قسم الجامعة يلي انت فية ؟؟
- اسماء المدرسات يلي ضربوكي من اولى إبتدائي الين السنة الحالية ؟؟
- اسماء المدرسات يلي هزؤوكي .. ومدحوكي .. وطردوكي ..؟؟
- كم مرة انضربتي في المدرسة ؟؟ كم مرة هبقتي من الحصص ؟؟ لية
- قد قبل مرة دخنتي ؟؟ لية ؟؟ فين ؟؟ .. عسلتي ؟؟ شيشتي .. حششتي .. ؟؟
- كم مرة نمتي في المدسرة ولا المحاضر ؟؟ كم مرة اضريتي هههههههه تدخلي دورات المياه حقة المدراس يلي شبة الموجودة حقة البلدية يلي تسويها على البحر ما يستفيد منها المواطن بالعكس ما يستفيد منها غير الفيران و الفلبينين
- ايش تكتبي على الطاولة في الفصل ؟؟ وعلى الجدر ؟؟
- لمن تهبقي فين تروحي ؟؟ ايش تسوي ؟؟ بأيسش تبرري موقفك للإدارة ؟؟
- بأيش تبرري موقفك لأهلك لو جبتي علامات طايحة ولا شكوى جات عنك ؟؟
- كم عدد دواليبك ؟؟
- كم عدد فستانيك ؟؟ الأطقم .. البيجامات.. ؟؟
- اكثر لبس تحبية اوصفية ؟؟
- كل كم شهر ترمي يلي عندك من ملابس ؟؟
- متى يعتبر افضل موسم للتسوق ؟؟ (( عارف انو طول السنة بس وقت يعني يلي يكثر فية الشراء))
- اكر محل يعجبك ؟؟ تشتري عن طريق المجلات من برة ؟؟
- لمن تخرجي السوق كم اقل شي تشيلي معاكي ؟؟ ولا على البطاقة ؟؟
- تحبي الشعبيات ؟؟ ايش اكثر شي يلفت نظرك في المحلات ؟؟
- قد اتعاكستي في السوق ؟؟ كم مرة ؟؟ ايش سويتي ؟؟ وفين ؟؟
- تشيلي الأكياس ولا احد غيرك يشيلها ؟؟
اكتبي رأيك فيمن يلي بما يقل عن سطرين
- صدام حسين
- جورج بوش
- كونان
- بن لادن
- قيفوت
- باتسيتوتا
- مايكل اوين
- سعيدان و حميدان حقون طاش ما طاش
- مرعي مرعوش
- ميكي ماوس
كيف تتوقعي شكل كلا مما يلي
- مرعي مرعوش
- عربي انا
- سعودي
- الملا عمر
- سيرجيو ريكاردو
- الفيس بريسلي
- مروقا المنقا
- همس الشفايف
- دلع × دلع
- وديييييع
اخر سؤال
ما ارأيك بعربي انا عيوبة قبل محاسنو خخخخخخخخخخخ (( اخد مقلب في نفسي ترى ))
مسالم
23-03-2003, 10:54 AM
يامرعي ياولد مرعوش ياخي اسمحلي مو من حقك انت تختار ضيف الاسبوع .... والا علشان مشرف خلاص تختار اللي تبغاه ...
انا ضيف الاسبوع اللي فات وانا اللي اختار مو انت ... الا اذي في قانون ثاني في اختيار الضيف فهذا شي ثاني....
والاشراف مو يعني تحكم وسيطرة والمنتدى من حقنا كلنا
@@ وبالنسبة لاختيارك لمرهفة والله مرهفة تستاهل .. بس كان انا المفروض اللي اختارها
والا انت مو شايفني شي ؟؟؟؟
الإنفجاري
23-03-2003, 11:10 AM
ههههههههههههههههههههههههههههه
الله يستر ....
لا اله اللى الله محمد رسول الله ....
مرهفة الاحساس
23-03-2003, 12:57 PM
ياايش اقلك
والله انت يبغاك ضررررربببببببببب
بس احسسسسسسن مسالم اداك على راصك كركركركركر
وانا مع مسالم نياهاهاهاهاها
يلا امشي اعتذرلو وقلو انت على العين والراس
وخليه هوا الي يختار الضيف
باي باي
مرهفة الاحساس
23-03-2003, 02:05 PM
انت تستهبل ولا تستهبل
شكلك تستهبل كركركركركر
اقلك ايش رايك
اديك صورتي ومعاها البطاقه الشخصيه واصورلك البيت بتاعي واصورلك السياره واصورلك الخدامه والسواق نياهاهاهاهاها
الله يرجك
طيب يلا نبدا بسم الله
ا سمك الرباعي ؟؟
انا اسمي خماسي مش رباعي كركركركركركر
طيب انا اسمي مرهفة الاحساس بنت مرهف ابن الاحساس نياهاهاهاها
- من فين ترجعي ؟؟
ارجع من السودان ايش من فين ارجع
انا ارجع من تركستان بس ايش اسم المدينه بالضبط الله اعلم
اسالك بابا
- من فين من جدة ؟؟
بالتحديد من مكه كركركركركركر
- كم مرة حولتي من بيتك ؟؟؟ من أي منطقة لفين ؟؟
والله حولت من بيتي كثير مرررررررره كثير
يمكن يجي ثلاثه خخخخخخخخخخ شفت كيف مرررررره كثير
بس الرابعه استقريت في بيتنا الي دحين انا عايشه فيلو
- ايش نوع السكن ؟؟ (( قصر _ فيلا _ شقة . عزبة _ رصيف . التوقيف حق المرور خخخخخ ))
ولا وحده من دول نياهاهاهاها انا اعيش غرفه كركركركركر
في فيلا كششششخه كانها قصر خخخخخخخخخخ لاتصدق
- كم غرف البيت ؟؟ كم مساحتة ؟؟ ايش لون البويات المطلية ؟؟
- - كم عدد البيبان ؟؟ النوافذ؟؟ البلاطات ؟؟ لو موكيت كم متر لكل غرفة ؟؟ ولو سيراميك كم حبة ؟؟
عدد الغرف في البيت 11 ومع بتعة السواق 12
المساحه ماادري عنها اسالك بابا
البويات خخخخخخخخ بيتنا مشكل
يعني انا لون غرفتي خربزي ولون غرفت اختي احمر ولون غرفة اخويه برتقالي ولون الصوالين الي تحت عودي وفي صالون ثاني لونو اخضر تفاحي ولون غرفة ماما اصفر ولو الصاله ازرق وحااااااااله يعني تقدر تقول انو بيتنا علبة الوان نياهاهاهاها
عدد الشبابيك ماادري لاني ماعديتها
الموكيت ماااااعندنا
عدد السيراميك مافي لاننا حاطين رخام كركركركركر
- كم عدد الشغالات لو وجد ؟؟ اسمائهم ؟؟ اعمارهم ؟؟ جنسياتهم ؟؟ فترات عملهم ؟؟ والله حاليا في شغالتين بس وحده حتروح قريبا
وحده اسمها سميره والثانيه امين
والله امينه عمرها 24 وسميره ماادري كم عمرها بس هيا صغيره بس ماتنفعلك لانها متزوجه نياهاهاهاها
بس اذا تبغى امينه ممكن لانها لسه عزبااااء خخخخخخخ
وحده اندنوسيه والثاميه اظن انها سرلنكيه
فترات اعمالهم اربع وعشرين ساعه نياهاهاهاها
- كم عدد السواقين ؟؟ اسمائهم ؟؟ اعمارهم ؟؟ جنسياتهم ؟؟ فترات اعمالهم .. ايش اسماء السيارت يلي ماسكينها ؟؟
واحد بسسسسسس
اسمو خالد خخخخخخخخخ اسمو خطييييييير
والله يمكن عمر 26
جنسيتو باكستاني
والله يشتغل اربع وعشرين ساعه ماعدا يوم الجمعه عندو اجازه
اسماء السيارات
والله وحده لومبينا والثانيه بريفيا وبسسسس
- اوصفي شكل غرفتك فيما لا يقل عن 4 سطور
غرفتي تهبلللللللللل تجنننننننننن احلى غرفه في البيت
تاخذ العقللللللللل واااسعه وصغيييييره نياهاهاهاهاها
فيها سرير ومكتب وتسريحه ودولاب وشماعه وستاره وسجاده ودبب والعاب وحاجت مرررررررررره حللللللللوه <<خلاص غلقت الاربع اسطركركركركركر
=======
- ايش اسماء مدارسك ؟؟ المراحل التلاتة خخخخخ ؟؟ و قسم الجامعة يلي انت فية ؟؟ امممممممممم والله شوف انا في الابتدائيه كنت ادرس في الاخاء وبعدين نقلت على روضة السليمانيه وبعدين جلست الين اولى متوسط وبعدين رحت على المتوسه 58 وبعدين في الثانويه رحت الثانويه الاربعون ودحين انا في جامعة عزو قسم كيميا حيوي في كلية العلوم
- اسماء المدرسات يلي ضربوكي من اولى إبتدائي الين السنة الحالية ؟؟
والله محد مد يدو عليا هما يقدر دنا اكسرلهم هيا نياهاهاهاها
بس في اول لمن كنت ثانيه ابتدائي كانت في مدرسه اسمها كوثر كانت ضربتني في يدي مره وحده بالمسطر خخخخخخخخ عشني كنت كسلااااانه في الكتابه والقراءه نياهاهاهاهاها
- اسماء المدرسات يلي هزؤوكي .. ومدحوكي .. وطردوكي ..؟؟
يووووووووه انا ايش فكرني باسمائهم بس الحمد لله المدرسات كللللهم يمدحوني ومحدش هزئني ولا ضربني
- كم مرة انضربتي في المدرسة ؟؟ كم مرة هبقتي من الحصص ؟؟ لية
- قد قبل مرة دخنتي ؟؟ لية ؟؟ فين ؟؟ .. عسلتي ؟؟ شيشتي .. حششتي .. ؟؟ امممممممم هوا انا قلتلك مره وحده بس انضربت
يوووووه هبقت كثييير خاصة لمن كنت ثانيه ثنوي
اممممممم والله انا دخنت م مره خخخخخخخخ بس زمان مش دحين
يعني لمن كنت ثالثه ثنوي كنت انا وصاحبتي ندخن في بيتها كركركركر
هيا تجيب الدخان وانا واياها ندخن خخخخخخخخخخ لعب عيال يعني
بس كم وحده ماافتكر بس على مااظن انها كثييير لاننا عملناها كم مره نياهاهاهاها
بس عمري ماعسلت او شيشت غير يمكن كده لعبببب اشفط شفطه ولا اثنين قدام ماما وبابا لمن نسافر نياهاهاهاهاها
- كم مرة نمتي في المدسرة ولا المحاضر ؟؟ كم مرة اضريتي هههههههه تدخلي دورات المياه حقة المدراس يلي شبة الموجودة حقة البلدية يلي تسويها على البحر ما يستفيد منها المواطن بالعكس ما يستفيد منها غير الفيران و الفلبينين
طبعا انا عمري مانمت نووووم بس ممكن غفيت خخخخخخخخ
او اكون نعسااااااانه مره بس كثير مااقدر اعدلك هيا
لعععععع عمري مادخلتها اخاف من الصراصير الي فيها وبعدين الله يقرفهم معفنينها عفننننننننننن
- ايش تكتبي على الطاولة في الفصل ؟؟ وعلى الجدر ؟؟
اكتب انا احقد على عربي انا كركركركركر
واكتب اسمي واسم صاحباتي
- لمن تهبقي فين تروحي ؟؟ ايش تسوي ؟؟ بأيسش تبرري موقفك للإدارة ؟؟ انا لمن هبقت في المدرسه رحت الساحه يعني مااخرج بره المدرسه اخااااااففففففففف
ولا شي اجلس انا وصاحباتي في الساحه ونحشي بطننا نياهاهاهاها
ماعمرهم الاداره كفشوني
- بأيش تبرري موقفك لأهلك لو جبتي علامات طايحة ولا شكوى جات عنك ؟؟ والله انا الحمد لله في ايام الدراسه مستوايه كان جيد جدا على طوووووول واهلي عارفين اني انا كده ومش حزيد عن كده يعني عمري ماجبت ضعفففف
اما في الجامعه فعمرهم ماهزئوني لاني اصلا مااقلهم عن درجاتي المنيله كركركركر
حتى لمن ماما تسالني اقلها مااااااااشفت وبعد كده ماما تنسى الموضوع
- كم عدد دواليبك ؟؟
دولا ب واحد ايش يعني كم يكون عندي عشره مثلا اما سؤال عبيط كركركركر
- كم عدد فستانيك ؟؟ الأطقم .. البيجامات.. ؟؟
فساتيني ينعدو على الاصابع استني اعدلك
يعني يمكن سته وبسسسسس
اما الاطقم فما ادري يعني مني فاضيه اعدلكككك
البجامات
ياعيني على البجامات اموووووووت انا في البجامات وكمان مني فاضيعه اعدلك
- اكثر لبس تحبية اوصفية ؟؟ ماعندي لبس معين البسو كثييير دايما اغير واجدد
- كل كم شهر ترمي يلي عندك من ملابس ؟؟
والله انا ماارمي غير لمن تمر عشره سنين على اللبس خخخخخخ
ولا المشكله لمن ماما تشوف اللبس تجلس تبربرلي وتقول ايش دا انتو من فين اتعلمتو البطر لبس جديد ترمي (طبعا الجديد بتاع ماما يكون مره عليه عشره سنين خخخخخخ) بس هوا صح مانكون لبسناه كثييير خاصة فساتين السهره يعني مو حلو لمن البس الفستان عشره مرات كفايه ثلاثه مرات يعني انتو تبغو الناس يقولو انو البنت دي ماعندها غير دا الفستان (قيدهم ماقصرو ) كركركركر
- متى يعتبر افضل موسم للتسوق ؟؟ (( عارف انو طول السنة بس وقت يعني يلي يكثر فية الشراء))
لا والله انا مررررررره مااتسوق كثير يعني تخيل انا صرلي 8 شهور مانزلت السوق حتى في رمضان مااشتريت يعني تخيلللو مااشتريت لبس للعيد بس في الاخير ماما حنت عليه وراحت هيا واشترتلي تنوره وبلوزه وحده اهئ اهئ اهئ
بس دحين في الاخيييييير نزلت السوق الاسبوع الي فات بعد فراق طويل واشتريتلي شوية ملابس وماعندي موسم محدد يعني لمن اشوف نفسي غنيه نزلت السوق
- اكر محل يعجبك ؟؟ تشتري عن طريق المجلات من برة ؟؟
اممممممم والله كثير انا يعجبني بنتن واشتري منو كثير وكمان يعجبني مانجو ويوتو والباقي يعني مو مره
لععععععع عمري مااشتريت عن طريق المجلات
- لمن تخرجي السوق كم اقل شي تشيلي معاكي ؟؟ ولا على البطاقة ؟؟
- تحبي الشعبيات ؟؟ ايش اكثر شي يلفت نظرك في المحلات ؟؟
والله مش محدد يعني غالبا اروح السوق لمن اخذ المكافئه ويكون عندي الف او اثنين
وبعض الاحيان خمسميه
وبعض الاحيان ميتين
وبعض الاحيان ميه
وبعض الاحيان عشره او خمسه
وبعض الاحيان اكون مفللللللسه تماما
وماعمري استخدمت البطايق
واحب الشعبيات بس على حسبببببب يعني الحلو منها
اكثر شي يعجبني في المحل الالوان يعني لمن اشوف المحل مزهزه ادخلو على طول خخخخخخخخخ
- قد اتعاكستي في السوق ؟؟ كم مرة ؟؟ ايش سويتي ؟؟ وفين ؟؟
والله ماافتكر انو احد عاكسني في السوق معاكسه بمعنى معاكسه اهئ اهئ اهئ ماادري ليش هوا انا وحشه خخخخخخخخخخ
يعني ممكن احد يجلس يكلم صاحبو ويعلي صوتو ويديني الرقم حركه يعني<<والله يمكن يكون بيرقم وحده ثانيه بس انا افكرو ليه خخخخخخخخ
ايوه اقلكم خخخخخخخخخ مرتين كنت انا وماما واخواتي ماشين في السوق المهم مرتين حصل الموقف دا ويجو سباب يقولولنا اديني منتو بريالين خخخخخخخخخخخخ
طبعا نحنا نسكت ايش نقول نطنشهممممممم
فين اممممممم يعني في حراء وفي محمود وفي السليمانيه ولمن سافرنا
- تشيلي الأكياس ولا احد غيرك يشيلها ؟؟
لا انا اشيل اكياسي بنفسي
اكتبي رأيك فيمن يلي بما يقل عن سطرين
- صدام حسين
ياناس الرجال دا انا اموووووووت فيلو خخخخخخخ مره احبو اصلو هوا كان صاحبي الروح بالروح
والله ماادري عنو هوا انسان متخلف بس برضو يعجبني
- جورج بوش
حياتي والله خخخخخخخخخ والله انا مااكرهو بس في نفس الوقت مااحبو نياهاهاهاهاها
ودا برضو انسان متخلف وحقودي
- كونان
ياسلم هوا في وي كونن شخصيه راااااائعه وذكيه جدا
اموووووووت فيلو انا
- بن لادن
لا لا دا ماسمح لمخلوق يتكلم عليه بحاجه وحشه
يعني من جد انسان يخاف ربو ويحب الاسلام والمسلمين وانسان صالح وحقاني وشجااااااع ورجل بكل ماتحمله معنى الكلمه من رجوله
- قيفوت
قيفوت ياسلام على قيفوت
ياريت الشباب كلهم يقتدو فيلو ويصيرو زيووو شخصيه عاقله ومتزنه بس في نفس الوقت حزين مش عارفه ليه بس فعلا هوا انسان محترررم وذوق جدا ويحب الخير لكللل الناس
- باتسيتوتا
مين دي مااعرفها
- مايكل اوين
خخخخخخخخخخخخ الله يجلعو
- سعيدان و حميدان حقون طاش ما طاش
شوف انا مايعجبني سعيدا احسو مغرور نياهاهاهاهاها
بس امووووووت في حميدان مرررره واد لزوز وقلبو ابيضضض ودمو خفيف
- مرعي مرعوش
والله شوف انا الواد دا كنت مرررررره اقول عليه انو واد حبوب وطيوب ومرررره كنت احترمو وكنت اشوفو انو دمو شربااااات بس ياخساره لم تيقى هاذي الصوره كما كانت فقد تغيرت وذلك لاسباب شخصيه ولحد يسالللللل بس عموما هوا واد روش ولزوز وحبوب واتمنالو التوفيق من كل قلبي
- ميكي ماوس
حياتي هدا اموووووووت فيلو روحي عمري قلللبي هوا من عاش معايه طفولتي وقليلا من فترة مراهقتي دمو شرباااااااان
كيف تتوقعي شكل كلا مما يلي
- مرعي مرعوش
امممممممم يعني قصير القامه مليان شويه شعرو منفوش عيناه واسعتين ويمكن جاحظتين انا كده سمعت
لون بشرته قمحي
انفه واقف شويه
بؤو كبير حبتين
يعني اجمالي الشكل انو مقبول
- عربي انا
احسو واد وسيييييييم خخخخخخخخ يعني اتخيلو طويل شويه بس عيبو انو عصعوص
عيونو لهي كبيره ولا صغيره وانفو واقف وبؤو وسط
ولون بشرته بيضاء ولون شعرو اسود ومش ناعم لكن اجعد
- سعودي
هادا واد خطييييييير انا اتخيلو لزوز وحليوه وانو طويل ونحيف ولونو اسمر عيناه واسعتان انفه واقف بؤو اد الفستقه خخخخخخخ
- الملا عمر
ههههههههههه طويل رشيق عينو مثل الفنجان انفه مثل السيف بؤه مثل الفستقه ابض البشره اسود الشعر شعرو ناااااااعم كركركركر
- سيرجيو ريكاردو
اقول اذا انت فاضي انا مش فاضيه وتعبت صراحة خخخخخخ
- الفيس بريسلي
اديك صورتو وانت اتخيلو نياهاهاهاها
- مروقا المنقا
والله انا نفسي اشوف البنت دي تخيلو للان ماشفتها بس انا مااتخيلها
- همس الشفايف
ماعمري شفتها بس احسها بنت لزوزه وحبوبه وطويله ونحيفه وسمرا وشعرها بني وعينها واسعه وفمها وسط وانفها واقف والله اعلم
- دلع × دلع
مش حتخيلها لاني شفتها
- وديييييع
اممممممم واد اسمر مش طويل يعني وسط نحيف
خشمو واقف عيونو وساع بؤو كبيره كركركركركر
شعرو اجعد ولونو اشقر خخخخخخخخخخ لا اسود
اخر سؤال
ما ارأيك بعربي انا عيوبة قبل محاسنو خخخخخخخخخخخ (( اخد مقلب في نفسي ترى ))
عربي انا يعني لو ماسالت السؤال يكون احسن
لانو بعد الاسئله الي سالتها فانا اقلك انت كلللللك عيوب خخخخخخخخ
والله شوف الواد دا ماادري عنو حاجات كثير
بس هوا واد اخلاق ومحترمممم يعني انا ماعرفو عشان اطلعلو عيوبو
ولكن هوا يستحق التقدير
واحس كمان انو عقلو كبيييييير
وانو تفكير اكبر من سنو
عيني مليك بارده والله يحفظك لامك
والسلام عليكم ورحمة الله
ولولولولولولييييييي
اخيرا خلصت الاسئله
باي باي
مرهفة الاحساس
23-03-2003, 02:07 PM
ليشششششش تضحك
ايش مني عاجبتك كركركركركر
وي وليش الله يستر مررره شايفني فضيحه
بس عقبال مايجي الدور عليك لاتخاف كلها ايام وليالي كركركركر
باي باي
مرعوووش
23-03-2003, 03:17 PM
مسالم والله اسف حبيبي ..
بس اسمحلي انتا كان المفروض تنزل موضوع الضيف الجديد وتختارو يوم الجمعه الماضي وانا اعطيتك فرصة ليوم السبت في الليل ولاحظت انك ما حطيت ضيف جديد فاضطريت اني اختار بنفسي ..
وكمان انا قلت امكن زعلت من سوء التفاهم اللي صار بينك وبين زووز في اثناء استضافتك
لك خالص اشواقي وحبي وتقديري ..
بس ولا يهمك لو تحب نغير العضو انتا امر بس
قوة
مسالم
23-03-2003, 08:52 PM
شكرا اخي مرعي والله انك احرجتني باسلوبك الحلو .. وكلامك اوامر والله وانا مااقصد شي غير انه يمكن شفت حقي مهضوم وزعلت .. لكن ماتتصور قد ايش كلامك رفع معنوياتي ...
شكرا لك ولااهتماك وبالنسبة للتغير الضيف المختار .. نحن يالله ماصدقنا اننا صدنا مرهفة علشان نهريها اسئلة الين ... يطلع في راسها نخلة
تحياتي لك مرة ثانيه يولد مرعوش :10:
مرهفة الاحساس
23-03-2003, 08:54 PM
انا عندكم هنا طرطوره ولا ايش الحكايه
واحد يقولي كده على غفله روحي ادخلي الاصدقاء والتعارف حتلاقي مفاجاه
والثاني يقول انا اختار
والاولاني يرجع يقول خلاص ولا يهمك اذا تبغانا نغير الضيف مافي مشكله
خخخخخخخخخخخ والله وصرتي مصخره اخر عمرككككك
دي اهانه لا اقبل فيها ابداااااااا
شوفو انا بديت وجاوبت وغصبا عن عنيكم اصير الضيفه واشوف احد يغيرني وقسما بالله لاخربلكم البرنامج حقكم كلو هههههههههاااااااي
باي باي
صمت الألم
23-03-2003, 09:43 PM
قبل كل شيء أتمنى أن تكوني بأفضل صحة وعافية....
وسؤال بسيط.........
من هي الصديقة التي تحكي إليها ما يحدث لك من شيء طيب ومن شيء
ليس بطيب(لا قدر الله)....بمعنى من هي التي يطلق عليها توأم روحك..؟؟
طبعاً الوالدان والأخوان....شيء معروف...لكن غيرهم...
هذا ولكي تحياتي....
مرعوووش
24-03-2003, 02:25 AM
مرهفة راجعلك بشوية اسأله عجب ...
بس واللي يرحم امك لو احد طلب منك في يوم من الايام انك توصفي شكلي اعتذري بأي طريقة لأنك مرررررة من جنبها خخخخخخخخ
خليتيني اقوم قدام المرايا اطمن خخخخخخ
تسلم حبيبي مسالم دا من ذوقك والله ...
بس يالله يدك معانا على مرهفه وخلينا نزرعلها بدل النخلة مزرعة نخل ..
قوة
شوفوا من دحين اقلكم...مرهفه ماعاد راح تدخل النت لانه أنا حرمتها منه...نياهاهاهاهاااااااااا
هيه ووجهها امس قعدت 12 ساعه عالنت..البنت اتجننت ماصدقت خليتوها ضيفه....
المهم..
أنا عندي كم سؤال لكي ياأختي في الله<<===تتبهلل
مين أكثر وحده تحبيها في البيت بعد ماما؟؟؟
مين أكثر وحده حبيتيها من البنات اللي اتعرفتي عليهم بالمنتدى؟؟؟
مين أكثر وحده ماحبيتيها؟؟؟
مين أكثر واحد ارتحتيلوا من عيال المنتدى<<==اتعقدت...؟؟
مين أكثر واحد كرهتيه؟؟؟
وتحياتي ...
شوفوا من دحين اقلكم...مرهفه ماعاد راح تدخل النت لانه أنا حرمتها منه...نياهاهاهاهاااااااااا
هيه ووجهها امس قعدت 12 ساعه عالنت..البنت اتجننت ماصدقت خليتوها ضيفه....بس يلا رحمتاً منّي راح اخليها تدخل ساعه في اليوم ترد على اسألتكم وتطلع..
المهم..
أنا عندي سؤال لكي ياأختي في الله<<===تتبهلل
مين أكثر وحده تحبيها في البيت بعد ماما؟؟؟
شقردي*
24-03-2003, 01:34 PM
مساء الغلا ...
سؤال ولك حق الاختيار.
انتي مع او ضد الدمقراطيه في المملكه ؟
هلا مرهفة
هههههههههههههههههه الكل بيفتري فيكي مع انك والله تحزني >>خخخخخخخخخ
انا راجعالك بشي يفرحك
بس عندي سؤال
متى بتتركي المنتدى؟؟>>>>>>>>>>متشائمة وتجيبها من ورا
اوكي انا راجعالك ياحلوة
مرهفة الاحساس
24-03-2003, 05:53 PM
ازيكم ياجماعه
انا زي اطمنكم واقلكم ماعليكم من زوز
والله هيا تخاف مني موت
انا بس اديتها كف وهيا سكتت وانا جلست على النت كركركركركر
هلا بيك اخوي صمت الالم
ياسلاااااااام كده الاخوه ولا بلاش
طيب انا اجاوبك
انا في العيله يقولولي انتي وبنت خالتك الي هيا (بنت جده) توام روحي
من جد البنت دي انا اقلها كلللللللللل شي في قلبي
مااخبي عنها حاجه لا الطيب ولا البطال
يعني في خاجات كثيره مااقولها لماما ولا لاخواتي بس اقولها لبنت جده
يعني هيا وانا اكثررررر من اخوات
الله يخليها ليا دوم
ومتشكرين اوي جدا خالص على تعاونك معانا
والسلام عليكم
مرهفة الاحساس
24-03-2003, 06:08 PM
ليه ان شاء الله اشبو وصفي لايكون موعاجبك
احمد ربك اني في الاخير قلت انو شكلك مقبول خخخخخخخخخ
اصلي وصلتني اخبار انك تفجعععععع نياهاهاهاهاها
طيب طيب يصير خير ونشوف الاسئله العجب بتعتك
وباي باي
مرهفة الاحساس
24-03-2003, 06:22 PM
والله اسالتك حساسه وافضل اني اجاوبك عليها في البيت
ولا اقلك خليني اجاوبك هنا لاني عارفه انو في البيت انا وانتي مانتكلم خخخخخخخخخخخخخ
أكثر وحده تحبيها في البيت بعد ماما؟؟؟
والله احب ماما وبعدو بابا وبعدو توفي وبعدين اختي الكبيره وبعدين الباقي يجي في مرتبه وحده
مين أكثر وحده حبيتيها من البنات اللي اتعرفتي عليهم بالمنتدى؟؟؟
والله كلللللللهم حبيتهم مافي وحده لفتت انتباهي اكثر من الثانيه كللللللهم حبيتهم زي بعض بس يمكن مروقة المنجا اهرج معاها كثير واحسها اقرب مني كثير مع اني ماشفتها يمكن لمن اشوفها انفر منها خخخخخخخخخخخخخ الله اعلم امزح ترى لاتزعلي
مين أكثر وحده ماحبيتيها؟؟؟
خخخخخخخخخخ زوز
مين أكثر واحد ارتحتيلوا من عيال المنتدى<<==اتعقدت...؟؟
ههههههههههههه ارتحت لكثيييييير بس ياخساره طلع احساسو مش في مكانو لانو صدمت في اعضاء كثيريييين بس الصراحه ارتحت جدا جدا لاخي واحد من الناس وبعده قيفوت وكذلك مسالم
مين أكثر واحد كرهتيه؟؟؟
ههههههههههههههه بصراحه بصراحه مااقدر اقلك بس انا ماكرهت احد بمعنى كرهتو بس يمكن حقدت عليه خخخخخخخخخ
مغسي على الاسئله
وباي باي
مرهفة الاحساس
24-03-2003, 06:41 PM
خخخخخخخخخخخخخخ حلو السؤال خطييييييير
انا معاها مرررررره معاها هههههههههه
هوا في اصلا ديمقراطيه في المملكه
الا بالحق
ايش يعني ديمقراطيه ؟؟؟؟؟؟ كركركركركركر
باي باي
مرهفة الاحساس
24-03-2003, 06:52 PM
شوفي يابنتي اذا تبغى تسيبي المنتدى سيبيه ولاتستنيني نخرج مع بعض كركركركركر
شوفي انا والمنتدى مشششششش حيفرقنا الا الموت خخخخخخخخ
لا من جد انا ان شاء الله اسيب المنتدى لمن اتزووووج (وجه محمر)
باي باي
شقردي*
25-03-2003, 01:59 PM
مساء الغلا ..
دمقراطيه هذي الله يسلمك علبة ماكنتوش مرميه في الشارع العام..!!!
سجلي عندك ولك حق الاختيار..
س 1 / ما رايك في الزواج المبكر سواء للفتاة او للشاب ؟
س 2 / ماذا تفعل مرهفة اذا دمعت عيناها اتكتفي بمسحها بمنديل ام انها تشكي لأخر ؟
س 2 / ماذا تعني لك كلمة (( استقراطي )) ؟
والله و هروكي أسئلة ..
بس لسا ..
ما شفتي شي :p
مرعي أكلها على راسو أكتر من كدا :D
بس تعرفي .. ما أبغى أتقل عليكي :)
مو من طبعي أضايق الناس و أخليهم يدعوا عليا !! ههههه
عاد أعرفك .. لو عصبتك ح تدعي عليا ..:cry:
عشان كدا خلينا في السليييييييييييم :) ..
:02:
هما كلهم سؤالين ..
س1) هل تقتنعي بمقولة "لا يمكن أن توجد صداقة بريئة بين فتاة و شاب" ؟؟ مع التوضيح و إعطاء الحجج المناسبة :p
س2) ايش رأيك في "rano" ?? و أبغى رأيك الحقيقي من غير أي مجاملات .. بإيجابيات و سلبيات :) ..
شكراً مقدماً يا عسل :) ..
و تحيااااااااااااتي لك و لحضورك الممتع :) ..
والله وكسّرت كلمتي بنت أبويا...
هيّن...
دحين من جد راح أشيل السلك وأخبيه في مكان مايوصلّوا الجنّي الازرق...ولا خابراها هيه أخس من الجنّي الازرق...
المهم..ياأختي في الله...جرحتي مشاعري يعني أنا خليتيني في المرتبه الاخيره...أفااااا ماكان العشم والله...
اممممممممم
طيب كمان سؤال...لما دخلتي الجامعه هل غيّرت فيكي شي..؟؟ام انها لم تؤثر..؟؟
طبعاً أنا عارفه الجواب بس عشان أعضاءالمنتدى يعرفووا
مرهفة الاحساس
25-03-2003, 08:16 PM
شقردي ابو نجمه
طيب قلي كده من الصبح انو الديمقراطيه هيا علبة ماكنتوش
والله شوف انا كنت زماااااان احبها دحين ماصرت احبها نياهاهاهاها
وكمان مرميه في الشارع
يعني افضل انكم ماتاكلوها
لانو يمكن انتهت مدة صلاحيتها كركركركركركر
1 / ما رايك في الزواج المبكر سواء للفتاة او للشاب ؟
والله انا من المؤيدين وبشده وبقوه من الزواج المبكر لانو فعلا احسو راح يكون تحصين للبنت والولد خاصة في زمنا الذي كثر فيه الفتن
س 2 / ماذا تفعل مرهفة اذا دمعت عيناها اتكتفي بمسحها بمنديل ام انها تشكي لأخر ؟
يوووووووه مين قال والله لاقلب الدنيا نياهاهاهاها
شوف ابكي وبعدين امسح بالمنديل وبعدين اشطف وجهي
وبعدين اجلس افكرررررر انا ليش بكيت يعني هل الشي الي انا بكيت عشانو يستحق البكاء
واشوف انو اني هبلا وبكيت على حاجه هبلااااا ماتستحق وانو في حاجات اكبر من ده المفروض نبكي عليها وبعدين مااعود ابكي عليا ثاانيه وفي الاخير اروح احكي بنت خالتي بنت جده كركركركر
س 2 / ماذا تعني لك كلمة (( استقراطي )) ؟
ياابني انت احد مصلتك عليا كركركركركركر
والله تعني لي الكثير
انا بشكل عام احب الاستقراطيه والحاجات دي
ومتشكرين على الاسئله
وباي باي
مرهفة الاحساس
25-03-2003, 08:23 PM
مشششششش معقوله اكييييييد انا بحلم
) هل تقتنعي بمقولة "لا يمكن أن توجد صداقة بريئة بين فتاة و شاب" ؟؟ مع التوضيح و إعطاء الحجج المناسبة
نعك واقتنع جدااااااااا جدا جدا
بلا صداقه بلا كلام فاضي قال بريئه قال
والله مايحتجلها توضيح يعني الله عو وجل لمن خلق المراه وخلق الرجل جعل بينهم تجاذب وهناك غريزه فيعني لاتقولولي بريئه مابريئه
وبعدين هناك حديث يقول بما في معناه
لايوجد اثنين الا والشيطان ثالثهما
س2) ايش رأيك في "rano" ?? و أبغى رأيك الحقيقي من غير أي مجاملات .. بإيجابيات و سلبيات
اه طيب مو قلتلك راي فيكي على التلفون
يعني لازم توري الاعضاء كمان رايي فيكي نياهاهاهاها
شوفي ياحبيبتي
باختصار شديد
انا من اشد المعجبين فيكي
وبعقليتك
وتفكيرك
وباخلاقك العاليه
واحسك انسانه راااااائعه وكبيره في عقلك
واحس كلامك وتفكيرك اكبر من عقلك
اما عن سلبياتك فالله اعلم
انا مااقدر احكم عن شخص من غير مااشوفو واعاشرو
وتسلمي على الاسئله الزوزه الي زيك
وباي باي
مرهفة الاحساس
25-03-2003, 08:26 PM
كركركركركر
والله شوفي
يعني انا لمن دخلت الجامعه
يعني حسيت انو ثقتي زادت في نفسي
بس مش اكثر من كده ولا اقل
ومرسي على السؤال
وباي باي
مرعوووش
26-03-2003, 05:23 PM
نياهاااااااهااااااااااااااااا :10::10::09::09::15:
هااااااااااااااااي مرهفة ...
كيفك ايش اخبارك ؟؟ طمنيني كيف اعصابك تمام ولا لا ؟؟
انا جيت زي ماقلتلك وعندي شووووووووية اسألة .. يريت تجاوبي عليها بمنتهى الوضوح والصراحة ..
يالله نبدأ ؟؟
اوكي قوووووووو هيد
:19::19::19::22:
^^^^^^^^^^^^^^^^
ايش هوايتك بعد النت ؟؟؟
اكيد تسمعي اغاني .. طيب مين فنانك المفضل ؟؟؟
فنانتك المفضلة ؟؟
تحبي الشعر ولا لا ؟؟
اذا ايوا .. مين شاعرك وشاعرتك المفضلة ؟؟
ايش حكمتك في الحياة ؟؟؟
ايش اللون المفضل بالنسبة ليكي ؟؟
ايش هوا مشروبك المفضل ؟؟؟
ايش تؤمني اكثر بالصداقة ولا الحب .. وليش ؟؟؟
هل تعتقدي انو في صداقة بين الحب ولا الولد ولا بس حب ؟؟؟
تعتقدي انو ممكن يكون اخوكي صديقك وتفضفضيلو ولا شخص اخر من برا العيلة .. ولد خالتك او ولد عمتك مثلا ؟؟؟
متى تكون مرهفة الاحساس رايقة ؟؟؟
لازم تذكري موقف جدا جدا جدا محرج مر بيكي ؟؟
لو شفتي شخص ميت قدامك ايش تعملي ؟؟
ـ عضو ترتاح له ؟
عضوة ترتاح لها ؟ ؟
ـ اكلتك المفضلة ؟
ايش اجمل يوم في الاسبوع وليش ؟؟؟
ايش احلى صدفة قابلتيها في حياتك ؟؟
ايش الموقف اللي حسيتي في انو الحظ جدا جدا ابتسملك ؟؟؟
ايش تكره مرهفة الاحساس ؟؟؟
ـ امنية تحققت ؟
ـ اخرى لم تتحقق ؟
ـ اجمل الاسامى فى نظرك
1 ـ ذكر:
2 ـ انثى :
سافرتي برا المملكة ولا لا ؟؟ واذا ايوا فين ؟؟ وايش احلى سفرة واحلى بلد ؟؟؟
ـ خبر اسعدك ؟
ـ خبر احزنك ؟
ـ عضو حزنت لفراقه ؟
ـ عضوة حزنت لفراقها ؟
ممثل عربي ـ ممثلك المفضل ؟
برضو عربي ـ ممثلتك المفضلة ؟
ايش يشجع ابوكي واخوانك .. وانتي ايش تشجعي ؟؟؟
تحبي الرياضة ؟؟ وايش اكثر رياضة تحبيها ؟؟ـ
ومن مين وايش المناسبة وايش هيا ؟؟ ـ اجمل هدية حصلت عليها ؟
هل تؤمني بالقول المعتاد انو الهدية ليست بقيمتها ب بمعناها ولا لا؟؟
ـ اغرب موقف تعرضت له ؟
وايش نوع المكياج المفضل ؟؟ ـ عطرك المفضلة ؟
ـ ساعتك المفضلة ؟
ـ اجمل مراحل عمرك ؟ ؟
لما مرررة تضايقي ايش تعملي ؟؟؟
احلى شخص شفتي في حياتك مين هوا وليش عجبك ؟؟
اكثر سوق يعجبك وليش ؟؟
قيد رحتي ايس لاند وعجبك ولا لا ؟؟
ايش احب نوع من الايسكريمات ؟؟
عندكم مراوح في البيت ولا لا ؟؟
قيد صليتي التراويح او التهجد في رمضان ؟؟ وازا ايوا فين ؟؟
مين احسن طقاقه شفتيها في فرح ؟؟
ايش رايك في محمد الصحاف ؟؟
انتي قابلتي في الجامعه كتير من بنات المنتدى .. ادينا تحليل شخصي .. لهم في ما لايقل عن سطر ونص ..
زيزا :
نور العين :
دلع x دلع :
بنت جدة :
دلوعة :
الحاررة :
ومين تاني من اللي شفتيهم ؟؟
مين اخف دم فيهم كللهم ؟؟
مين ارق وانعم وتحسيها كدا مرررة روشة منهم كللهم ؟؟
لو كنتي في ملكة العالم كاااااامل .. سمي ثلاث قرارات حتاخذيعا على افور ؟؟
لو كنتي صاحبة المنتدى اذكري ثلاث قرارات اخرى حتغير في المنتدى ؟؟
هل حبيتي قبل كدا ولا ؟؟
اذا ايوا ليش سبتو بعض ؟
هل تحسي نفسك محبوبة ولا ؟؟
كيف علاقتك مع اختك زووز في البيت ؟
ايش موقفك من شخص اعطيتي كامل ثقتك وبعدين اكتشفتي انو بيلعب بديلو ؟؟
ايش رايك لو احد اخد منك موقف واتهمك بتهمه انتي بريئه منها ؟؟
واخيرا , ايش رأيك بنافذة الاصدقاء والتعارف ومشرفها ؟؟
لا اكون تقلت عليكي كلها 70 سؤال خخخخخخ...
لسا في اسئله كنت حاطها في بالي بس طارت .. بس اول ما افتكر راجعلك ..
قوووووووة
عابر القارات
27-03-2003, 03:55 PM
الحمد لله اني لحق على الموضوع قبل مايقفلوه
المهم
اريد ان اوجه اليك بعض الاسئلة
ايها العجوز
كم عمرك
وما هو التخصص اذا كنت تدرسن
ومتى اول مرة دخلت الى شبكة الانترنت
وماذا كان شعورك مع ذكر اول موقع زرتيه
الاكلة المفضلة بس تكون غير المنتو واليغمش
مع كتابة الوصفة والسلام ختام
مرهفة الاحساس
27-03-2003, 06:35 PM
واخيييييرا احد عبرني وسألني اسأله كركركركركر
ايش هوايتك بعد النت ؟؟؟
السباحه والسفر
اكيد تسمعي اغاني .. طيب مين فنانك المفضل ؟؟؟
اسمع بس مش كثير يعني اذا لقيت في الراديو او في التلفزيون سمعت لكن مااشتري شريط لمغني واسمعله ماعندي فنان مفضل
فنانتك المفضلة ؟؟
لا يوجد فنانه مفضله كوووووووولهم سواسيه عندي مجرد تسليه فقط
تحبي الشعر ولا لا ؟؟
لا احبه ولا اكرهه اذا لقيتوا قدامي قريتوا
اذا ايوا .. مين شاعرك وشاعرتك المفضلة ؟؟
واذا مو ايوا كركركركركركر
والله عبد الرحمن بن مساعد اشوفوا لزوز
ايش حكمتك في الحياة ؟؟؟
لا حياه مع اليأس ولا يأس مع الحياه والحكمه الثانيه اضحك للدنيا تضحكلك
ايش اللون المفضل بالنسبة ليكي ؟؟
الالوان الفاتحه والزاهيه بشكل عام
ايش هوا مشروبك المفضل ؟؟؟
بيبسي وكولا
ايش تؤمني اكثر بالصداقة ولا الحب .. وليش ؟؟؟
اؤمن بالاثنين لانه لايوجد صداقه من غير حب ولا حب من غير صداقه ومن غير ليش كركركركركركر
هل تعتقدي انو في صداقة بين الحب ولا الولد ولا بس حب ؟؟؟
نعم هناك صداقه بين الحب والولد
ولا لا بس حب بين الولد كركركركركركركركركر
تعتقدي انو ممكن يكون اخوكي صديقك وتفضفضيلو ولا شخص اخر من برا العيلة .. ولد خالتك او ولد عمتك مثلا ؟؟؟
طبعا
متى تكون مرهفة الاحساس رايقة ؟؟؟
بعد ما تأكل
لازم تذكري موقف جدا جدا جدا محرج مر بيكي ؟؟
مره كنت في السوق وكان معايا خالي وكان في شاب واقف جمبي وانا احسبه خالي وقاعده استخف معاه وضربتوا في ظهروا الا الشاب استغرب وطالع فيا ومره اتفشلت ساعتها
ملاحظه: الموقف تخريف كركركركركرر
لو شفتي شخص ميت قدامك ايش تعملي ؟؟
اصرخخخخخخخخ
ـ عضو ترتاح له ؟
واحد من الناس
عضوة ترتاح لها ؟ ؟
بنت جده
ـ اكلتك المفضلة ؟
اللمبو
ايش اجمل يوم في الاسبوع وليش ؟؟؟
يوم الاربعاء عشانه اول يوم في الاجازه
ايش احلى صدفة قابلتيها في حياتك ؟؟
حبيبي
ايش الموقف اللي حسيتي في انو الحظ جدا جدا ابتسملك ؟؟؟
وقت ماضعت من الفندق وهذاك كان اول يوم لمعرفه حبيبي
ايش تكره مرهفة الاحساس ؟؟؟
اللي يكرهني
ـ امنية تحققت ؟
اني احب
ـ اخرى لم تتحقق ؟
زواجي من حبيبي بس ان شاء الله قريب
ـ اجمل الاسامى فى نظرك
1 ـ ذكر: اسامه
2 ـ انثى : اسمي
سافرتي برا المملكة ولا لا ؟؟ واذا ايوا فين ؟؟ وايش احلى سفرة واحلى بلد ؟؟؟
ايوه رحنا مصر_سوريا_الاردن_لبنان_تركيا_فينا_النمسا_فرنسا_لند ن_الكويت_اليونان واحلى سفره تركيا ولبنان عشان كنا مع الاقارب
ـ خبر اسعدك ؟
نجاحي في الثانويه العامه
ـ خبر احزنك ؟
عدم قبولي في الجامعه الترم الاول
ـ عضو حزنت لفراقه ؟
لا يوجد
ـ عضوة حزنت لفراقها ؟
لايوجد
ممثل عربي ـ ممثلك المفضل ؟
محمود قابيل
برضو عربي ـ ممثلتك المفضلة ؟
منى زكي وعبله كامل
ايش يشجع ابوكي واخوانك .. وانتي ايش تشجعي ؟؟؟
ابويا واخواني يشجعوا الاتحاد وانا اشجع المنتخب السعودي كركركركركركر
تحبي الرياضة ؟؟ وايش اكثر رياضة تحبيها ؟؟ـ
يعني واكثر شي السباحه
ومن مين وايش المناسبة وايش هيا ؟؟ ـ اجمل هدية حصلت عليها ؟
هديه بنت جده بمناسبه عيد ميلادي واما ايش هيا فهذه خصوصيات كركركركركر
هل تؤمني بالقول المعتاد انو الهدية ليست بقيمتها ب بمعناها ولا لا؟؟
لعععععععع لا اؤمن اذا انا كنت غاليه عن شخص اكيد راح يجبلي هديه غاليه
ـ اغرب موقف تعرضت له ؟
صدفه اللقاء بحبيبي
وايش نوع المكياج المفضل ؟؟ ـ عطرك المفضلة ؟
شانيل ومافي عطر معين انا من النوع اللي يحب التجديد والتنويع
ـ ساعتك المفضلة ؟
سواتش وجيس
ـ اجمل مراحل عمرك ؟ ؟
فتره طفولتي عندما كنت لا اعي ولا افهم شيئا
لما مرررة تضايقي ايش تعملي ؟؟؟
اكل واكلم حبيبي
احلى شخص شفتي في حياتك مين هوا وليش عجبك ؟؟
حبيبي والله للان انا اسأل نفسي دا السؤال ليش عجبني
اكثر سوق يعجبك وليش ؟؟
حراء الدولي عشان الاقي فيه كل احتياجاتي ولانه شرح وبرح
قيد رحتي ايس لاند وعجبك ولا لا ؟؟
لا والله بس سمعت عنه ومن كثر ماسمعت عنه عجبني كركركرركركر
ايش احب نوع من الايسكريمات ؟؟
بابو وجمبو كركركركركر
عندكم مراوح في البيت ولا لا ؟؟
لا عندنا مكيفات صحراويه كركركركركر
قيد صليتي التراويح او التهجد في رمضان ؟؟ وازا ايوا فين ؟؟
طبعا في الحرم وفي مسجد حينا وغالبا في البيت
مين احسن طقاقه شفتيها في فرح ؟؟
اختين توأم شفتهم في فرح وصوتهم كان فتاااااك
ايش رايك في محمد الصحاف ؟؟
رهيييييييب ولسانه طويل
انتي قابلتي في الجامعه كتير من بنات المنتدى .. ادينا تحليل شخصي .. لهم في ما لايقل عن سطر ونص ..
زيزا :بنت طيبه وحبوبه وهادئه نوعا ما ولزيزه
نور العين :انسانه فرفوشه تحب الحياه دمها خفيف وغنوجه
دلع x دلع :انسانه محترمه واخلاقها عاليه وطيوبه ولزوزه
بنت جدة :مرررررررررره طييييييييييبه وحبوبه ولزوزه وهادئه وخجوله جدا
دلوعة :مغروه جدا وشايفه نفسها ودمها ثقيل وتحب الحياه ولزوزه ( عشانها بنت خالتي)
الحاررة :هادئه بااااااارده ومحترمه لزيزه وطيوبه
ومين تاني من اللي شفتيهم ؟؟
ماشفت غيرهم بس كلمت كثير وحبيت مروقه ورانو
مين اخف دم فيهم كللهم ؟؟
نور العين
مين ارق وانعم وتحسيها كدا مرررة روشة منهم كللهم ؟؟
رانو
لو كنتي في ملكة العالم كاااااامل .. سمي ثلاث قرارات حتاخذيعا على افور ؟؟
اولا اوقف الحرب
ثانيا انشرا الاسلام واهدم الاصنام والكنايس وابني المساجد واقفل مواطن الفسق والفساد وانشر الاسلام
اتخلص من الحكام الظلمه مثل شارون وبوش وبلير و و و و و
لو كنتي صاحبة المنتدى اذكري ثلاث قرارات اخرى حتغير في المنتدى ؟؟
اولا اطردك من المنتدى كركركركركرر
ثانيا اقفل المنتدى
ثالثا افتحه من جديد كركركركركر
هل حبيتي قبل كدا ولا ؟؟
نعم ومازلت
اذا ايوا ليش سبتو بعض ؟
لا اله الا الله تفاول عليا كذا ليه ان شاء الله نفضل نحب بعض وما يفرقنا الا الموت
هل تحسي نفسك محبوبة ولا ؟؟
نعم احس نفسي محبوبه جدا
كيف علاقتك مع اختك زووز في البيت ؟
مشاكل
ايش موقفك من شخص اعطيتي كامل ثقتك وبعدين اكتشفتي انو بيلعب بديلو ؟؟
احقد عليه واكرهه واقطع صلتي بيلو
ايش رايك لو احد اخد منك موقف واتهمك بتهمه انتي بريئه منها ؟؟
راح احزن واحاول اني اظهر الحقيقه
واخيرا , ايش رأيك بنافذة الاصدقاء والتعارف ومشرفها ؟؟
والله قسم نشيط ومشرفها واد لزيز ودمه خفيف وطيوب
لا اكون تقلت عليكي كلها 70 سؤال خخخخخخ...
لا عادي بالعكس اتمنيت انوا الاسئله تطول اكثر من كذا
مرهفة الاحساس
27-03-2003, 06:40 PM
ايها العجوز
عجوز في عينك
كم عمرك
20 سنه
وما هو التخصص اذا كنت تدرسن
كيمياء حيوي
ومتى اول مرة دخلت الى شبكة الانترنت
قبل 7 شهور تقريبا
وماذا كان شعورك مع ذكر اول موقع زرتيه
شعور اي مواطن سعودي واول موقع زرته فلاشيات
الاكلة المفضلة بس تكون غير المنتو واليغمش
اللمبو
مع كتابة الوصفة والسلام ختام
تحط نشا في قدر مع مويا وتقلبه على نار هادئه اللي مايتخن وبعدين تحطه في صينيه وبعدين تحطه في الثلاجه وتعمل على جمب ادام بالباذنجان وتحطهم فوق بعض وتاكله مع اللازا والخل
وشكرا على اسئلتك وباي باي
مرعوووش
29-03-2003, 03:33 AM
فين قابلتي حبيبك .. في اي فندق ؟؟
كيف تم التعارف بينكم ؟؟
ايش الشي اللي يجذبك للولد ؟؟
ايش وجهة نظرك اللي تخلي الولد يطالع في البنت ويعجب بيها ؟؟
دي اول تجربة حب ؟؟
كم عدد اخوانك واخواتك وترتيبك بينهم ؟؟
قوة
دلوعـــــه
31-03-2003, 01:22 AM
مرهفة أنا والله مرة زعلانة منك..ولا تقول دقي راسك في الجدار
ولا أشربي موية البحر..لإنه بصراحة مافيا أسوي ذي الشغلات
دحين أنا مغروره ودمي ثقيل ها:cry:...
ترى مرهفة ذي اليومين ماتقدر تدخل النت عشان العزا...ايش رايكم
أجاوب بدالها هاهااي..الله يهديكي يامرهفة...
أنا ليا سؤال واحد وأتمنــــــــــــــــى إنك تجاوبي عليه وبكل صراحة بليز
متى تنزل دموع مرهفة الاحساس؟؟..
الترجمة أصلها بخارية هاهاي...متى تبكي ..لما تنقهري لما أحد يضايقك
ولا متى ؟؟؟؟؟؟؟
مرهفة الاحساس
31-03-2003, 10:53 AM
طبعا نحنا الان في الاسبوع السادس
وانا خلصت مدة استضافتي وانا اقلكم شكرا على الشاهي والقهوه نياهاهاهاهاها
ايوه احب اقول لمرعي ولدلوعه ياشين اللقافه نياهاهاهاهاهاهاها
انا بس اجاوب للسؤال الاخير بتاع مرعي
انا عندي 4 اخوان اللهم صلي على النبي
واختين
وانا ترتيبي الثالثه
والسلام عليكم ورحمة الله وبركاته
دلوعـــــه
01-04-2003, 06:25 PM
عجيب لسه ماخلص...لإنه ماأتشال الموضوع لما يتشال يصير
خير.....
ايش الضيفة هذه؟؟...بلاش منها أحسن>>>>يعني يعني تبغى تعصبها
عشان ترد كاكاي
مرهفة الاحساس
01-04-2003, 07:04 PM
اممممممممم
طيب خلاص قهرتيني خخخخخخخخخخخ
راح اجاوب على سؤالك انتي والواد الي اسمو مرعي
اولا مرعي
فين قابلتي حبيبك .. في اي فندق ؟؟
قابلتو في لبنان
في فندق هاي هل في منطقه اسمها بكفيا جدا منطقه رائعه انصحكم انهكم تورحوها
كيف تم التعارف بينكم ؟؟
يعني هوا في البدايه صار استلطاف وانجذاب وبعدين هوا اعطاني رقمو وبس
ايش الشي اللي يجذبك للولد ؟؟
والله اهم شي يجذبني في الولد اخلاقو وحنانو وطيبتو والدين طبعا وبصراحه خفة دمو
ايش وجهة نظرك اللي تخلي الولد يطالع في البنت ويعجب بيها ؟؟
امممممممم ماادري انا اعتقد انو دا شي من عند الله انو يحصل هناك انجذاب من اول نظره زي مايقولو
دي اول تجربة حب ؟؟
نعم دي اول وحده وان شاء الله تكون اخر وحده
كم عدد اخوانك واخواتك وترتيبك بينهم ؟؟
جاوبت على السؤال دا قبل كده
شكرا على اسئلتك
وباي باي
مرهفة الاحساس
01-04-2003, 07:07 PM
الطيوبه اللزوزه المتواضعه
والله شوفي انا دموعي ممكن تنزل في اي وقت وفي اي سبب
يعني مااعرف بعض الاحيان تجيني حالات ابكي من غير سبب ليش ماادري
وبعض الاحيان امور تستدعي اني ابكي عشانا بس ماابكي
بس يمكن ابكي لمن احد يجرح احاسيسي <<والله مااتريق
خخخخخخخخخخ
باي باي
دلوعـــــه
02-04-2003, 06:50 PM
هههههههه نفسي أصدقك