View Full Version : يا لله يا بنات نتناقش في موضوع
دلع x دلع
09-06-2002, 06:25 PM
وانا اخترت موضوع اتمنى يعجبكم
كنت مع صديقاتي وانفتح الموضوع يعني نسوي برنامج سيره وانفتحت مع دلع
هههههههه
الموضوع ببساطه وحده من صديقاتي قالت لو لاقدر الله اتعرضتي لموقف وعرفتي ان زوجك يحب غيرك
ايش راح تكون ردت فعلك
انا ماراح اقلكم على ردود صديقاتي الا لما اشوف ردودكم
goodboy
09-06-2002, 06:31 PM
ترى الموضوع نسوي بالمرة.....
ممنوع دخول الرجال,,,, بس أنا تلقفت ودخلت....
معليش أنا آسف....
دلع x دلع
09-06-2002, 06:34 PM
لالالالالالا
عادي حياك الله goodboy
وعادي يمكن نستفيد من ارائك
همس الذكرى
11-06-2002, 01:40 PM
انا اعرف الجواب حق صحباتك
فعشان كذا راح انقطكم بسكاتي
(ويبقى الصمت سيد الكلام)اعتقد اني سامعها قبل كذاههههه
بس حبيت ابصم على الموضوع
بوح القمر
11-06-2002, 03:24 PM
صراحه ما بدنا شباب في هذا الموضوع
بالنسبه لي حأكتم الغيظ في نفسي وانتظر منيتي
غادة الكاميليا
12-06-2002, 12:17 PM
ولا شي اصلا دي مهي مشكله بمجرد ماأشعر انو حب وحده فورا أشتري مسدس او اممممم بندقيه تنفع و طاخ طاخ و......... وخلف الله عليهم
دلع x دلع
12-06-2002, 08:07 PM
هلا وغلا هموس
وبوح وغادة الكاميليا
شكرا للردود الحلوه خطيرين
راح تقتلوا كل الرجال على كدا
ههههههههههههههههههه
لا في حلول احلى ناقشوا الموضوع بموضوعيه
ودوروا على حل ؟ :)
موضوع رائع يادلع وياغادة الكاميليا لا تودينا في الدهية بعدين ما نلاقي رجال في البلد اصلا الشغلة مو ناقصةهههههههه امزح
انا اختلف قليلا مع الاخت دلع لا يوجد رجل متزوج يحب غير زوجتة الا بأسباب إما انه وجد في الثانية ما لم توفرة الاولي من حيث الاهتمام مثلا او المظهر او المأكل . الرجل كاالطفل يبحث عن الراحة والحنان كفاه هم وتعب طوال النهار يشقى من اجل بيته وراحة زوجتة ليلبي إحتياجاتها وعندما يعود الى بيته يبحث عن المرأة التي يسكن اليها فجمالها ومظهرها ورقة اسلوبها ينسية ما كان فية عندما تدلع المرأه لزوجها يشعر الزوج بشعور جميل جدا فا المرأة هيا البيت اوبلأصح هيا المتحكمة في ميول قلب زوجها لها .بتوفير جيع اساليب الراحة وامتصاص غضبة وتعبة بكلامها الرقيق .
اما إن كانت متعبة ولا تهتهم بزوجها ولا تحاول معرفة تعبة وضيقة وكل ما اتى الى بيته يجد الصياح او الاوامر و التطلبات التي لا تنتهي بطرية استفزازية أو لا
تهتم بمظهرها ساعة قدومة من الطبيعي الرجل سيبحث عن راحتة ويتزوج الثانية
أو يحب اخرى من يجد فيها ماينقصةويتزوجها طبعا
يقول عالم اوربي
اغبى مرأة ممكن ان تضحك على ازكى رجل برقتها
دلع x دلع
13-06-2002, 02:30 AM
شكرا لك VIP
لتوضيح الاسباب ممكن يكون فيه اسباب تانيه الاسباب كتير بس انا مو مهم
عندي السبب المهم عندي رده الفعل اللي راح تحصل للزوجه وكيف راح تعالج الموضوع من غير مسدسات ورشاشات
بس المهم ترى فيه رجال يحبوا غير مراتاتهم ههههههههههه
حلوة مراتاتهم دي بأي لغة دي بظبط ههههههههههههه
في حالة خاصة واستثنائية جدا وانا ما عتبرو حب لأن الي احب غير زوجتو من دون سبب كده عنده استعداد انوا اتزوج حبيبتة في اسرع وقت لاكن الي انت قصدك علية ما حينتهي بزواج والرفض حيكون من الرجل ممكن انو يعجب او يلعب واعيش الدور لاكن لم اجي الجد تلاقية قال يافكيك .
تبغي تعرفي اش المرأة تسوي لو عرفت انو زوجها بعلاقة مع وحده ثانية قبل كل شئ تحاسب نفسها وإن وجدت نفسها لم تقصر تحاول ان تحتوي زوجها بحكمة تجذبوا اليها تحاول تشغلوا بطريقة رومنسية نحوها ونحو منزله تشغلو يعني واالزوجات ما ينخاف عليهم في الحركات هاذي لا كن لو كان الزوج العيب منو يعني بالعربي طفاسة وحاولت معاه تثبت علية غلطتة وتحاسبو ولا تجيب أحد من اهلوا وتخلية يتفاهم معاه يعني والده اخوه امه ولاتفقد الامل في زوجها وتحاول معاه عسى الله يهدية ولاتكون مجنونة زي بعض البنات وتقلو طلقني اصلو كلمة الطلاق صارت زي سلام عليكم الايام هاذي .
دلع x دلع
13-06-2002, 03:33 AM
برافوا عليك VIP
هادا هو الشي اللي كنت ابغى البنات يوصلولوا
لكن طلع الولد احسن منكم
ياي يابنات ما عندكم حلول ايجابيه ابدا
الله لايقدر وتنحطوا في مثل هدي المواقف راح
تخربوها وتقعدوا على تلها
عجبتك مراتاتهم
لسه ياما راح تشوف بس يبغالي احط قاموس
مع الرد هههههههههههههه
بنات شاركوا في الموضوع
هاكونا ماتاتا
13-06-2002, 01:30 PM
دلع انتي ليه بتفاولي لنا
انا ماعرف ايش حاعمل والله بس اعتقد انهم راح ينقلوني على اقرب مستشفى للامراض العقليه
هذا اذا كنت احبه طبعا
دلع x دلع
13-06-2002, 04:48 PM
هاكونا حبيبي
من اول الموضوع وانا اقول لاقدر الله
يعني ما افاول على احد
بس مجرد موضوع للنقاش وهو حاصل كتيير
شكرا هاكونا على الرد
بوح القمر
13-06-2002, 10:36 PM
خخخخخخخخ هكونا خوافه بالمره
غادة الكاميليا
14-06-2002, 01:54 AM
أولا الامر يختلف ان كان عندي اطفال او لا فإزا كانو في حيكونوا اطفالي وحياتي اهم من زوجي
وسواء كان عندي اطفال او لا اقابل الامر بحكمه وببرود شديد
لأنو العصبيه والعجله ماتنفع في دي الامور
وممكن بعد كده ادور على الاسباب الي خلتو يحب وحده غيري واحاول احلها
واصبر لاني انا عارفه انو هوا مع الايام حيرجعلي
واصلا هما اغلب الرجال اندااااااااااااال ولو في يدهم انهم يحبو اكتر من وحده يحبو
وكمان يحسبو انو الحرمه غبيه يعني ممكن الرجل يكون بيحب وحده او بيكلمها او يقابلها ويعتقد انو زوجتو ماتعرف
لكنها هيا تكون عارفه بس لكن لانو المراه حكيمه وتهتم ببيتها واولادها فتطنش وتعمل نفسها مو عارفه عشان تستمر الحياه
لكن لازم الرجل يحذر من المراه ومن زعلها وصنقرتهاااا (واتق شر الحليم اذا غضب)
وصح انا قلت اقتلو بمسدس بس القتل مو بس بالمسدس الحرمه تقدر تموتو قهر في اليوم عشرين مره
وطول اليوم تزلزلوا ماتخليه مرتاح ودا الشي اخص من القتل للانو حي بس مو مرتاح
(يعني بالمختصر اكرهو في عمرو وفي الي حببها)
وسوري سامح هههههههههههه
===============================
وطبعا دا الرد مو كلو من افكاري عملت مقابله صحفيه مع اختي المتزوجه خخخخخخخ
صراحة غادة ما يستهان بك ولا بأختك
قلبي مع جوز أختك ههههههههههههههههههههههههههههههه
دلع x دلع
14-06-2002, 06:14 AM
هههههههههه غاده ردك حلو
راح اقلكم على رد احدى صديقاتي
قالت اذا عرفت انه يحب غيري راح اسكت ولا كاني هنا وابدا اتشيك واسمعه كلام حلو واعمله كل شي كنت حاسه ان حصل مني تقصير فيه
بعد كدا لما احس انه اتعلق فيا وعرف ان حبي ليه ما يتعوض واني كل شي بحياته وان هادي اللي كان متوهم انه يحبها ما تغنيه عني
راح اسيبه واخليه يترجاني ارجعله ويعرف قدري وقيمتي ولا يحاول يسويها تاني
هادي عجبني ردها
اما التانيه قالت والله اروح بيت اهلي وما ارجعله لو ايش يسير نقلها والله راح يقلك بللي مايردك تقول عادي خليه نحاول نقنعها ابدا والله اطلب الطلاق
واسيبه نقلها ولا راح يعبرك وراح تندمي
ولا انتوا ايش رايكم
غادة الكاميليا
14-06-2002, 09:18 PM
صح رد الاولى حلو وفكرت اكيد في مستقبلها وحياتها اول وصح كلام سامح عشان لايسير الطلاق زي سلامو عليكم
انما التانيه اكيد حتى لو هيا حاولت تعمل كده اهلها حينصحوها ومحيسيبوها تسوي كده
وبعدين اصلا بالنسبالي طز فيه وفي اللي حبها المهم انا مبسوطه ^_^
سامح اصلا اختي دي لو زوجها حب غيرها حتكون معجزه ^_*
دلع x دلع
17-06-2002, 05:27 AM
هههههههههههههه
تسلمي غاده على الرد تمام عليكي طز فيه وفي اللي حبها
أسـ الإعجاب ـير
17-06-2002, 12:48 PM
يؤيؤ الظاهر اني دخلت مكان غلط!!!!
باي
دندوشه
17-06-2002, 05:33 PM
شكرا اختي دلع على الموضوع الشائك هذا وفي الحقيقه انا جلست يومين افكر في الحل ولقيت احسن حل الي قالت عليه الاخت غادة
وكما اشوف الاشياء الي خلتوا يسيبني عشان وحده ثانيه واحاول اناقش الموضوع مهاه بهدوء واعرف منو الاسباب واحاول بكل ما استطيع عشان يرجعلي ويرجع لاولادو واذا كان مصمم على الي فراسه اخرجوا من حياتي واخلي اولادي اهم شي في دنيتي كلها وبكدا حيحس انوا خسرني وبعدها اكيد حيرجع ولو ما رجع ارسلوا مجموعة يضربو يضربو لين يتأدب;) (ترى بامزح(
مع تحيات الشريره:D
دندوشة
غادة الكاميليا
17-06-2002, 08:14 PM
اهلين شموع ممكن ارد على سؤالك
لو اكتشفت دا الشي مو معقول حكتشفوا في شهر
العسل لأنو في فترة خطوبه قبلها ودي الفتره اكيد ماكانت
الا غير عشان اتعرف عليه وعلى افكاره وهوا نفس الشي
ولو مثلا كانت فترة الخطوبه قليله او اني اكتشفت دا
الشي فعلا في شهر العسل حيكون كل شي بظروفه ودا
الشي ابدا مايمنع انها تستمر حياتي معاه
لانو هوا اكيد ناوي يتزوج او حيتزوج سواء وقتها او بعدها
ومو كلو زواج يكون في حب من قبله خصوصا في مجتمعنا
الزوج مايحب مراته الا في فترة الخطوبه او ممكن بعد
الزواج
دلع x دلع
17-06-2002, 11:39 PM
شكرا على الردود الحلوه واخيرا لاحظتوا ان فيه
موضوع يتيم في المنتدى يحتاج تعبروه
شموع اتوقعت تردي عليه من زمان فينك ؟
اسير عادي vip ولد ومع كدا نفعنا بردوده
يالله راح اغير موضوع النقاش
نقلب على شي تاني
هل انتي مع اوضد الزواج المبكر ؟ وايش هي الاسباب بعدين اعطيكم راي
غادة الكاميليا
18-06-2002, 04:27 AM
طيب مواضيعك ماشالله مره حلوه دلع وشكلك بتعبي نفسك نفسيا على الزواج ولا ايه المهم برضها حاجه حلوه
بس حكاية الزواج المبكر دي انا مره ماأأيدها والاسباب واضحه يعني بالنسبه للولد حيكون لسا صغير ومهو قد المسؤوليه وممكن صح انو هوا يدرس ومامتو وبابتو يصرفوا عليه
ويتزوج وبرضوا هما الي يدفعو المهر لاحظو انتو انو هوا ماتعب واكيد ماحس بقيمة الحرمه الي اتزوجها
لانو اكتر شي يتعب فيه الرجل قبل الزواج هو جمع المهر
المهم بعد مايتزوجها ويتخرج ويتوظف ويجمع الفلوس ممكن انو يروح يخطبلو وحده تانيه يحس فيها انو هوا تعب عشانها ويحس وقتها انو هوا اتزوج بتعبو
اما بالنسبه للبنت فبرضو لما تتزوج صغيره حتكون مهي قد السؤوليه يعني تتسمى هبله وسلامتكم
ومثلا تخلف بزوره ولازم تربيهم وهيا تكون محتاجه احد يربيها مو انها تجلس تربي كمان
فاكيد لما يكبرو بزورتها حيجننوها لانها ماعرفت تربيهم وانا كتير شفت زي دي الحالات
ويطلعوا البزوره شي يكسف
وبس دي وجهة نظر اتمنى ماتضايقكم
وتسلمو
بوح القمر
22-06-2002, 12:21 AM
انا اعتقد ان المسؤوليه ماهي بالكبر او بالصغر
من كم يوم كنت جالسه مع عماتي وكانو بيتكلمو على فرح بنت عمرها 14 سنه
فانا ابديت رايي انه ظلم عليها انها تتزوج في هذا السن
فردو علي عماتي انها بالرغم صغرها لكنها مفتحه وواعيه اكتر من اللي فوق العشرين وما ينخاف عليها
وعلى العكس اوقات تلاقو بنت عمرها 25 وما تعرف تسلق بيضه فكيف تتوقعو من هذي انها تشيل مسؤوليه بيت وزوج
وشكرا لكم
دلع x دلع
22-06-2002, 08:12 AM
تسلمولي على الردود الحلوه
واتمنى يعجبكم موضوع النقاش بالنسبه ليه اخترتوا لانه
كنت ابغاكم تتكلموا ومالقيت مواضيع نتفلسف فيها غيرها
المهم انكم تهرجوا وبعد كدا اي موضوع تحبوا نتناقش فيه حطوه هنا
المهم انا مع راي غاده تسلمي على الرد بوح
غادة الكاميليا
23-06-2002, 03:45 AM
فينك دلع من زمان مارديتي عالموضوع
المهم تسلمي على موضوعك على اقلي نتفلسف في شي مفيد
وعقبال ماتنزليلنا مواضيع جديده نخرج فيها مواهبنا في الفلسفه :p
تحياتي
دلع x دلع
25-06-2002, 08:10 AM
تسلميلي غاده
والله مشغوله حبتين
عشان التقديم وحوسته ادعيلي
تسلميلي على الرد الحلو
منتظره ردودكم
دلع x دلع
26-06-2002, 11:26 AM
تسلميلي يا احلى شموع
احلى دعوه سمعتها
الله يوفقك ان شاء الله ويسعدك
هاكونا ماتاتا
27-06-2002, 08:13 PM
هااا يادلوعه شكلك طالعه دكتوره
احسن عشان كلنا نجي عندك يوم نمرض بس ها بتعالجينا بلاش تراكي
اتفقنا
دلع x دلع
28-06-2002, 05:51 AM
اتفقنا هكونا
بس انا غير مسؤوله عن اي اعطال فنيه بعد العلاج
ههههههههههههه
بنت البلاد
29-06-2002, 02:47 PM
انا اعتقد ان احسن شي الوحده ما تحب زوجها كثيير ولا تكره تكوون عادي =========و لا تصدقوني كلام مش مجرب.... علشان يوم بتعرف انه بياخذ وحده تكون free وما تنصدم
جـيـجـي :)
16-07-2002, 08:10 AM
طيب طيب طيب لااااااتتضاربو انا عندي الحللل .......
والله اذل لقيت زوووجي كدا بصراحة بصراحة ح اخذ زوجي واتفاهم معاه واقلو ايش اللي ناقص فيا مو عاجبك ...؟؟؟.......
واذا قال بصراحة طبعا انا محا ازعل بالعكس ......بصراحة امممم انا ح ازعل بسسس شويتين ......
وبعدين انا ايش فيا عشان ياخد وحدة تانية .........ويحبها اكيد في شي مو عاجبو اذن بالتالي انا الغلطانة صح ولا لأأأ؟! الا صح :)..
احسن طريقة التفاهم والاقتناع وبعدها زوجك ح يكون متفهم معاكي وصريييح ولا ايش يابنااااات.......شكرا :)