View Full Version : مساعدة
goodboy
30-05-2002, 05:27 PM
السلام عليكم ورحمة الله وبركاته...
هذا طلب بسيط والرجاء خاصة من أهل الإمارات الرد والمساعدة.
وين ألاقي أماكن مدن الألعاب الجميلة والكبيرة في مدينة دبي دار الحي.
طبعاً غير مفاجآت صيف دبي ,,,مدهش,,,
أنتظر الردود.
وشكراً..
:cool:
بنت البلاد
01-06-2002, 10:12 PM
goodboyاوووووووه
تبي تزووور الامارات
والله حياااك لو ماشالتك دبي تشيلك بوظبي
انا بقولك كل شي بختصاااااااااااااار
في دبي واااااااايد حدايق ترفيه وخاصه في المولات اقصد السناتر ( مراكز التسوق ) علشان تاخذ راحتك وانت تشتري , وبعد في حداييق حلوه وااااااايد ( يلا دعايه بلالاش ) ههههه ولان مهرجان الصيف قرب بتلاقي ضايفين اشياء يديده من كله , , ولا تنسى ترووح وندرلاند و وايلد وادي و الخور اممممم وشو بعد مدري نسيت هههه
على العموم هذي بعض الاماكن واذا بغيت اشياء بتفصيل بحط لك المواقع اذا بغيت
والسموحه على التقصير
تحياتي
بنت البلاد
حمد حمد
01-06-2002, 10:17 PM
السلالالالام عليكم يا اخوي الغالي يا مرحبا الساع في بلادك الامارات وخصوصا دبي واضح انه القارئ الكريم ماجيت دبي يا الغالي بتستانس في دبي من اول ماتنزل من الطيارة وتشوف مطار دبي الدولى من اروع المطارات على مستوا العالم وبعدها بتشوف المدينه الجميله دبي شوف انته بغيت ملاهي المشكله يا اخوي انه الحين الجو حار ورطب وماينفع للملاهي واذا خاطرك ملاهي فرووح حديقة وايلد وادي المائيه الى جنب برج العرب بتعجبك واااايد االانه فيها العاب مائية مسليه وبعدين ترووح المراكز التجاريه الانه فيها عروض وااايد حلوة في بخصوص مفاجئات صيف دبي وااذا كان معاكم اخوانك الصغار فيه مدينة مدهش ومدينه الطفل الى هيه في حديقة خور دبي واكيد بيستانسون وايد وبخصوص السكن اذا كان ودك تسكن في فنادق خمس نجوم فعندك فندق الماريوت او فندق ستي سنتر او فندق المتروبوليتان واذا خاطرك باقل سعر شويه فعندك الفنادق الى خلف شارع الرقه لكن احذرك من فنادق سوق نايف لاتروحلها ونصيحتي لك انك تاخذ سيارة اجار الانك بتتضطر انك تتنقل مكان الى مكان وثاني شي اذا بغيت تتبع المفاجئات اشتر جريده البيان واقرى فيها جدول المفاجئات بشكل يومي وان شاء الله تستفيد وارجو انك خذت فكر عن دبي لو بشكل مبسط وان شاء الله اتمنالك اجازة سعيده ومفيده يا الاخ الغالي مع السلالالامه
ملاحظة :نصيحة لك ولقرائنا الى بيجون دبي من يوصلون المطار لا يركبون تكاسي دبي للمواصلات خذو اي شركة غييرها الانه العداد يحسب على 20 درهم من اول ماتجلس فيه وباقي التكاسي يحسبلك التسعيرة العاديه هذاا للتنبية
بنت البلاد
01-06-2002, 10:24 PM
ماشاء الله عليك اخوي حمد كيفيت وفيت والله امسحوا مشاركتي تفشل والله :(
بوح القمر
03-06-2002, 03:59 AM
بس كد يا حمد حمد :(
طيب اعزم عليه لو بالكدب
هذا ضيف جاي لبلدك :(
انا لو مكانك بروح استقبله واوصله لحد الفندق
هذا اقل شي للضيافه
خخخخخخخخخ اعرف اني ورطتك
اختك بوح القمر
حمد حمد
03-06-2002, 04:50 PM
مرحبا بوح القمر اشحالج لومتينا يا الغاليه فاله طيب له ولللجميع الى ان شاء الله كلكم ضيوفي بشيلكم فوق راسي بس مو كذب يا بوح القمر الريال عند كلمته يا الشيخه
goodboy
04-06-2002, 01:14 AM
شموووووووع
بنت البلاد
حمد حمد
بوح القمر
أشكركم جميعاً على التعاون المعتاد بين أعضاء منتدى ناجح كنافذة العرب..
أما أنت يا حمد حمد مشكوووووووووووور والله انك قدها وقدود وأدري انك عند كلامك يالطيب يالكريم يا ولد الاجواد...
بوح القمر ما قصرتي ..
:cool:
بوح القمر
04-06-2002, 05:37 AM
ولو يا قود بوي والله الود ودي اساعدك
بس انا وين ودبي وين خخخخخخ
المهم انكم تقضوا اسعد الاوقات وتخلي بالك من الاهل
وشكرااا لك
أسـ الإعجاب ـير
04-06-2002, 06:53 PM
البلاش كثر منها:D
حمد حمد
04-06-2002, 09:28 PM
العفوو يا الغالي كلنا اخوان وحبايب
Super Mars
14-06-2002, 05:47 AM
اممممممممممم دلخت .. شفت علامت help في الخارج
بس الحمد لله خلاص .. :):)
لا تعليق :)
حمد حمد
20-06-2002, 08:50 AM
اخوي الغالي اليوم بتبتدي المفاجئات واشوف انه مركزين على مدينة مدهش الترفيهيه تقع في ارض المعارض بمطار دبي الدولي وتعرف اي المفاجئات الى تعجبني هيه المفاجئات المئكولات العالميه والمفاجئات الثلجيه الانه بتكون في مدينة مدهش صاله ثلجيه والمفاجئات التراثيه بعد من اروع الفماجئات وان شاء الله نشوفكم هناك