محارة
16-06-2009, 06:12 AM
السلام عليكم
جايبه لكم طبخه بسيطه وسهله اسمها ( في قاعته دياي محارة)
وكل ماتقولي امي سوى غدا اسويها :فزنا:
المقادير:
دجاجه مسلوقه او نص او حتى افخاذ المهم دجاج مسلوق ومقطع صغار
بصله صغيره مفرومه
جزره كبيره مقطعه مكعبات صغيره
2بطاطس مقطعه مكعبات بحجم الجزر
فلفل اخضر بارد بعد مقطع صغير
اوراق اورغانو
طبعاً لين تسلقو الدجاج اي بهارات تحبون تحطونها عليه حطوا
البهارات: ملح، فلفل اسود، كركم، مكعب واحد ماجي
الطريقه :-
نحط زيت في الجدر ونحمر البصل ، اول مايصير اصفر نجيب الجزر والبطاطس والفلفل الاخضر ونحطه ونقلبه قلبتين ونصب عليه نص كأس ماء
نضيف البهارات طبعاً على حسب الكميه نضيف الملح والفلفل الاسود والكركم
بعدين نغطي الجدر ونقصر على النار ونخلي اشوي الخضروات تنضج
بعدها نضيف الدجاج بعد ماقطعناه
ونقلبه بعد قلبتين ونزيد نص كاس ماء وبعد نخليه يستوي على نار متوسطه ولازم نلاحظ ان البطاطس والجزر استوو
خلاص بعدين نشوف اذا استوت وظل قليل ماء جداً نطفي على النار
في هاي الاثناء نكون سوينا الرز الابيض
وفيه حالتين للتقديم يا انه نخلي الدياي في صحن والرز في صحن
او ان بعد ماسويتو الخلطه نجيب الرز ونحطه فوق الدياي ونرش عليه اشوية زبده ونرجع نسكر الجدر ونخليه اشوي يتسكر ، وبعدين نقلب الجدر ويصير الرز تحت و الدياي فوق
ترى الطريقه وايد سهله
بالعافيه عليكم
جايبه لكم طبخه بسيطه وسهله اسمها ( في قاعته دياي محارة)
وكل ماتقولي امي سوى غدا اسويها :فزنا:
المقادير:
دجاجه مسلوقه او نص او حتى افخاذ المهم دجاج مسلوق ومقطع صغار
بصله صغيره مفرومه
جزره كبيره مقطعه مكعبات صغيره
2بطاطس مقطعه مكعبات بحجم الجزر
فلفل اخضر بارد بعد مقطع صغير
اوراق اورغانو
طبعاً لين تسلقو الدجاج اي بهارات تحبون تحطونها عليه حطوا
البهارات: ملح، فلفل اسود، كركم، مكعب واحد ماجي
الطريقه :-
نحط زيت في الجدر ونحمر البصل ، اول مايصير اصفر نجيب الجزر والبطاطس والفلفل الاخضر ونحطه ونقلبه قلبتين ونصب عليه نص كأس ماء
نضيف البهارات طبعاً على حسب الكميه نضيف الملح والفلفل الاسود والكركم
بعدين نغطي الجدر ونقصر على النار ونخلي اشوي الخضروات تنضج
بعدها نضيف الدجاج بعد ماقطعناه
ونقلبه بعد قلبتين ونزيد نص كاس ماء وبعد نخليه يستوي على نار متوسطه ولازم نلاحظ ان البطاطس والجزر استوو
خلاص بعدين نشوف اذا استوت وظل قليل ماء جداً نطفي على النار
في هاي الاثناء نكون سوينا الرز الابيض
وفيه حالتين للتقديم يا انه نخلي الدياي في صحن والرز في صحن
او ان بعد ماسويتو الخلطه نجيب الرز ونحطه فوق الدياي ونرش عليه اشوية زبده ونرجع نسكر الجدر ونخليه اشوي يتسكر ، وبعدين نقلب الجدر ويصير الرز تحت و الدياي فوق
ترى الطريقه وايد سهله
بالعافيه عليكم