@ مكرونة بالكريما البيضاء بتجنن @

[تينا]

السلام عليكم

تعلمت مكرونة بالكريمة بطريقة مره سهلة ورائعة .. عملتها وطلعت بتجنن

ياريتني صورتها ما جا ابداً على بالي :mExplain:

المهم جربوها بنفسكم وقولوا لي :mMagnify: رأيكم


المقادير :

مكرونة ( يفضل انه تعملوها بالمركونة اللي شكلها زي الصدفة أو الأقلام الصغيرة )
طبعا الكمية على حسب عدد الأشخاص , انا عملتها لشخصين وزاد منها كمان
عملت نص العلبة يعني لو تبغوا تعملوها لشخصين اقترح انها تكون أقل من نص العلبة

فلفل رومي أخضر وأحمر وأصفر عشان تعطيكم ألوان حلوة

علبة قشطة

كريمة الخفق

ملح

ملعقة صلصة طماطم

زبدة أو سمنة

أورجانو



الطريقة :

1- نسلق المكرونة على حسب الوقت المكتوب على العلبة وبعدين نصفيها ونغسلها بالماء البارد


2- نضع قليل من السمنة او الزيدة على النار ونضيف عليها الفلفل الرومي المقطع شرائح
( طبعا على حسب نوع المكرونة , لو المكرونة صدف صغير يصير نقطع الفلفل الرومي مكعبات
صغيرة , ولو المكرونة اقلام صغيرة يصير نقطع الفلفل الرومي شرائح طويلة )
نشوحه شوية مع السمنة .

3- نضيف علبة القشطة وكريمة الخفق + رشة ملح وممكن شوية فلفل اسود للي يحب

4- نضيف المكرونة فوق الخليط ونقلب قليلاً حتى تختلط المقادير كلها وممكن نضيف
حسب الرغبة نص ملعقة صلصة طماطم عشان تعطي لون كريمي للكريمة .

5- اخيرا نجيب شوية اورجانوا ونمسكه بكفوف اليد ونفرك يدنا فوق الخليط عشان يطلع
الاورجانوا كأنوا زي الفلفل الاسود مرشوش ..


وبالهناء والعافية :mFlowerLove:

[فراشة قوس قزح]

تينا هههههههههههههه عشنا وشفناكي طباخة << البنت دي بتهزيء ولا ايه؟؟

ربي يسعدك ياشيخة

من جد تسلم يدك ما شاء الله وبالعاااااافية عليكم

تعرفي لو عملتيها بالمكرونة الطويلة العريضة حتسير فتتوتشيني بس إنك تكشيني شووووية توم مدقوق في السمنة أو الزبدة بعدين تحطي عليها القشطة أوالكريمة

[تينا]

:pHappy: هلا فراشة ههههههههههههههههههههه :mHello:

ايشبك يا بنتي انا من يوم يومي طباخة ههههههههههه أتولدت وانا ماسكة قدر :mLaught2:


بجد صحيح تشبه الفتوتشيني راح اجربها زي ما قلتي في يوم واقولك :*يلعب*:

[فراشة قوس قزح]

ولا تنسي تدوقيني

يقولو نفسك حلو في الأكل :mPervert:

[مميزه باسمي]

امممممممممممم يا تينا

تسلم الايادي
حتى انا لمن باقرا المقادير جات في بالي الفتوتشيني

ايش سويتي جنبها؟؟؟

[تينا]

هلا فراشة هههههههههههه ولا يهمك ان شاء الله تدوقي أكلي قريب :mHello:

-----------------------

هلا مميزة عملت جنبها سلطة :pHappy:

[مرهف الاحساس]

:pFunny: :pFunny: :pFunny: :pFunny:

[Moni]

اللللللللللللللللللللللللللللللللللللللللللله ولا ألذ ولا أطعم ولا أروع ولا أفظع من كدا
أعشق الأكل اللي فيه قشطة وكريمة:mPervert:
بس لو كان معاه قطع دجاج يم يم يم:mBeaten:
تسلم ايديكي تنتونه

[براءة الانوثه]

تينا طب لو كان ضفتي عليها دجاج مقطع صغار او جمبري كانت طلعت خيالية
انا احط فيها غالبا اكتر شي الدجاج

ويسلمووووووووووو الايادي ياقمر

[مرهفة الاحساس]

يم يمييييييييي

شكلها تهبل

بس سؤال كيف طعم القشطه فيه ؟؟؟؟؟؟؟؟

يعني احس طعم القشطه يطلع في الاكل وبكذه يصير كأنو حلى هع <<<ماتحط القشطه غير في الحلى


وبعدين ايش هوا الاورجوانو دا مدري الارجواني مدري ايش لونه هع


يسلموووووو تنتون ويبغالي اجربها

باي باي

[تينا]

ميرسي ميرسي :)

صحيح كان يبغالي اضيف قطع دجاج .. ان شاء الله المرة الجاية


مرهفة ههههههههههههه مو ارجواني

الأورجانو تلاقيه في السوبر ماركت مع البهارات عبارة عن زعتر ناشف
لونه اخضر يابس

[w.@.nted]

يسلمو تنتونا بس حبيت اسلم واودع انا هادي اخر مره اخش فيها على المنتدا

مع السلامه والاكله ولا الز اممممممممممممممم:mCry3: :mCry2: :mHello:

[Moni]

روح زاكر ياابني الله يوفقك
:h1:
تنتون أتوصي بطلاب المدارس خخخخخخ

[تينا]

من جد شغب ذاكر يا ابني :h1:
والله يوفقك يارب

-----------------------
ولا يهمك موني :mHello:

[محارة]

انا امس سويت معكرونة تقريباً هلون بس بدون قشطة

وطعمها لذيذ :mOk:

ثانكيو تنتون

[تينا]

تسلمي محارة لمرورك :mHello:

[براءة الانوثه]

اممممممممممممم تصدقي ماشاءالله البيت مليان رجال يلعبوا بلايستيشن ووي

وكل شوية يجوعوا جلست انغبر في القسم دا الين لقيت المكرونه دي اسهل شي وعملتلهم ماشاءلله 10 زبادي متوسطة

وانا ماقدرت اقاوم واكلت

يسلم ايديك

يافكارك ياتينا

بدل يافكارك ياكرافت لوووووووووووووووووووول

[Free Mind]

انا فاتح النت من البوكيت بي سي بس اصحى وارد
وان شاء الله احط موضوع في اصول النكهة الايطالية

[تينا]

بالعافية براءة عليكم :)

------------------

فري مايند
ايوه ياريت انا احب الأكل الايطالي وفي وحده في قناة فتافيت ايطالية اكلها مره سهل
ننتظر الوصفة منك ان شاء الله

[قيفوت]

يمي يمي شكرا تينا على الوصفات ...
الله يعطيكي العافية

[تينا]

شكرا لمرورك قيفوت :)

[دلوعـــــه]

يميي انا احب الفوتوشيني:fox_feed:

[تينا]

بالعافية دلوعة هههههههههههه :)

[Mohamed Salah]

مشكورة تينا يعطيك العافية

هانجرب واقولك رايى :)

[تينا]

طيب :)
بالعافية

[فراشة قوس قزح]

من جد يمي يمي

تسلم الايادي

[تينا]

الله يسلمك حبيبتي :)