احلام البنات

[توتة]

في حاجه استغربت منها مرررررره

اختي سألت طالباتها عن احلامكم اللي تتوقعو تسرلكم بعد 10 سنين

وحده كتبت اكون دكتوره وهي قسم ادبي لوووووووول

والبقيه كان اول حلم ليهم اكون زوجه او يجيني فارس احلامي

ووحده ما اتمنت غير انها تكون زوجه وفيه ومخلصه ومهتمه بزوجها

انا شويه وابكي عليهم

لانو الاولاد لمن تجيبيلهم سيرة الزواج يقولك انا مابا اتزوج الا لمن يكون عمري

30 ومافوق

طيب هدولا المساكين ايش حنسوي فيهم؟؟؟؟

كيف حيتزوجو ؟؟؟

كيف نحقق احلامهم؟؟؟



!!!!!!!!!!!!!!!!!!!!!!!!!!!


بنات خلو اخر شي تفكرو فيه فحياتكم الزواج الرجال دول مامنهم فايده بس حمل عليكم ومشاكل

ايش تبغو بوجع الراس؟؟!:emm7_prv: :

[سعودي]

طبيعي ... الزواج المفروض يكون من أولى رغبات كل مسلم, وهادا شي حلو فيهم

بس زي ما تعرفو: إللي "لا يرجون نكاحاً" يستعففو


وأنا أعتقد إنو من التعفف إننا مــا نفكر في الزواج عشان لا نضيع وننخرط خخخ

الإهتمام بمهام اليوم اولى من مهام بكرة

والإهتمام بأهداف الأشياء إللي قاعدين نبنيها دحين أولى من الأشياء إللي لسا ما بدأنا فيها



حلو الموضوع, أتمنى إني جبت شي جيد
سلام

[تينا]

هلا يا توتة :)

لا تسوي فيهم شي ..نصيبهم حيجي بس في وقته هههههههههه

المهم نهتم بحياتنا وايش اللي نتطلع له في الحياة المستقبلية

وكيف نقدر نحقق اهدافنا ..

تسلمي توتة
مع التحية

[دلوعـــــه]

طيب انا بس بقول ليه تضحكي عالبنت الي قالت تبغى تسير دكتورة وهي
أدبي..

يمكن قصدها دكتورة في الجامعة...؟؟؟؟؟!!!!

بالعكس أنا مرة أنبسط لما أشوف بنات يقولوا أنا نفسي أصير دكتورة..ولا اكمل دراستي.
فيه على الاقل طموح..

لكن انا احزن عالبنت الي حلمها (الزواج)..

ياأخ سعودي الزواج دا أصلا سنة الحياة..(نصف الدين)..فما أعتقد إنو يكون حلم..

ومو غريبة انو البنت تحلم كدا بالذات في مجتمعنا هذا..لانو اغلب البيوت البنت لما توصل
للثانوية خلاص يزوجوهـا...ف هي عارفة نفسها..ف تكتب اني اتمنى اكون زوجة صالحة ووإلخ


ف اعتقد النبات هدول مع انو حلم لكن واقعين...والله يوفقهم ويوفقنا يارب..:(

[MeEmMz]

اهاااااااااااااااااااااااااااا

[سعودي]

ياأخ سعودي الزواج دا أصلا سنة الحياة..(نصف الدين)..فما أعتقد إنو يكون حلم..

ياا أخت دلوعة, إنتِ بتردي على مين ؟؟ .. مين قال إنو حلم؟؟

[توتة]

خليهم يحلمو انو يتزوجو بس مايكون الحلم الاساسي فحياتهم

طيب لو ماجاهم النصيب ايش حيسوو

اذا من دحين وهما ططالبات في الثانوي مايفكرو فمستقبل علمي ولا فحياتهم اي طموح

غير الزواج كيف حيعيشو

وذا جاهم زوج فقران كيف حياكلو ؟؟!

يحسبو انو الزواج شي بسيط يجي واحد ويخرجني من بيت اهلي ونقعد مبسوطين انا وهو

نسيو المسؤوليه والتربيه

[توتة]

دلعلع
اممم

لو حلمها تكون دكتوره في الجامعه كانت قالت في الجامعه !!!

[دلوعـــــه]

سعودي

بكلمك انته؟...

توتة

بالله يامدقق انته ياكونان ههههههههههههههههههههههههه

وبعدين فيه مجموعة من البنات كانوا معايا في المدرسة زي كدا..يعني المشكلة بيدرسوا
ويتعبوا نفسهم ويجيبوا درجات عاالية ويبكوا لما ينقصوا الربوع والتلت..

وبعدين اسالهم ماشاء الله ناوية تكملي فين؟؟ في الجامعة ولا كلية؟؟

تقول ولا شي...نكمل في بيت بعلنا !!

وإذااا هو وافق انو تكمل تعليم فيه الخير والبركة...طيب ليه فيه أهالي تمنع بناتها
من تعليم الجامعة والكليات؟؟

ليه يكتفوا بالثانوية أو المتوسطة؟؟

وعارفين ايش الجواب؟؟

انو البنت لو دخلت جامعة أو كلية بتنحرف...أو بمعنى أصح (هي مهي محتاجة )*!!

يكفي كفاءة او توجييهي!!

وطبعا عارفين بتكلم عن اي فئة...للأسف الشديد..(الجهـل)..:(

فلا تستغربي من أحلامهم دي....وطبعا شي يحزن..!

فالواحد يحمد ربو وجه وقفا انو بيكمل تعليم...

[توتة]

من جد !!!!!!!!!!!!!!!!!

>>>>>>>>ماعندها كلام تقولو

[سعودي]

بتساليني؟


:)

[توتة]

اظنها وضحت انها بتسألك

>>>>>>>سوت شديده

[MeEmMz]

يناسوووووو

[دلوعـــــه]

ميمز

مالك داعي بس يسلموو يناسووو...

المهم توتة ايش بتقولي انتي؟؟ شديدة على ايه وعلى مين بالضبط.؟؟

[MeEmMz]

تصدقو حتى عندنا في المدرسه مره الابله سالت كدا

ايش حكايتهم؟؟

زي كدا الاجوبه اتزوج حبيبي ومدري ايه كلوو زواج

[توتة]

الله يهديهم...............

[دلوعـــــه]

طيب ليه ما كل وحدة تقول ايش احلامها دحين؟؟؟

[توتة]

انا بحلم اني اتخرج بسرعه واهلي يوافقو اني اسافر عند اوللي واكمل دراستي بررره

[بنت جده]

أنا عم بحلم ليل نهااااااااار.. مين يغني دي الأغنية؟؟

[توتة]

مدري؟؟!!!!

[MeEmMz]

ايش الاستهبال دا يابنت جده !!!!!!!!!!!!


^^^^

ههههههههه

[رهينة الماضي]

يالله .. خلو البنات يحلموا على كيفهم
هو حلم .. !! طبيعي .. يعني حاجه بتتخيلها وتحلم انها تصير مش هدف في حياتها
يعني انتو ماتبغوا تتزوجوا ؟!!

لو جا نصيبها .. الله يوفقها
ولو ما جا نصيبها .. الله يرزقها يارب ويسخرلها

[توتة]

خليها تحلم انها تتزوج بس تخلي شي لو اولويه قبل الزواج

يكون عندها طموح لشي تاني

[سعودي]

صحيح رهينة

في فرق بين الأحلام ... والأهداف

الأهداف أحلام مختلطة بواقعية

بس مين قال إنو الأحلام لازم تكون مختلطة بواقعية؟

[توتة]

من موضوع لموضوع تاني لووووووووول

[FrEaKy_AnGeL]

Lol

Meen al bnt elee teba ttla6ash dee

esh zwaj we klam fa9'ee!!!

esh dee al hbala ma azon fee bnat keda yemken 3shanek fee maka

lol

ama bnat jeddah tafkeerahom moo keda

>>>>>>tafkeerahom sa5eeeeeeeef


>>>>>ya deeeny esh bet8ool dee

كل مين عقلو في راسوووو يعرف خla9oo

>>>5la9 te3bat lol

[توتة]

ريكي ميمي بتقول حتى عندها ي المدرسه كدا P:

[دلوعـــــه]

اول شي الزواج مهو حلم ولا هو هدف...الزواج دا أمر محتوم منو..
طبعا ماننسى موضوع القسمة والنصيب برضو..هذه نقطة

النقطة التانية..انا اشوف شي يبكي لما وحدة تقلها انتي ايش حلمك ولا ايش هدفك في الحياة
وتجاوب تقول ابغى اتزوج!!!!!

اكيد كلنا نبغى نتزوج دا شي طبيعي يعني اللي ماتبغى دحين حيجي يوم وتقول ابغى..
لكن انو وحدة بس تفكيرها زواج على طول دي تعتبر وحدة (فاشـلة) في نظري
لكن فيه بنات غصبا عنهم تكون دي أحلامهم لإنو متربين إنو البنت تدرس لحد معين
وتتزوج وأنتهى....!!

لدرجة حتى ماتفكر وتقول ابغى اتزوج وأكمل دكتوراه ولا وات ايفر لا الزواج ونقطة.

يعني الحلم ببلاش فاتوقع انو لو يحلموا بأشياء تانية يكون أفضل ...لانو الزواج مهو
حلم بمعنى الكلمة...(من وجهة نظري)..!!

[بنت جده]

هههههههههههههههههههههه فريكي ضحكتني..

[توتة]

>>>>>>>>دلوعه اتحمست خخخخخخخخ

[دلوعـــــه]

هههههههههههههههههههههه منجد مرة تعبت بعد الكلام الي كتبتو

[توتة]

ههههههههههههههههههههههه

انتي بتكتبي بايش؟؟؟

[دلوعـــــه]

برجلي وانتي؟؟؟

[توتة]

بخشمي عارفه عشنو طويل وواقف بستفيد منو

[دلوعـــــه]

ياشيخة ايش خفة الدم هذه هههههه

[توتة]

هذه هي خفة دمي ماذا افعل بها

[دلوعـــــه]

اضربيها ضربا مبرحا

[توتة]

انني لا اريد ذلك

[دلوعـــــه]

حسنا اذهبي للجحيم

[مرهفة الاحساس]

خخخخخخخخ الله يرجكم انتي وهيا


بس شوفو خلينا نقف عند نقطه خطيره جدا <<<<مسويه تكبر الموضوع هع

والله انو البنات او بالاصح جيلنا والجيل الي بعدنا جيل مسكييين جيل محطم من جميع الجهات

اممممم معرف هوا الخطأ فمين ؟؟ في الأهل ؟ ام في انفسنا ؟ ام في المجتمع باسره

بس لمن تجي فتاه في سن الزهور 16 او 17 او 18 وتقول حلمي الزواح دي تبكي عليها والله


زي ماقالت دلوعه وانا ماشاء الله شايفه الايام دي دلوعه صار كلامها كله حكم هع

انو الزواج دا امر مفروغ منه وكل فتاه مصيرها بتتزوج لو جا نصيبها

والزواج مهم جدا لانه يلعب دور أساسي في الجانب العاطفي والاستقرار النفسي

ويجعل البنت تقوم بدورها الأساسي وهيا الامومه والتربيه


بسس انه يكون حلم فيعني نعذرهم من الي بيشوفوه وبيسمعو عنه

مع احترامي للاعضاء بس رجالنا ماصارو رجال وصار يستهونو الحرام لكي يبعدو عن المسئوليه وأعباء الحياه الزوجيه طبعا هناك من يستثنى



عشان كذه صارت البنت ياحرام تحلم بالزواج وفي المقابل الشاب يحلم بالسفر والتسكع وطلبعا مجتمعنا الاسلامي المحافظ يسمح للرجل مالايسمحه للمرأه وكانها خلقت من دون رغبات ومشاعر


وغير كذه ماننسى جانب الماده الحياه كل مالها بتصعب وفرص التوظيف تقل والجامعات صارت ترفض الكثير من الطالبات

يعني تجي وحده نسبتها 90 ولاتقبل بالجامعه


سلامات ؟؟؟؟؟؟ يعني ياانا اكون نابغه من نوابغ العصر الحديث او يقذت بي الي المنزل <<<كيف بس يقذف هع

فتلاقي الفتاه سامعه وشايفه دا كله ومتخوفه من المستقبل وتبغى تهرب منه

وأسهل طريقه للهروب هوا الزواج

بس الله المستعان

يسلمووو على الموضوع

باي باي

[دلوعـــــه]

أووه يامرهفة انا عاذرتك عشان ماشفتيني لكي فترة طويلة...دحين كل كلمة
اقولها حكمة..ودرر ..

[توتة]

مرهفه ياشيخه انتي اللي كلامك درر

[مرهفة الاحساس]

دلوعه خخخخخخخخخخ ماشاء الله يلا مصيري برجع وبشبع من حمك ودووك والله يكملك بعقلك


توته طيب هاتي بووووسه هع:*يلعب*: <<<ليش الايقونات مابتظهر ؟؟ حتى الأيقونات انسرقت خخخخخخ<<<<مصختها


باي باي

[دلوعـــــه]

مرهفة

ايشبك زعلانة من حرف الكاف والراء؟؟ لووووول

[مرهفة الاحساس]

خخخخخخخخخخخخخخخخخخخخخخخخ ياشيخه اسكتي الكيبورد كل الحروف بالعنجليزي فكويس مني اني بكتب عربي للان هع


باي باي

[دلوعـــــه]

ياهوووو ماشاء الله خلاص حفظتي كل الحروف العربية

بس كويس انو الحروف للان موجودة في الكيبورد :emM14: :emM14:

ماطارت زي كل مرة:emM14: :emM14: :emM14:

[FrEaKy_AnGeL]

ليش كنتي سويتي ذي وحدة

و تكتوبي بالعربيسي

لوول

[دلوعـــــه]

فريكة

حتى وانتي تكتبي بالعربي تدوخينا هههههه

[FrEaKy_AnGeL]

لوووول

عشاني Freaky Angel

...DUH

[دلوعـــــه]

DUHHHHHHHHHHHHH


اكفكفك ترى ههههههههههه

[MeEmMz]

طيب حتى انتي كدا تقولي DUH!!:n12:

[دلوعـــــه]

لا انا مااقول بس لما اتريق على فريكة:n12: :n12:

[توتة]

؟؟؟؟؟؟؟؟؟؟؟؟؟؟؟؟؟؟؟

[دلوعـــــه]

توتة

Duhhhhhhhhhhhhhhhhhhhh

[مميزه باسمي]

الصراحه عجبني جددددددددددددا كلام مرهفة الاحساس
لانو واقعي جدا جدا
ومن جد احزن كتيييييييير على البنات الصغار اللي يبو يتزوجو
موقف سار لي و الصراحه دعيت للبنت انو يجيها ولد الحلال اللي ما يزعلها و لاااااااااا يوم على قد ما تبى تتزوج
البنت عمرها 15 سنه مره قاعدين في مكان و قالت(ادعولي اني اتزوج)
قلت لها: ليش مستعجله شوفيني ما اتزوجت الا و عمري 23 سنه و حتى لقيت الرجال المناسب و اللي اقدر اعيش ان شاء الله معاه و حسيت اني انا نفسي كبرت و سرت اقدر اتحمل المسؤليه
قالت لي: يا شيخه انت كنت رح تعنسي بس ربنا رحمك

الصراحه انصدمت و سار في نفسي حادث جاااااااااااااااااااااااامد
لانها من جد تحسب لنو الزواج بس انها تخرج و تتمشى و تروح و تجي و بسسسسسسس
و و الله الزواج حاجه كبيييييييييييييييييييييييره مررررررررررررررررررررررره مررررررررررره
من جد لازم الواحده تعرف كيف تتعامل مع زوجها و اهلو و اهلها هي كمان و اذا ربنا رزقها ببزورها لازم تعرف كيف تتعامل معاهم(اللهم اني اسالك الذريه الصالحه يااارب)
فمشروع الزواج و من جد هو مشروع يبغالو دراسه و خطط و منهجية<<<تحسوني متعقققده
بس الحمد لله زوجي احسن من رجال كتييييير<<<اقول كدا لاننا دحين محنا متزاعلين بس شوفوني و نحن متزاعلين ترى رح يكون اسوء رجل في العالم ههههههههههههههههههههههه

FrEaKy_AnGeL :
ليش تكتبي بالانجليزي ترى ادوخ و ما اعرف الحروف اللي بالارقام

و مشكوووووووووره دلع لع على الموضوع

بس ما قلتو يا بنات انتو ايش احلامكم؟؟؟
<<<راحت عليها مرحلة الاحلام

[دلوعـــــه]

مممممم مميزة باسمي مو انا الي كتبت الموضوع:n12:

[FrEaKy_AnGeL]

loooooooooool

الرد على السفيه مذلة...لووووول

>>>بتتريق على ملقوفه


loooooool

[دلوعـــــه]

كويس عارفة نفسك:n12:

[FrEaKy_AnGeL]

طبعا عارفة نفسي

كتكوته

يا ناسو

يختي عليه...إلخ


في النهاية


I DO WHAT I WANT

I SAY WHAT I WANT

I GET WHAT I WANT

END OF STORY...S

[مميزه باسمي]

يا دلوعه:
دحين سيبتي كللللللللل الرد اللي تعبت عشين اكتبه و مسكتي في الخطأ
و هو مو مني منك
ما شاء الله متبطحه في الموضوع حسبتو مو ضوعك

رجااااااااااااء صغرو تواقيعكمممممممم

[دلوعـــــه]

ههههههههههه مشي حالك يامميزة باسمي


بس اذا تبغي توقيع ترى فيه اعضاء فيهم الخير والبركة يعملولك توقيع:emMO4:

[مميزه باسمي]

لا لا لا شكرا ما ابى لا توقيع و لا شئ

عندي صوره في الجهاز بس اذا حطيتها رح اوجع دماااااااااااااااغي

مكتوب فيها(متى اسمع كلمة ماما))

من جد شئ يوجع الدماغ

[دلوعـــــه]

ياقلبيييييييييييييييييي تبغي بيبي؟؟:n16:


ان شاء الله يارب تسمعيها قررريب...بس بشرط تبشريناا.يا ماماااااااااااااا
مامااااااااااااااااااااا:wawa:

[مميزه باسمي]

ان شاء الله يااااااااااااااارب

و عقبال ما تسمع انك سرتي اجمل عروسه و بعدين احلى ماما كمان ياارب

نفسي اجيب توائم اولاد و ربنا يهديهم و يصلحهم

[دلوعـــــه]

في حياتك ان شاءالله:cat_love:

[FrEaKy_AnGeL]

LOOOOOOOOOOOOOL!!

[Free Mind]

كلام سعودي صحيح ...


نفكر في اليوم ... وحق بكرة نفكر فيه بكرة


تشكرلار :)