كيف تختار شريكة العمر؟؟؟؟ [الأرشيف]

بـــو جوانـــح

26-05-2007, 02:19 PM

تخيل وانت كنت ساااااااارح في بحر الرومنسية تنتظر تحصل فارسة احلامك

وفجاة الماما تقولك ياولدي حصلتلك بنت العمررررررر

وانت من فرحتك جررررررررري على الحلاق وهاتك سونا وحمام مغربي ونتظيف بشررررررررة وحلاقة شعر وعمل سكسووووووكة وصبغات على كيف كيفك

ورجعت البيت ودقيت الشخصية الي عليها الكلام

ورحت مع اهلك حتى تشووووووف زوجة المستقبل

وبعد مادخلت وجلست ومنت عارف فين تحط عينك ومرتبك من راسك الى اخمص قدميك

وخدودك محمررررة والا تسمع الزغاااااااااريط ودخلت البنت الي عليها الكلااااااام وفي يدها صينية عصير كما تعود الشعب وهي مرتبكة وعلى استحياااااااااااااء وقدمتلك العصير وجلست قدامك حتى تعاينهااااااا وتشوفها وتدرسها وتقول يا اوكي تصلحلي او لا

سؤالي هو:-

على اي اساااااااااااس حتقول ايو هدي تناسبني او لا ماحتناسبني؟؟؟؟

خصوصا انت ماتعرف عنها ولا شيء بس الي اهلك قاللولك عنها هو الي حتعرفه غير كدة ماحتدري شيء

طيب كيف حتحكم انها حتناسبك ايش هي معاييرك\

لو رجال جاوب مع اني احس مافي احد يقدر يجاوب على سؤالي مادري ليه

لاني متاكد كل واحد يقووووول لازم اشوف شكلها واخلاقها وروحها وصوتها

بس خلين واقعيين انت ماحتشووووف غير شكلها

يعني حكمك كله حينبني على الشكل اما طبيعتها واخلااقها وغيره ماحتعرفه غير من اهلك الي هم مادري من فين سمعوووووه

بس خليني اجرب وأشوووووووف اجوبتكم

دلوعـــــه

27-05-2007, 03:15 AM

هاا لا يكون ناوي تخطب ياأجنحووو؟؟؟

بس عارف فعلا انا كنت استغرب واقول كيف يعني مثلا من الشوفة حيعرفني؟؟
وكيف حكم عليا بس من شكلي؟؟؟

لكن اكتشفت انو الشوفة دي سبحان الله ليه ربنا شرعها؟؟؟ عشان هي ترى الأساس..:)

مجرد دخولها لك سبحان الله حتحس يا بتجاذب يانفور..وربنا يسهل.بس أهم شي النية طبعا!

مو تخطب وانته اصلا مو في راسك الزواج بس عشان تسكت أهلك ولا شي زي كدا لا
نيتك تبغى تتزوج وتكمل نص دينك وكدا..!!

على فكرة كمان فيه بعض الشوفات تكون بحضور الاب والأخ..أو واحد منهم..يعني منجد
محتقدر اصلا تطالع عليها هههههههههههههههههههههه والبنت يلالالا تطلع صوتها خخخخخخخخخ

مسالم

27-05-2007, 06:42 AM

موضوعك حلوو بس اسمحلي اسلوبك يبغاله شوية ترمييم!!

بس انا من وجهة نظري المتواضعه..انه في الاساس انت لازم تسمع راي اهلك في البنت من ناحية اخلاقها وسمعتها واخلاق اهلها انهم ناس طيبين ولا لا .. هذه كلها تكون بوادر ارتياح وتخليك يا تتشجع وتتحمس او تحبطك!! .. وطبعا تجي بعدها الاستخارة ... وبعد الامور ماتمشي اوكي وانت حاس انك مازلت متشجع وبنفس الحمااس.. يجي الدور على الشوفه .. وقتها لمى تدخل عليك البنت وتشوفها يكون انت من الاول عندك فكرة عنها من الناحية الاخلاقية .. ووقتها ماراح يكون الشكل هو الاساس بالنسبة لك.. يعني

انا ارتحت لها من الكلام اللي سمعته عنها .. والان انا شفتها وشكلها مقبول وعجبني يصير وقتها خلاص انا الان اقدر اقرر انها مناسبه ليا ولا لا

مدري هذه وجهة نظري

سمو الملكة

27-05-2007, 07:02 AM

بسم الله الرحمن الرحيم

>>>جالسة تقرأ اراء الشعب السعودي ....بصمت,, وتنتظر باقي الشعب :)

بـــو جوانـــح

27-05-2007, 11:09 AM

دلوعة

كلامك صح وهدا دايما الي اسمعه من الي اتزوجوا

يقولوا انوا في سرررر رباني هو الي يخليك تقول ايو البنت هدي تناسبني او ماتناسبني

اما عن وجود الاب او الاخ هدي تعتمد على حسب الاسررررررة

بـــو جوانـــح

27-05-2007, 11:11 AM

مسالم

ياخي ايش تبغى بالاسلوب انا ابغااااه كدة

ما ابغى اعمل فيها وارممها ومادري شنووووووو

ابغى باللغة العامية الهمجية خخخخخخخخخخخخخخخخخخخخخخخخ

مسالم شكلك ياخاطب او متزوج

ها اعترف اذا ايوووووووو

قلنا كيف كانت قصاتك

بـــو جوانـــح

27-05-2007, 11:12 AM

سمو الملكة

ومتى حضرة جنابك تجاوبي على الموضوع

وتعطينا من رايك الكريم

رهينة الماضي

27-05-2007, 12:18 PM

مرحبا أجنحة ..

انا جالسه جنب سمو الملكة .. انتظر أراء الشعب السعودي وباقي الأعضاء

وايش رأيك تجاوب على السؤال ..
وتعطينا رأيك الكريم في الموضوع المطروح للنقاش !!
وقلنا .. ايش تسوي ساعتها ..؟ واذا خاطب حكينا ايش سويت ..؟
وانت ايش معااييرك في الزواج .... ؟

بـــو جوانـــح

27-05-2007, 03:39 PM

انا صاحب الموضوع

اذا من حقي أتفرج على آراء الشعب الكررررررررررريم

محارة

28-05-2007, 01:22 AM

اعتقد الموضوع للشباب !!

بس باختصار كيف تختارها اذا اهلها سمعتهم طيبه هي اكيد بتكون نفس اهلها

بـــو جوانـــح

28-05-2007, 10:10 AM

مين قال

عندك دليــــــــــــــــــــــــل؟؟؟

دلوعـــــه

28-05-2007, 10:27 AM

أجنحة

ايش حكايتك مع عندك دليل؟؟؟؟

شوف اقلك شي من وجهة نظري..مدري استغرب من حاجة وحدة..لما الشاب يتعرف على وحدة
ويخرج معاها ويكلمها تقريبا 24 ساعة ويعرف عنها كل صغيرة وكبيرة!!

وطبعا هذا غلط مابقول انو دا شي صح هههههه بس انو بيحصل كتييير ..!

المهم بس ويقول انا احبهاااا والله بس مااتزوجها لانو كيييييييييييف خانت اهلها..؟ةكيف تربي
بزورتي؟؟وكيف مدري ايش؟؟

طيب هو لما أهلو يخطبوولوا.ايش ضمنوا انو دي البنت ماكانت متعرفة على واحد؟؟وكانت
تخرج معاه؟؟ولا تسوي الي هو كان يسويه مع بنت الناس هديك؟؟؟

بتقولوا عشان أهلها ويقولوا انها معروفة أخلاق وبنت ناس..طيب مو حت ىالبنت دي بنت
نااس ومن اهل معروفين ..إلخ

فأنا أقول إنو ممكن الأهل يكونوا طيبين لكن أبدا مو شرط إنو الولد يكون طيب والعكس صحيح:)

مدري وجهة نظر لا أكثر..!

بـــو جوانـــح

28-05-2007, 10:45 AM

وجهة نظرك صحيحة مية بالمية

فعلا انا الان بديت احلل سبب حب الشباب انهم يتزوجوا بالطريقة هدي

تعرفي ليه

لان الشباب يبغوا ياخدواحدة يقولوا عنها انها بنت اخلاق وعلى هدا الاساس يحكم على ماضي البنت انها فعلا بنت اخلاق والله العالم هي ايش سوت في الماضي

وهدا دليل على انوا الشاب مايبغى ينصدم ويعرف انوا البنت كانت تعرف احد في الماضي

لكن البنت الي اتعرف عليها فعلا وعرف عنها كل صغيرة وكبيرة

في نظري هي افضله مليون مررة من هديك الغريبة لانوا عارف عنها كل شيء وعن طرق هدا يعرف انها بنت تصلح انها تكون زوجة او لا

وانا اعترض على الحجة البايخة الي دايما الشباب يقولوها
وهي انهم ما يتزوجوا وحدة قد اتعرفوا عليها قبل كدة لانوا عذرهم هي

انها زي ماكانت تعرفني ممكن تعرف احد غيري

صحيح انا معاك ممكن تعرف غيرك لكن هدولا قليل

الغالبية يكونوا صادقين ومايعرفوا احد ثاني وهدا انت تقدر تكتشفها مع الوقت وكثير من الاحيان تكون انت السبب الي دفعت البنت انها تتعرف عليك

وبعد هدا ماتقدر تتزوجها؟؟؟؟؟؟!!!!!!!!

اكيد هناك اسباب اخرى لكن لاتقولوا ياشباب هي ممكن تعرف غيري

هدي وجهة نظري

دلوعـــــه

28-05-2007, 10:52 AM

واااااااو للمرة الأولى أنا وأجنحة نتفـق ياناااااااااااااااااااس

<<<قلبها مو مرتاح

بس عارف ياأجنحة حكاية الماضي للبنت أحسو مالو داعي اصلا تقولو للشاب ولا الشاب
يقول ماضيه للبنت!!

خلاص يبدأو صفحة جديدة ويطووا الماضي وبما فيه..لكن المصيبة تكون في من يستمر
في الغلط..!!

سحورة

28-05-2007, 11:00 AM

:h10::h10::h10:

>>> مستمعه لنقاش اجنحة ودلوعة

اقوووول مسترررررر أجنحة شكلك خاطب ولا ناوي تخطب ومتردد الموهيم الشغله فيها زواج يعني يااااااااااااااي وناااااااسه ح تعقل حححححححححححححح

بـــو جوانـــح

28-05-2007, 11:24 AM

دلوعـــــه

انا ما اعترض على كلامك لانك دلووووعة

لا انا اعترض اذا الموضوع مادخل دماغي او متل اعتقاداتي

لكن اذا انفقتي معي في وجهة نظر معينة عندها ليش انكر واعترض

وللمرة التانية اتفق معاكي

يفضل لكل شخص مقبل على الزواج انوا مايفتح اسرار الماضي ويفتح صفحة جديدة زي ماقالت دلووووووعة

------------------------------------------

الساحرة الصغيرة

يعني اذا انا سالت يعني ابغى اخطب؟؟!! ممكن ايو وممكن لا خخخخخخخخخخخخخ

بس تعرفي اذا في صغيرات عندها ليش اعقل ؟؟؟؟؟؟!!!!!!!!!!

سحورة

28-05-2007, 11:29 AM

ماالمقصود بصغيرات ؟؟؟؟؟؟؟؟؟

>>>>>> تفهم عشان تعرف ترد خخخخخخ

بـــو جوانـــح

28-05-2007, 12:28 PM

<<<<<<<<<<<<< الحدق يفهم

SwEeT

28-05-2007, 10:48 PM

اهاااا جوانح يبغى يخطب... هههههههه كفشناك..

قلنا مين هي سعييييدة الحظ؟؟ :h0:

يلا يلا اعترف.. هيا وشوشني.. محد حيسمع ههههههههه

بس من جد ترى الشوفة مهي عبارة عن انك تشوف شكلها وبس.. سبحان الله في الشوفة حتحس يا براحة نفسية.. او بقبض في نفسك..

عارف كيف لمن يكونوا في ناس من اول مرة ترتاح لهم وناس من اول مرة تكرههم..

اظن نفس الشيء في الشوفة.. يعني يا حترتاح لها.. او ما حتطيقها..

وزي ما قالولك.. حتكون قبلها اصلا سائل عن البنت واهل البنت.. وقيدك استخرت وكلو..

فا ربنا يا يكتب النصيب ازا فيه خير لك.. او تتفركش الحكاية..

برضك ما قلتلي.. ميييين هياا؟؟؟

هيا اعترف :h0:

:emM3_prv: :emM3_prv: :emM3_prv:

دلوعـــــه

29-05-2007, 03:56 AM

هههههههههه طيب يااجنحة فهمنا والله...ربنا يسعدك إن شاء الله:)

,<<<<فجأة تبغى تصير طيبة معاه

بس برضووو ايوه قلنا ميييييييييييين هي؟؟؟هاا؟؟اكفششششششش

بـــو جوانـــح

29-05-2007, 08:50 AM

SwEeT

مين جاب سيرة خطوووبة الان؟؟!!

المهم انا امس جلست مع خالتي وسالتها قلتلها ياخالتي

انا قبل كم يوم ونزلت موضوع في المنتدى وسالت كيف حتحكم انها اتناسب ولا ماتناسب

وقالتلي نفس جاوبك يا SwEeT

تيجيك حالة ارتيييييياح او انقباض

قوالت لو والله دخلت مزاجك حتطير من مكانك

قلت الله يسترررررررررررررررررررررررر خخخخخخخخخخخخخخخخخخخخخخخخخخ

بـــو جوانـــح

29-05-2007, 08:51 AM

دلوووووووووووعة

هو مافي احد يقدر ينزل مواضيع حساس

الا ويكون له غررررررررض من وراها ؟؟؟؟؟؟؟؟!!!!

دلوعـــــه

30-05-2007, 03:48 AM

آآه لا بس كنا نبغى نتأكد وي:)

طيب شفت زي ماقلت انا قبل مو سويتي<<<تغار ههههههههه

http://www.9m.com/upload/31-03-2007/0.89835011754837.gif

بـــو جوانـــح

30-05-2007, 03:35 PM

تغارووووووووووووو!!!!!!!!!!!!!!!!!!!!!

>>>>>>> الله يستر لو طلع

جد او جد بفتح الجيم او جدي او جدي بفتح الجيم مرة تانية

او خررطي خخخخخخخخخخخخخخخخخخخخخخخخخ

توتة

01-06-2007, 04:57 PM

جنوحه انت شكلك من المعارضين لطريقة الزواج التقليديه

انا اكره الزواج التقليدي دا واحسو غباء

ايش اللي ادخل على رجال اول مره اشوفو فحياتي ويعاين انا عاجبتو ولا لا

ولا نسأل بعض اسأله غبيه ونقرر

واذاحبينا سمعتنا سارت معفنه واللي نحبو مليون في الميه ما حيجي يخطب لأنو الاولاد دا تفكيرهم البنت اللي اكلمها نو واي اني اتزوجها

عشان كدا ابا اسألك سؤال

لو انت حبيت بنت عن طريق نت جوال ................ الخ

حتجي وتتقدملها .؟؟؟؟؟؟؟؟؟؟؟؟؟؟؟؟

توتة

01-06-2007, 04:58 PM

تينا

19-06-2007, 05:59 PM

ليا عودة للموضوع عجبني بس دحين راجعه البيت

براءة الانوثه

19-06-2007, 06:25 PM

اما لو حبيتوا سيرتكم تكون معفنه

ليش انتوا كيف تحبوا لوووووووووووووووووول

براءة الانوثه

19-06-2007, 06:28 PM

<<<<<<تؤيد زاج الحب

تينا

20-06-2007, 11:03 AM

السلام عليكم ...

موضوع حلو يا أجنحة :)

شوف يا سيدي ححط نفسي مكانك واقول ايش اللي مفروض يصير

طبعا لما الولد يدخل بيت عشان يشوف العروسة اللي اختاروها لهم اهله
لازم يكون عارف هوا داخل بيت مين ..
يعني سئل عنهم قبل لا يدخل بيوت الناس ..
كفكرة مبدأيه اذا الأهل عائلة محترمة واخلاق ودين وأدب ..
يتوكل على الله ..
صحيح انه الأهل شافوها وعجبتهم تربيتها واخلاقها
لكن الرأي الأول والأخير للعريس وكمان العروسة ..
لأن ممكن الولد يكون كويس ومافي شي يعيبه لكن سبحان الله ما تآلفت القلوب
او ما استلطفوا بعض ...
اهم شي كل طرف يستخير الله ويتوكل على الله ولو لهم نصيب حياخدوا بعض
يروح ويشوف البنت ..
يشوف جلستها - طريقة كلامها - طريقة أكلها - أدبها - كيف تتعامل مع أهلها
يعني برضه النظرة الأولى تعطي انطباع
بعدين لازم يتكلم معها ..يسألها شوية اسأله تكون مهمه بالنسبة له
يعني يشوف كيف تفكيرها هل يتوافق مع تفكيره ..
هل هي عنيدة ومتسلطة وتحب تفرض رأيها ؟
هل ممكن تكون مسايرة ؟
هل فعلا هالأنسانه تقدر تتحمل مسؤولية ؟
وأنا اعتقد في رأيي انه شوفه وحده ما تكفي
يعني لو عجبته مبدئيا يطلب يشوفها ثاني وممكن ثالث عشان يقدر
يعطي قراره النهائي ويقول هيا دي اللي بدور عليها ..
يعني الواحد لا يستعجل بالملكة قبل ما يتأكد ...

هذا رأيي ...

مع التحية :)

براءة الانوثه

20-06-2007, 11:06 AM

كلام جميل تنتونه

بـــو جوانـــح

20-06-2007, 11:15 AM

توتة لا لا اختلف معاكي

مو السبب في عدم نجاح زواج الحب هو انوا الولد مايقدر يتزوج واحدة يكلمهااااااااااا

بـــو جوانـــح

20-06-2007, 11:25 AM

توتة انا اختلف معاكي

ترى في سبب ثاني يمنع الولد يتزوج واحدة قد كلمها قبل كدة

وانا ما انكر انو في فئة مالها داعي تقول واحدة كلمتها انسى اني اتزوجهاااااااااااا

السبب الثاني الي اقصده انا الزووواج اول شيء مو سهل من الباب للطاقة خلاص حبيت يعني حاتزوج

في اعتبارات ثانية

زي طبيعة العيلة وطبيعة عيلته هل حاتنسجم العيلتين؟؟؟

وكمان ماننسى المستوى الاجتماعي للعيلتين

تفكير اهله وهل يتقبلوا انوا ولدهم يقول زوجوني فلانة

لانوا 90 % ماتقبل الشيء هدا من اساسه وهنا المشكلة مو لانوا البنت مهي زينة واخلاقها من جنبها

لا لانوا الاهل مايبغوا ولدهم في يوم من الايام يتزوج واحدة على كيفه ضارب بآراء اهله عرض الحائط

خصوصا انوا كل الزواجات ماتصير الا بوقوف الاهل معااااااه ماديا ومعنويا

الي ابغى اختصره

الزواج ليس مجرد زواج حبيبين وانتهى

لا الحكاية اكبر من كدة وهدي مشكلتكم انكم ماتفهموا الشيء هدا

الزواااااااااااااااج يترتب عليه مصالح كتيره

يعني الزوااااااااااااااااج هو في الاساس والبعد النظري زواج عيلة بعيلة بكل ما يتميزون بها من مساويء ومحاسن

يعني القصة ماتنتهي بزواج شخصين والسلااااااااااااااااام

لازم يكون هناك توافق اسري لانوا العشرة بتمتد لتشمل العيلتين ولن تتوقف على عشرة الزوجين

بـــو جوانـــح

20-06-2007, 11:28 AM

<<<<<<تؤيد زاج الحب

حلوووووووووووووووووووو :emMO1:

اما سيرتنا حتصير معفنة

طيب طيب اهم شيء انوا كل واحد يكون طابخة الثاني

ومافي كذب ونفاق:emM6:

بـــو جوانـــح

20-06-2007, 11:36 AM

""صحيح انه الأهل شافوها وعجبتهم تربيتها واخلاقها
لكن الرأي الأول والأخير للعريس وكمان العروسة ..
لأن ممكن الولد يكون كويس ومافي شي يعيبه لكن سبحان الله ما تآلفت القلوب
او ما استلطفوا بعض ...
اهم شي كل طرف يستخير الله ويتوكل على الله ولو لهم نصيب حياخدوا بعض
يروح ويشوف البنت ..
يشوف جلستها - طريقة كلامها - طريقة أكلها - أدبها - كيف تتعامل مع أهلها
يعني برضه النظرة الأولى تعطي انطباع
بعدين لازم يتكلم معها ..يسألها شوية اسأله تكون مهمه بالنسبة له
يعني يشوف كيف تفكيرها هل يتوافق مع تفكيره ..
هل هي عنيدة ومتسلطة وتحب تفرض رأيها
هل ممكن تكون مسايرة
هل فعلا هالأنسانه تقدر تتحمل مسؤولية
وأنا اعتقد في رأيي انه شوفه وحده ما تكفي
يعني لو عجبته مبدئيا يطلب يشوفها ثاني وممكن ثالث عشان يقدر
يعطي قراره النهائي ويقول هيا دي اللي بدور عليها ..
يعني الواحد لا يستعجل بالملكة قبل ما يتأكد ...""

تينا

ركزي معايا

تخيلي رااااح يتكلم معاها وطلعت من النووووووع الخجولة
الي يادوبوا لسانها ينطق بكلمتين من قوة الخجل

بالله حيعمل ايش؟؟

وايش بعدين قالولك اهلها حيقولوا تعال شوف بنتنا مرة ومرتين وثلاث؟؟!!

وبعدين من دخلتي ايش اقيمها كاني بسوي انترفيوا لوظيفة

ومسمى الوظيفة زوجة المتسقبل خخخخخخخخخخخخخخخخخخخ

تينا

20-06-2007, 12:14 PM

هههههههههههه

أجنحة ضحكتني

شي طبيعي البنت حتكون خجولة أول مره

عشان كده مافيها شي لو شافها ثاني مره

عادي يا اجنحة تتصل ام الولد وتقولهم ابني يبغى يشوفها مره ثانية
لأن الاولى ما تكلموا كانوا مكسوفين ..

الصراحة مافيها شي ..

يروح يشوفها ويتأكد احسن ما يملك عليها وبعدين يكتشف انها ما تناسبه
ويجني على نفسه وعليها ..

وبعدين الأهل تغيروا مافيها شي
حيشوفها بحضور احد من اهلها مو لوحدها