بطلب من الطائر الحزين, بسبوسة الطازج

[SwEeT]

سلامو عليكمووو.. كيف حالكمووو وايش اخباركمووو :)


اححححم.. تراني نزلت الموضوع عشين شيئين.. الاولاني عشين الطائر الحزين (حادلعك طاطا :))..

والتاني.. عشين تعرفوا اني افلح شوية في المطبخ هههههههه يعني انا مو مرة فاشلة


اليوم حاقلكم على طريقة عمل بسبوسة زي حقت الطازج... بصراحة انا اشوفها عادية بس صحباتي دايما يقولولي انها زي حقت الطازج.. فشوفوا انتو سووها وان شاء الله تطلع معاكم..



المقادير (تقريبا زي حقت الطائر الحزين.. بس في شوية اختلافات)

كاسة حليب بودرة (نيدو)
كاسة سميد
كاسة سكر خشن (واللي ما يحب الحلى كتير يقللها لنص كاسة او اقل)
ملعقة صغيرة بيكنج باودر
بيضة
علبة قشطة التاج
تلت كاسة زيت


الطريقة:

- لخبطوا الاشياء الناشفة مع بعض (حليب النيدو, السميد, السكر والبيكنج باودر) الين يتجانس
<<ههههه حلوة يتجانس

- حطوا البيضة وقلبوا

- حطوا القشطة وقلبوا

- وبعدين حطوا الزيت وقلبوا (ازا حسيتوا الخلطة ناشفة زيدوا كمان زيت شويييييية)

- المهم.. قلبوا وقلبوا وقلبوا.. الين يسير الخليط مزبوط.. وجيبوا صينية

- كبوا الخلطة في الصينية

- حطوا الصينية في الفرن على حرارة 160 او 170 تقريبا

- استنوا لمدة ربع ساعة تقريبا الين لمن تشوفوا وش البسبوسة حمر..

- ندروها من الفرن وجيبوا الشيرا (سكر مركز سايح في موية ههههههه)

- الشيرا لازم ما تكون لا باردة مرة ولا حارة مرة.. وسط

- وزعوا الشيرا فوق البسبوسة..

- استنوا البسبوسة تبرد وبعدين قطعوها وحطوها على صحن مزبط ومانتك ههههههه

- وبالهناء والشفاء :)



ترى الطريقة سهلة.. بس مدري ليش حسيتها بالكتابة صعبة هههههه

يلا يلا سووها وقولوا لي ايش سار لكم :)




:emM3_prv: :emM3_prv: :emM3_prv:

[محارة]

واخيراً ضبطت البسبوسه معاي :c06:

اليوم سويتها وترى الطريقه ناجحه وحلوه ومره ثانيه بجرب طريقة طاطا

جربوها يا بنات

سويت ثانكيو على الطريقه الرهيبه (f)

[SwEeT]

والله؟؟؟


يلا مبرووووك.. وبالعافية..


طب جيبيلنا شوية خلينا ندوق :)



:emM3_prv: :emM3_prv: :emM3_prv:

[محارة]

اي والله حلوه

عاد تصدقين خلصوها بيتنا ماشاء الله عليهم

مره ثانيه باسوي صينيه وبرسلها لج مخصوص

[SwEeT]

يلا استناها بفارغ الصبر :)


:emM3_prv: :emM3_prv: :emM3_prv:

[الطائر الحزين]

بسم الله الرحمن الرحيم


SwEeT



:*يلعب*:


:*يلعب*:


:*يلعب*:

شكراً لك أجمل SWEET



أكيد هتكون أحلى مدام منك انت


لك تحياتى

[Free Mind]

تمام ... ترا انا مرة جيعان


فيه بسبوسة كمان مرة احبها مرتي تسويها يكون وسطها قشطة .. وبعدين اختي كمان تسويها بس اختي تسويها قشطة كتيرة

عرفتيها ؟ هديك مرة أليــــــــــــــــــــــــــــــــــــــمة !!!!

وكمان تجيكي البسبوسة ماهي متماسكة قد كدة .. يعني تجيكي زايطة شوية اختي قالتلي انها تكتر حليب نستله (احنا نقوللو حليب جاموس مدري ليه بس لا تضحكي)


تسلم الايادي :)

تشكرلار :)

[SwEeT]

طاطا/


لا ترى حقتك ممكن الز.. :)

تحياتي لكِ :)



فري/

ايوه هادي ام قشطة.. كانت بداياتي لمن اتعلمت اسوي بسبوسة ايام المتوسطة ههههههه زكريات..

كنت احط الطبقة الارضية بامانة.. ولمن اجي احط القشطة وابغى اغطيها ههههه الاقي الخلطة خلصت وما اقدر احط طبقة فوقانية كاملة اقوم اضطر اسوي مقدار تاني ههههههه.. فكرتني باللزي مضى..

وهيا تقريبا نفس الخلطة دي.. وازا تبغاها كده لينة ومو متماسكة.. حط سكر ناعم (بس مو بودرة) بدل الخشن.. وكمان تحط المقادير كلها مع بعض مرة وحدة وتقلبهم.. مو تقلب كل مقدار لحالو..

لكن ما عمري جربت احط حليب جاموس.. ههههههه على فكرة ترى حتى احنا نقلو حليب جاموس مدري ليه..



:emM3_prv: :emM3_prv: :emM3_prv:

[الطائر الحزين]

بسم الله الرحمن الرحيم



SwEeT


شكراً على الموضوع و لى استفسار

نستخدم زيت و لا سمن؟

و حليب سائل و لا بودرة ؟

و لازم بيضة أنا حاسة انى لو وضعت بيض هتكون كيك؟


و علبة القشطة هى نفسها الزبادى و لا ايه؟


و الشربات مقاديرة ايه؟


مع التحية


:katkot:



مع التحية

[الطائر الحزين]

بسم الله الرحمن الرحيم




معلش يا أحلى سويت


نقلبها اد ايه ؟ و يكون شكلها خفيف و لا تقيل ؟



مع التحية

[SwEeT]

ههههههههههه طيب ياطمطم هدي هدي..

انا حاستك متوترة.. ولا يتهيا لي؟؟


بالهداوة كلو يسير تمام :)


بالنسبة لاسئلتك..

- تحطي زيت عادي مو سمن.. زيت عافية ولا مازولا اي زيت موجود عندك

- والحليب تحطيه بودرة مو سائل.. زي مسلا حليب نيدو

- ولازم بيضة.. هيا البسبوسة حتكون قريبة من الكيك بس مو مرة عشين السميد وكده..

- والقشطة مو نفسها الزبادي.. قشطة التاج ازا تعرفيها

- والشربات اللي احنا نسميها شيرا.. حطي سكر في قدر (الكمية اللي تبغيها) وزيدي عليه موية الين لمن السكر ينغمر بالموية.. وبعدها حطي القدر ع النار.. واستني الين لمن يدوب السكر..

وخلاص تسير عندك شيرا جااااهزة.. استني عليها الين تبرد وحطيها ع البسبوسة.. او سويها قبل لا تسوي البسبوسة عشين تبرد على بال ما تستوي البسبوسة..

- وتقلبي الخلطة الى ان يتجانس.. يعني خلاص تحسيهم ساحوا في بعض وما تعرفي تفرقي بين الحليب والسميد والسكر والبيض والقشطة..

- وتطلعلك الخلطة تقيلة شوية..


واكلة هنية :)



:emM3_prv: :emM3_prv: :emM3_prv:

[الطائر الحزين]

بسم الله الرحمن الرحيم



أحلى سويت


معلش اعذرينى لأنى اتعقدت من البسبوسة

انتى بتقولى زيت و تينا تقول سمن :emm7_prv:


و انتى تقولى حليب نيدو و هى سائل:emMO2:


و عملتها بالبيضه قبل كده طلعت مثل الكيك:*دمعة*:


و انا أقصد العجين لما نقلبة يكون شكله ايه؟


يا ريت لو فيه طريقة بالصور





مع التحية

[SwEeT]

ههههههههههه طمطم..


ترى انا طريقتي غير وطريقة تنتون غير..


يعني مو نفس الطريقة..


فا يا انك تسوي دي او ديك.. مو تخلطي الاتنين مع بعض هههههههه


شوفي ياستي.. لمن اسوي بسبوسة ان شاء الله.. احطلك الصور هنا :)



:emM3_prv: :emM3_prv: :emM3_prv:

[الطائر الحزين]

بسم الله الرحمن الرحيم



شكرا يا أحلى سويت


فى إنتظارك


:سعيد:


مع التحية

[Mohamed Salah]

جمييييييييييييييييييييييييييييييييييلةةةةةةةة جدا

وملاحظات طائر حزين اجمل

يلاة ربنا يباركلكم بنات النافذة :)

حمص

[SwEeT]

الله يبارك فيك ويسعدك عموو حموصيكا..

يلا نبغى نشوف طبخاتك انت كمان ياشيف حمص :)


:emM3_prv: :emM3_prv: :emM3_prv:

[محارة]

باقوم اسوي البسبوسه الذيذه هاذي مره ثانيه

دكتورتنا سويت ثانكس