بوتيتوز ان ايتالي يمي يمي [الأرشيف]

View Full Version : بوتيتوز ان ايتالي يمي يمي

براءة الانوثه

15-04-2007, 10:51 PM

اليوم جايبتلكم طبخه ايطاليه تجنن اتعلمتها من واحد ايطالي في الغربه يارب تعجبكم

1 . بطاطس مقشره قد ماتبغو بس تكون ماهي مقطعه طبعا وتقوروها من النص عشان تنحشي
2. تعمملوا صلصه عاد ياجاهزه ياطماطم معصوره مع شوية زبده وفلفل اسود وكمون
3. لحمه معصجه مع فلفل اسود وكمون
4. جبنه شيدر او مزريلا الا موجود طبعا

.................
الطريقه:

طبعا البطاطس بعد ماقشرتوها وقورتوها من النص وسويتو الصلصه والحمه خلاص

تجيبوا البطاطس حبه حبه كدا وبشويش واول شي تحطو اللحمه المفرومه وفوقها صلصه وعليها جبة مبشوره ياشيدر ياموتريلا

وبعد ماتخلصوا من البطاطس كلها وبنفس الطريقه ترصوها في صينيه وتحطو فوقها شوية صلصه وعليها من فوق كمان المفرومه وعليها رشه جامده جبنه

وبعدين تدخلوها في الفرن من نص الا ساعه الاربع

وطبعا سهله وتجنن تاكلوها براحتكم مع العيش مع الرز براحتكم

وبالهنا والشفا على قلوبكم يارب

:emm16_prv:

محارة

15-04-2007, 11:04 PM

واخيراً سيعود النشاط لنافذة الطبخ :c25:

وااااااااايد سهله الطريقه

ان شاء الله اجربها واقول لج عنها

ثانكيو براءه

براءة الانوثه

15-04-2007, 11:13 PM

تسلمي محاره على مرورك الحلو

بس سؤال فين الطبخات الا كانت في النافذه قبل كم شهر مني شايفتها ؟

محارة

15-04-2007, 11:23 PM

اممممممممم حركات المنتدى ماتدرين فيه طاقيه الخفاء هههههه

لالا بس اعتقد انه فيه خلل في هاي النافذه مال الفتيات

ولازم رئيس المنتدى يعدلها !! بتخمن :c29:

بس اطمنك ترى المواضيع ماراحت موجوده

محارة

14-05-2007, 01:13 AM

براءه انا سويت الطبخه اليوم

ترى وايد متعبه وشغله الصراحه

و ساعه ونص في الفرن!!

اهم شي المحاوله مع انها مو جيده هههههههه مني

مع التحية

SwEeT

15-05-2007, 04:27 AM

يمي يمي.. شكلها لزيزة.. يبغالي اجرب اسويها..

تسلم يدك برووو :)

:emM3_prv: :emM3_prv: :emM3_prv:

SwEeT

19-05-2007, 01:24 AM

برووو.. اقلك شيء بس ما تضحكي عليا وتقولي اني فاشلة هههههههه

اليوم قلك قلك.. اشتهيت اسوي البوتيتوز الايطالية..

ماما قيدها ندرت اللحم المفروم.. فرحت جبت بطاطستين وحطيتهم على النار عشين يتسلقوا..

وندرت الجبنة الموزاريلا من الفريزر عشين تفك عبال لا يستوي البطاطس وكده..

ايش سار بعدها؟؟؟؟

ههههههههههههه طلعت غرفتي.. وقلك ابغى ازاكر وحسيت نفسي نعسانة..

نسيت هرجة البطاطس ورحت في سااابع نومة.. هههههه

ماما شمت ريحة البطاطس بيتحرق وراحت شافت المطبخ.. لقيت الموية نشفت والبطاطس محروق هههههههه.. والجبنة سايحة على بعضها وحالها يبكي :)

وانا ولا هنا ناااايمة.. لمن صحيت اختي قالتلي انو البطاطس اتحرق.. انزل اسال ماما تقلي بدري يختي.. بركة بس شميت الريحة ولا كان بيتنا اتحرق ههههههههه

الخلاصة من الموضوع.. اكتشفت انو انا موهبتي في الاشغال الخارجية لكن الطبخ ههههههه انسي امرو تماما..

يلا يسلمووو مرة تانية.. وحاحاول في الاجازة اطبخ.. الله يستر على بيتنا بس لا يتحرق ههههه

:emM3_prv: :emM3_prv: :emM3_prv: