جبنة سايحة ... محاولة يعني مش مره فاشلة

[سعودي]

هيي السلام عليكم شباب وشابات طباخين وطباخات

أمس طنت في راسي أعمل مكرونة بالجبنة السايحة


فكرت فكرت فكرت ... وأكتشفت إنو ما عندنا جبنة ساحية <-- غير الكاسات قصدي

فبعدين قلت خليني أحاول أخترع جبنة سايحة ححححح

المهم

جبت علبة كرفت, وقعدت أبشرها

وحطيت قدر صغير فيه مويه (نص كوب) ع النار, وسلقت الجبنة المبشورة

وبعد فتره كدا صارت الشغله خليط

وعاد أنا أنبسطت ...

وبس بسرعه رحت حطيت شربة الجبنه -إن صح التعبير- على المكرونة

أممممم بصراحه هيا لزيزه .. وتفكرني بطعم فشار بالجبنة ينباع كدا جاهز في السوبرماركتات

بس لعع ما أبغى كدا أنا

خصوصا إنو بعد ما صبيتها ع المكرونه, فيه بعض الأوصال رجعت أتيبست ع المكرونة

لالا أنا أبغاها تصير سايحه زي هادي إللي في هارديز وبيتزا هت

يعني تكون غليظة أكتر من شربة الجبنة إللي أنا عملتها ححححححح

فياليت ياليت

وحده كدا فنانه وخطيره

وشيييفه ممتازه

تقوولي كيفف تصيير الجبنة السايحة إللي في هارديز وبيتزاهت

ثنكيوو

:emM10:

[محارة]

اها فكرتك حلوه يا سع سع

بس اي جبن تبي ؟ انت تقصد الجبن الاصفر اللي في المطاعم ؟

هاي جاهز يشترون دوره في السوبرماركت >> يازعم قالة شي مفيد :n12:

بس شوف انا بقولك على جبن تحطه على المعكرونه

فيه جبن يجيك في كيس صغير تابع لمنتجات( البقرات الثلاثه )

هاذي يسيح بسرعه حاول تجربه مع المعكرونه بدون ماتضيف ماي ولا شي بس حط الجبن وهو بيسيح من الحراره

بعد في جبن ثاني بس اسمه مو فاكرته:h12: بعد في كيس و طعمه لذيذ بس الجبن ماصخ فأنت خل المعكرونه فيها ملح زياده

وبالهناء والعافيه

[salty lemon]

انا احب اسوي الشي دا كتيير

اولا جيب طاوه وحط قليل زيت قليل

امسك الجبنه علب و قطعها

وبعدين حطها ع الطاوه الحاره وخليها تسيح وقلبها شويه

وسيبها الين ما تسيح

بس انتبه لا تسيبها و تخرج لانو صارت معايا رجعت لقيت الجبنه اتبخرت

جربها ترا مره جيده و بعدين تلاقي طبقه جبنه الي في قعر الطاوه قشرها و كلها طعمها جيد

[مشاكسه مكه لول]

محاوله جيده منك
خخخخخخخخخخخخخ

بس لو جبت جبنه كرفت الجامده وحطيتها مع المكرونه تسيح وتطلع تشبه جبنه البيزا خخخخخخخ

احنا لو مالقينا جبنه البيزا خخخخخخ نسوي بالكرفت الجامده شئ مررررررررره

يجي منك ياسع سع

[salty lemon]

اريحك

اشتري موزريلا وحطها ع المكرونه ودخلها الفرن شويه و تسيح

[سعودي]

هاااي محارة أيووووه ... الجبنة الصفرا السايحة .. أعتقد يسموها تشيدير أو شي زي كدا مدري

بس هيا تقعد كدا سايحة لفتره طويلة .. وغليظة .. بس مش مره


أنا رحت كم سوبرماركت, بس ما لقيتها :(

هيا عارفه زي إيش ... زي الجبنة اللي بالبخاخ إللي تجي في الأفلام الأمريكية

بس خساره إنو هادي الجبنةإللي بالبخاخ ما تنباع عندنا .. كدا زي علبة العطر المضغوط, بس حقت جبنة

<--- أصلو من زمان عينو عليها حححححححح




جبنة البقرات التلاته البيضة ؟؟ ... البيضه ما يجي طعمها لزيز مع المكورنه ولا ؟

<---- مزااجوو ع دييكه هههههههههههه

تسلمووووه محارة مرره

[RaHaF]

فيه جبنة ..
تشتريها من عند الرجال اللي يبيع الجبن بالكيلو ومدري ايش.. خخ
اسمها جبنة قشقوان! خخخ
أظن هادي حتنفع!
خطيرة والله..
جربها وقولي رايك..
لا تنسى تبشرها....

انا شخصيا في المكرونة ..
احب ألخبط انواع جبنة كتير.. خخخ
جبن جامد طبعا... وأصفر.. خخخ
يعني اي بقايا جبن عندك.. حطو على بعضو! خخخ
وعليك بالأريجانو- اللي هوا زي الزعتر! خخخخ

<-- تحب المكرونة..



جوعتني صراحة! خخخخ

[سعودي]

ههههههههههههههههههه ليموناضة

أنا سوووييييتههها ززماان كتييير هههههههههههههههههههههه


بسسس لععع ما هي طعمه ويييي خخخخخخخخخ


تسلمووه لمروورك

[محارة]

سعودي

البقرات الثلاثه في عندهم انواع للجبنه مو كله جبنه بيضه

فيه جبنه مبشوره في كيس موجوده

طيب مره ثانيه اذا سويت معركونيه راونا اياها

[سعودي]

أهلااا مشااااكستااااه

لالا أنا ما أبغاها تكون سايحة كدا فوقها بعدين تجمد بسرعه


أباها سايحة وتجلس ساحية كدا وفي كل مكان حححححح

<--- مزاجوو صععععب ححححححححححححح


كرفت الجامده .. هيا إللي أنا أستخدمتها .. بس بشرتها بالبشاره
أممممم لعع ما عجبتني فكرتك خخخخخخخخخخ إيش هادا أتوقعتك فنانه أكتر من كدا !

<--- ح ياكل فرش خخخخخخخخخخ


أمزززح

مرره تسسلمي ع مرررووورك الطيييب

وبلييز فكروري في هرجتي هادي

ثنكيووووو مشااكستااااه :d:d

[سعودي]

لييمووناااضة

منتتتاااا فااااهمنننييي

أسمع

تعرف بيتزاهت إللي في التحليه

قد رحت عندو في الغداء المفتوح

تلاقيه يعمل مكرونه كدا لزيييزه مرره وفيه دي الجبنه السايحه

هيا مو جبنه سايحه سايحه .. هيا كدا سايله

تسيييل اللعاب معاها خخخخخخخخخخخخخخخخخخخخ

شكلو يبغالي أروح أشتري الوصفه من عندهم

هادا لو ما قدرنا نخترعها هنا كاااي


ثنكيوووو

[RaHaF]

بعد تفكير مطول في المسألة! خخ

<-- من الجوع والله! خخخ

وبعد متابعة طلبك حول شكل الجبنة في المكرونة! خخخ

وجدت..
أن سيحان الجبنة اللي انت تبغاه.. خخ
ما يجي الا بطريقة وحدة..
لوووووول..
الجبنة لازم تدوب جوا كريمة!!! لووول
هادا هوا الحل الوحيد مع حالتك المستعصية! خخخ
وبيتزا هت ما اتوقع تسوي مكرونة من غير كريمة..

شوف يا سيدي.. خخخ
تجيب كريمة من البقالة.. خخ
خاصة للطبيخ!..
مو للحلو.. يعني ما يكون فيها سكر..
تلاقيها مع الحليب والالبان..
وتحطها على المكرونة..
لا تحط كتير.. خخ عشان ما تصير شربة..
وبعدين حط اي نوع جبن اصفر..
كرفت ما انصحك.. لانو ترى ماهي مرة متماسكة..
وكمان ابشر الجبن مرة صغير..
عشان يدوب بسرعة في الكريمة..


خخخخ ..
مستحيل ما تزبط!

لووول..

يلا ان شاء الله اكون قدرت افيدك..

[سمو الملكة]

بسم الله الرحمن الرحيم

انا اقلك الحل يا سعودي :)

اول شيء انت اظنك عايز تعمل صوص الفريدو اذا ما كنت غلطانه..صح
؟؟؟

روح الدانوب>>>يعني لو من غير الدانوب ترى ما ينفع..هههههههههههههههههههه

اشتري( وب كريييييم ) من شركة برايدل(ترى الماركة مهمة) .....او اي وييببب كريييم المهم تنتبه احنا تستعمل للحلو والمالح...


زوبدة

وبعدين تروح تشتري الانواع التالية من الجبنة:

برميزان (موجوده مع الحليب والاجبان في نفس مكان الوييب كرييم علبة بلاستك غطايتها خصرا من شركة كرفت مكتوب عليها برميزان)

ريكوتتا (برضو تلاقيها في نفس المكان شكلها يشبه اللبن الزبادي)

فلادلفيا(برضو من نفس المكان)

اي جبنة تشدر انت تحبها ..

ممكن جبنة كيري كمان...


طيب الطريقة:
تجيب الطنجرة وتدوب زوبدة >>>لا تكتر زوبدة

وبعدين اسكب القليل من الويييب كرييم>>>بتستخدم مصطلحات زي الي في برامج الطبخ
يعني كوب ونص مثلا..

واتركها لحتى تغلي ضع القليل من الملح والفلفل الابيض ولما تبدأ تسخن ابدأ انت باضافت الاجبان السابقة الذكر

وقلب قلب قلب الى ما يتجانس الخليط>>>كلمة من معمل الكيمياء..هههههههههههههه


وبس تكون انت سلقت النوع المناسب من الباستات اسكب الخليط الابيض على الباستا وبسسسسس


يطلع حمااااس وممكن تضيف شوية اوريغانو للتزيين(اوريغانوو اوراق زعتر طعمتها لزيزة تنباع في الدانوب جنب ارفف الاكل المكسيكي)
>>>شفتوا قلت لكم من غير دانوب مرررة ما ينفع الطبخ...ههههههههههههههههههههههههه


بالعافية عليك يا سعودي:):)