طبق مهياوه ..لـــذ يـــذ

[محارة]

:hello:

اليوم اقدم لكم طبق المهياوه العجيب

ماهي المهياوه ؟
عباره عن سائل غليظ يتكون من سمك مجفف + ملح+ زيت + ماء اشوي


ماذا نحتاج لصنع الطبق ؟
خبز من الخباز
زجاجة مهياوه نشتريها من الخباز ايضاً
ليمون
بصل ابيض لو انت تحب تاكله



(1)

نحظر غرشة المهياوه ، نجيب الخبز

(2)

نحط القليل من المهياوه في إناء ، بعدين نضيف عليه اشوي ماي لأنه غليظ ، ونقلبه
وناخذ الملعقه ونرش من المهياوه على الخبز ، ونعصر ليمون على الخبز


(3)
نطوي الخبز ، ونأكله
او في ناس تسوي نفسي اقلي الخبز ، بعد ماضيف المهياوه

وبالهناء والعافيه

:emM5:

[دموع الليل]

تعبناك أخت محارة

يسلم يدك وإن شاء الله يسووها هنيه بالسعودية

[محارة]

يا هلا دموع

اتوقع لو يسووها عندكم بتصير نفس البيك

حجز بأرقام هههههه

يسلمو

[دموع الليل]

ممكن يكون زي البيك إذا حطيتوا بطاطس وثوم وكاتشب + كيس منديل

أو ممكن يكون زي المناقيش ، فطائر بالزعتر ، بيتزا ، كودو


تسلم يدك

[مرهفة الاحساس]

اممممممممممم

انا بس قريت كلمة سمك مجفف بطلت أجربه هههههه


بيني وبينك مااحب السمك المجفف دا أبدا


اذا مو سمك فرش ويكون مقلي او مشوي ماآكله

بس لو ماقلتيلي ان فيه سمك مجفف وجبتيلي الصحن جاهز يمكن آكله هههههههه منظره مشهي

يسلمو محاره على المهياوه


باي باي

[zooz]

ول ول ول


سمك



لالالا



ماأحب السمك

[وجع]

عاد المهياوة حلاتها مع البصل والبقل هههههههههههههههههههههه

اذا ما عليج كلافة ممكن تطرشين لنا صحن مهياوة مع زبيدة لين رجعت من الاجازة ههههههههههههه

[salty lemon]

ممكن سوعال


الهياوه ينباع والا احنا نسويه

[محارة]

دموع لا مو لهالدرجه مناديل واكياس

بس فيه خبز مهياوه حلو يسوون في المخبز ،، او بعض الحريم متخصصين يسوونه ويبيعونه

ويتقدم الخبز في الاعراس
:bye:

[محارة]

مرهفه و زوز

انا بعد كنت باقول ماباكل سمج مجفف!!

لكن ذوقوه مره بتجربوه كل مره :emM5:

ههههههههههه

[محارة]

وجع

بعد بقل وبصل

عزت الله داومتي ههههه

زين اكيد يوم انا وتحفه بنمر عليكم في الشغل انتي وزبيده .. عشان نتعرف عليج اكثر

يسلمو :هدية:

[محارة]

ليمون

ينباع عند الخباز

يعني وانت رايح اشتر خبز ومهياوه من نفس المكان

بس لو انت تعرف تسويه هاي شي ثاني هههههه

:bye:

[سعودي]

باين عليها لزيزه وخفيفه ... أحب السمك


بس أنا أول مره أسمع عن مهياوه ؟ ...

خخخخخ أخاف أروح عند الخباز أقولو مهياوه مهياوه, يقوم يقولي هش هش قطوات أخر زمن كركركر


ياليت تجيبين لنا طريقة عمل المهياوه ححححح

ثنكيو

[محارة]

هلا سعودي

هي لزيزه لكن مش خفيفه ههههه اشرب ماي وراها او بيبسي

ويمكن ماسمعت عنها من قبل لأن ماعندكم نفسها في السعوديه

لأنها اصل الاكله ايرانيه والخبازين جابوها معاهم

وبعدين الخباز مابيقولك هش هش

بيقولك تت تت هههههههه

سعودي من وين اجيب الطريقه احنا نشتريها جاهزه في الغرشه من الخباز

تبي تعال البحرين خذها بنفسك هههههههه

:bye:

[ANA_ALDOODOO]

يسلموو محارة
شكلو لزيز
بس يا مرهفه؟؟
انا اول مرة اسمع انو في سمك اسمو سمك فرش؟؟
هادا يجي ومعا عصايا يعني ولا ايه؟؟
هههههههههههههههههههههههههههههههههههه

[محارة]

ولكمو انا الدودو

ومرهفه تقصد سمك لسى بابتها جايبه من السوق ويحطوه على النار

:bye:

[سعودي]

حححححححححححححححححححححححححح


تب أرسليلنا كدا علبه بالبريد المستعجل :d:d

<-- وجه قوي ححححححح

[محارة]

طيب يا ابو وجيه قوي هههههههه

بنرسل لك

بس لو انكسرت الغرشه في الطياره على مسؤليتك

:bye:

[salty lemon]

ايش المهياوه؟؟؟؟؟؟؟؟؟

[محارة]

ليمون كم مره اقول :h09:

شوف اول الموضوع بتعرف المهياوه

:bye:

[تينا]

من زمان اسمع عن المهياوة وابغى اعرف ايش هيا :)


ميرسي محارة :)

[محارة]

خلاص عرفتك بيها تنتونه :D

وان شاء الله اذا جيتي البحرين اجيب لك منها

مع التحية