أسهل اكله في تاريخ البشريه لعيون شباب المنتدى

[براءة الانوثه]

بما انو دودو طلب اني احط اكله سهله للشباب

فانا ماقدر ت ارفض واتقطع قلبي وقلت ياحرام لازم ارفق بحال الشباب واعملهم اكله تسير في لمحة بصر

يلا شوفوا معايا

المقادير :

عيش صامولي بريال

علبة جبنة كاسات واذا مافي مو مشكله اي جبنه واذا مافي مايضر

شطه واذا مافي برضوا مو مشكله

ومايكرويف للتسخين واذا مافي سووا زي بعض الناس وكلوا بارد

الطريقه:

نفتح العيش الصامولي من الجنب وندهنوا جبنه كاسات نغرقوا الين الجبنه تخلص وتحطوا عليها الشطه
ودخلوها بعدين في الميكرويف

واذا مافي جبنه وشطه وميكرويف مو مشكله كلوا العيش الصامولي حاف والله والله يسد الجوع

ولاتنسوا الببسي او الشاي بحليب

اذا مافي اشربوا مويه المويه مفيده مره احسن من الببسي والكلام دا
وبسسسسسسسسسسس

انشالله تنال الطبخه اعجابكم واي سؤال انا في الخدمه

شكرا

مع تحيات الشيفه براءة

[SwEeT]

استني استني..


في نقطة مو فاهمتها..


يعني كيف نقطع العيش من الجنب؟؟ ممكن تحطيلي صورة بالله؟؟ انا ما افهم غير بالصور..



هههههههههههههههههههههههههههه



تسلم الايادي برورة.. :) ويلا نستنى دودو يسويلنا سندوتشات جبنة بس من غير شطة.. لحسن انا مررررة ما اطيق شيء اسمو شطة.. ولا اطيق حتى ريحتها..



:emM3_prv::emM3_prv::emM3_prv:

[Black Metal]

مره جوعتيني كيف طيب؟؟؟




انا قلت دحين الحكاية من جد الواحد يروح يخبص شوية ممكن تطلع معاه حاجة




والله ممكن تأخدو الموضوع جد وتعلمونا اكلات سهلة بس من جد مو جبنة كسات

يعني طبخة صغنونة سندويشات طعمة





ترى كنت داخل مره الموضوع متحمس وديت جهازي المطبخ قلت خليني اتعلم

ههههههههههههههههههههههههه




يسلمووو براءة

[محارة]

هههههههه

فعلاً اسهل شي

يسلمو براءه:*وردة*:

[براءة الانوثه]

بت ياسوته انتي يابت ناتعرفيش ازاي تقطعي العيش من الجنب دنتي ست بيت مش ولابد

عاديزي اي ساندوتش لووووووووووووووول


............
بلاك خلاص ابشر من عيوني حاكتبلكم طريقة ساندوتش سهله لايبغالها نار ولا شيولافرن ولا زحمه

.......

يسلملي عمرك محاره ونورتي

[فراشة قوس قزح]

طيب وإذا مافي عيش؟؟

[براءة الانوثه]

فروشه الا تحب تناكفني اذا مافي عيش حطي شابوره

اذا مافي شابوره حطي اندومي مافي اندومي

حطي يدك ودخليها المايكرويف هوا في اطعم من يدك هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه


<<<<<فاطسه من الضحك

[قيفوت]

اللللللللللله

انا اعطيت أمر لصديقتي الطابعة وجالسة تطبع الوصفة

<<< يتذكر حريم زمان لما كانو يجلسو قدام برامج الطبخ ومعاهم ورقة وقلم

يااااااالله متى نرتاح ونجيب روبوت نعطيه الورقة يطبخ بدالنا خخخخخخخخخخ

الله يعطيكم العافية

وخلاص بلاك ميتل ما عليك انا وانته نجلس نتعلم سوا ان شاء الله من الوصفات دي

شاااااو

[بـــو جوانـــح]

طيب اذا قطعت الصامولي وخرب عليه اعمل ايه؟؟؟؟؟؟؟

[براءة الانوثه]

اذا خرب عليك جيب غيرو ماعندك الحس الجبنه كاسه بكبرها لووووووووول

[سعودي]

أعطيتيني صورة سيئة عن الطبخ بصراحه


ححححححححححح تسلمي بس أنا عندي طبخة أسهل

أتصلي ع الكافاتيريا

وأطلبي واحد سندويتش جبنه

ولا تنسي تطلبي الببسي أو الشاهي


وتسلم إيديكِ ححححح

[Mr.Aljiffry]

لالالالالالالالالالالالالالالالالا
الصراحه انا ما توقعت
انا ما كان قصدي ازعجك ولا شي
بس لانو نبغا شي سهل لينا
والصراحه تسلم يدك
ومررررره شكرا

[مرهفة الاحساس]

ياعيني

فعلا هاذه هي نافذة الطبخ والنفخ بحق وحقيقه

الله يعطيكم القوه والصحه يارب

يسلمو

باي باي

[الحجازية]

براءه ...............مشكوره ياستى

بس انا عندى ملااااحظة

انا شيفة ووصفاتك كلهاا للعزابية ..........امممممممممم يابنت لاتكونى عايشة لوحدك او شااب ...؟؟ اووووووو شااااااااله همهم خخخخخخخخخخخخ


اسمعى لاااتشيلى همهم دولااا


العزابية


عندهم البيك ولاااا الكفتريااااا


ولااا يشترووو كرتون اندومى

[براءة الانوثه]

حجازيه ياريتني شاب كان تلاقيني زي الشيف اسامه .. في التلفزيون لووووووووووووووووووووول

ومشكوره ياستوعلى مرورك