صينية بطاطس عجيبه

[براءة الانوثه]

دي صنية بطاطس فريده من نوعها

طبعا يبغالها شغل وحوسه

بس ترى مرررررره طعمه لاتفوتكم وانتوا حرين

يلا بسم الله نبدأ

المقادير :

3 حبات بطاطس مسلوقه
وحده كاسة زبدة
وحده كاسة حليب سائل
وحده كاسة مويه
واحد مكعب ماجي
نص كاسة بقسماط
وحده ملعقة توم+شويه بصل صغار صغار
ونص كاسه جبنه مبشوره
ونص ملعقة شاهي ملح وفلفل اسود

نجي للطريقه يلا حبه بحه مع بعض :

نسلق البطاطس مره مزبوط ونبشرها في المبشره من الفتحات الكبيره حقت المبشره

بعدين نحط البطاطس الا بشرناها في زبديه ونحط عليها الزبده والبصل والتوم والملح والبهارات والجبنه والحليب والمويه والماجي واخلطوها كلها مع بعض

بعدين تنفرد في صينيه وترشوا الوجه بقسماط بعدين حطوها في الرفن لمدة ساعه .

وبس شفتوا كيف ولااسهل من كدا اكله ..

وبالعافيه ياررررررررب

[قيفوت]

حلوووو شكلها شهييييه

ان شاء الله أخذ المقادير وأعطيها لأهلي يعملوها هههههههههه

بس فين الصورة ؟؟

<<< فرحان عشان حط صورة السجق هههههههه

لا ان شاء الله ما تفوتنا :)

مشكوورة براءة الأنوثة

[براءة الانوثه]

الصوره ممممممممممممممممم
مممممممممممممممممممممممممممممممممم
مممممممممممممممممممممممممممممممممممممممممم

مافي صوره كفايه الاكله مشهيه كمان صوره .. انا يادوب اسويها واكلها وبعدين ..... كملوا الفراغ

بعدين انام لسه حاصور؟؟

[فراشة قوس قزح]

حلوة والله

أناسويتها مرة في رمضان

بس البطاطس مو لازم تكون مسلوقه ترى

لانها بتجلس في الفرن ساعه يعني لو كانت بكبرها راح تستوي فما بالك ببطاطس مبشورة؟

حتى كمان أعتقد انه ساعه كتير

يمكن نص ساعه تكفيها

وتسلم يدك يا بطه

[جـيـجـي :)]

شكلها مره لزيزه بس اتخيلي لو حطيتي عليها بدال البكسماط صلصة الباشاميل ؟؟
مره يجي ;)

تسلم الأيادي :c25:

[براءة الانوثه]

كاك كاك فراشه العسل ساعه كتير ؟؟ انتي شايفه كدا؟؟

خلاص زي ماتقول ابله فراشه

.............

جيجي خلاص حاحط باشميل واشوف كيف تتطلع

[ANA_ALDOODOO]

تسلم يدك
كلام الطباخات دا مررره ماليا في
بس على العموم تسلمي

[براءة الانوثه]

على العموم دودو يسلم عمرك

ياخي نفسي تطبخ اكله من الاكلات ترى سهله مره مايبغالها الا حبة صبر وتزبط المزابيط
هههههههههههههههههههههههههههههههه

[محارة]

اي حلوه وسهله انا سويتها من قبل بس ماحط بقصم فوق

ثانكيو انوثه :*وردة*:

[براءة الانوثه]

لاثانكيو على واجب محاره
ويسلمو على مرورك

[مرهفة الاحساس]

أممممممممممم

من جد شهيه

يبغالي
أجربها وانا بعمل الرجيم خخخخخخخ

يسلمو

باي باي

[الحجازية]

امممممممممممممممم باين عليهاا تعمة

بس شوفى يااااعسولة صينية البطاطس لهااااااااااااااااااا طرق كتيره وممكن تبدعى فيهاا


ممكن تزيدى خضار ...............او تحطى علية رشة ملح لليمون تسير لهاا ميزه وطعم حلووو


مشكوره ياااعسولة

[براءة الانوثه]

ملح ليمون يم يم شهيتني عليه اكلوا لوحدو حجازيه