للناس الا تحب السجق والفلفل الحار

[براءة الانوثه]

كيف حالكم ايش اخباركم وحشتوني فعشان كدا ماقدرت يدي اكلتني عشان اكتبلكم الاكله الطعمه ددي

واحب اعطيكم طرق الاكلات السهله بسس للاسف في ناس مايحبوا لا يدخلوا اكل الفرف ولا يقلوا في زيت ازنهم زي اليابنيين يحبوا الاكل بارد لوووووووووول
المهم شوفوا معايه

جيبو 5 حبات سجق كل حبه فيها مقطعه دواوير صغار صغار

حبه طماطم مقطعه برضوا صغار صغار... وبصل مقطع صغار صغار والا مايبغى بصل مولازم

وحبة فلفل اخضر رومي بارد برضوا زي اختوا الطماطم مقطع صغار صغار

وقرنين فلفل احمر حار مقطعه صغار صغار والا يبغى يزود يزود مافي اي مشكله بس لحد يستلبش براءة وويقول براءة قالت زيدوا .. هيا انا قلتلكم من دحين

وطبعا حبه ماجي وفلفل اسود وكمون .. وزيت

الطريقة :
طبعا تجيبوا الطاوه وتحطوا فيها الزيت وبعدين البصل واذا مافي ابدأوا طبعا بالطماطم وشوحوا الطماطم الين تبدا تدوب شويه

بعدين حطوا فوق الطماطم الفلفل الاخضر وقلبوا شويه بس

بعدين حطوا فوقهم السجق وعلى طول حطوا فوقهم قرون الفلفل الاحمر وقلبوها مررره شويه

بعدين حطوا الماجي والفلفل الاسود والكمون وقلبوا الين تشوفوا السجق استوى طفو النار

وجيبو صحن وحطوا الاكله دي فيها .. وجيبوا جنبها عيش حب دوبوا خارج من الفرن أو عيش لبناني

ويم يم يم

وبالعافيه على قلوبكم يارب







وعلى طول حطوا الماجي والفلفل الاسود والكمون

[براءة الانوثه]

وعلى طول حطوا الماجي والفلفل الاسود والكمون

دي الجمله ايش جابها بعدوبالعافيه على قلوبكم يارب؟؟

ها مين مين اعترفوا بسرررررررررعه ..!!!!


يلا ماعلينا عدوها ولا كانو احد شايف الجمله الاخيره دي

[فراشة قوس قزح]

خلاص مو حطينا الماجي والفلفل الاسود والكمون هههههههههه

بس تدري

مرة الأكله سهله ولذيذه

انا أحب السجق

أمس عملت أومليت بالسجق

برضه سلقته و قطعته حلقات صغيره وحطيته مع البيض والجبنه

يم يم

وتسلمي على الطريقه والأفكار الحلوة

[براءة الانوثه]

احلى مافي ردك فراشه جملة ( قطعته حلقات صغيره )جبتي التايهه يافراشه من اولمني عارفه ابدل جملتي حقت (جيبو 5 حبات سجق كل حبه فيها مقطعه دواوير صغار صغار )
جيبو 5 حبات سجق كل حبه فيها مقطعه دواوير صغار صغار =جيبو السجق وقطعوه حلقات صغيره

[فراشة قوس قزح]

هههههه بس أنا فهمت من حالي انه دواوير صغار صغار هي الحلقات هههههههههههههههههههههههههههه

بس تصدقي حلوة دواوير ههههههههههههههههههههههه

[براءة الانوثه]

ياستي الله يحلي ايامك اخجلتم تواضعنا هههههههههههههههههههههههههههه

بس هيا من فين جات دواوير دواوير ؟؟

[فراشة قوس قزح]

همممم يبغالي أسأل براءه وأقولك عشان هي اللي قالتها ههههههههههههههههههه

[جـيـجـي :)]

والله لأسويها بكرة انشاءالله وحجرب لو مازبطت ولا ماعجبتني حتجيبي فلوس السجق اللي مااتأكل خخخخخخخخ

تسلم يدك ياعسل وعلى فكرة انا من عشاق السجق يمي يمي وأحطو في كل طبخاتي
حتى البيض المخربط ومكرونه الباشاميل :c12:

[براءة الانوثه]

جيجي يقولوا السجق حبتين بريال صح ؟؟

هههههههههههههههههههههههههههههههههههههههههه

[Mr.Aljiffry]

تسلم يدك
بس لازم الفلفل الاحمر الحار دا؟؟؟
وبعدين قوليلنا على طبخات سهلة من غير لا نار ولا ايتوها حاجة كدا بسيطة
عسان الاولاد يقدرو يسووها وقت الجوع

[براءة الانوثه]

دودو يعني انتا ماتحب تاكل فلفل حار

خلاص مو لازم الفلفل

تاني شي ابشر من عيوني حاكتبلكم طريقة اكله تسووها سريع سريع وقت الجوع