اكله سهله وطعمه ماعرف ايش اسمها ؟؟ انتوا اختارولها اسم

[براءة الانوثه]

اول الشي الاكله طعمه وسهله خصوصا للعزابيه والبنات الحلوين الا مافيهم يطبخوا

هيا شوفوا الاكله ايش تحتاج

واحد : عيش لبناني

اتنين : دجاجه كامله او صدور دجاج

تلاته : جبنه كاسات

اربعه : بقسماط وبيض

وبسسسسسسسسسسسس شفتواعشان مانحب الكلفه وروحوا وجيبوا وكلام كتير المهم نجي للطريقه

جيبوا العيش اللبناني اول حبه طبعا هيا تجي طبقتين فوق بعض

افصلوا الطبقتين عن بعض فحتسير كل طبقه خفيفه طبعاَ

امسكوا اول طبقه وقطعوها بالسكين طوال طوال
يعني تقطعو العيشه شرايح طويله ... يارب اكون وصلت المعلومه يارب

وطبعا قبلها تكونوا سالقين الدجاجه او صدور الدجاج وبعد سلقها تقطعوها صغار صغار مره زي الشاورما

المهم بعدين جيبو العيشه الصغيره هاديكا الا قطعتوها طوال طوال من العيشه الكبيره النحيفه طيب؟؟

وادهنوها بجبنه كاسات واحشوها شويه من الدجاج وفلفل اسود وملح ولفوها بشكل اسطواني
وزي كدا كل عيشه قطعتوها طوال احشوها بالطريقه هادي

ولما تخلص الكميه

غمسوها في البيض وبعدين البقسماط وبعدين اقلوها في الزيت

وبالف صحه وعافيه على قلوبكم ياررررررررررررب

ويارب اكون قدرت اوصلكم الطبخه صح لاني حاسه اني حايسه وانا باقلكم طريقتها

[الحجازية]

عسولتى برائة الانوثة

عجبتنى والله طريقتك تشبه الشاورمه زى ماقلتى بس منى فاهمه كيف طريقة كيف اقطعه طوال طوال


وممكن نتستغنى عن جنبة الكاس ونجط مايونيز ؟


ارجع كرر يااا عسوله اشكر ياستنا

[فراشة قوس قزح]

واااو فكرة مره حلوة

انتي بتوصفيها أنا أتخيلت السندويتش العربي في الشكل

ما شاء الله عليكي ست بيت شطورة

تسلمي على الطريقة

[براءة الانوثه]

اهلين اختي حجازيه

اول شي ياعسل انو الجبنه هيا الا حتطعم الاكله لانو جبنه ودجاج مره شي لزيز

ومادري شوفي جريبي بعض منها بالمايونيز

تاني شي ياعسوله .. قصدي قطعي العيش طوال طوال .. يعني مستطيلات جيه بالطول


يارب اكون قدر اوصلك المعلومه اختي حجازيه.

.................................................. .............


منوره فراشه اللزوزه

انا ست بيت على قدي يوم انشالله ارسلك اكله من يدي رساله خاصه لووووووووووووووووووول

[جـيـجـي :)]

تسلم يدك ياعسل واناكمان بالله ارسليلي بالرساله الخاصه طبق وانا اسخنه عندي لاتتعبي حالك ههههه

[مشاكسه مكه لول]

يم يم مشهيييييييييييييه

مرررررررررررررررره

بكره حأجربها بأذن الله

وتسلم يديك على هيك اكله :)

[براءة الانوثه]

لا مش معئول جيجي عاشقة السجق هنا يامرحبا يامرحبا

جيجي ابشري من عيوني دحين ارسلك الاكله

..............................

مش مش شكرا على مرورك الا اسعدني مره مره

ويسلم عمرك يارب

[Mr.Aljiffry]

كيف يعني طوال العيش؟؟؟
مافهمت
<<<على اساس انو حيسويها
تسلم يدك براءة

[وجع]

الاكلة ناقصة شي مخلل زيتون يعني شي هلون وتطلع لذيذة اكثر

تعرفي لو تسوي لها بصلة وفلفة باردة مقطعه بالطول مع مخلل تطلع خطيرة

ولو حطيتيهم على النار قبل ما تحشين من دون زيت يطلع بعد الذ

تسلم يدك

[SwEeT]

كاني قيد سويتها قبل كده بس بشكل معقد اكتر<<< تسوي نفسها حريفة طبيخ ههههههه



لا بس ترى مرة لزيزة الاكلة دي.. مرررة احبها بالزات ايام رمضان.. كل ما اكلها احس كاني في رمضان لانو احنا دايما نسويها في دا الوقت..


تسلم يدك برورة :)



:emM3_prv::emM3_prv::emM3_prv:

[براءة الانوثه]

اهلين دودو انتا بتسال كيف طوال طوال
يعني مستطيلات

.........

وجع يسلم عمرك يارب ومادام شايفه انو مع المخلل ودا كلوا حيطلع طعم فماشي كلام الكبار


..............

يسلم عمرك يارب ياسوته العسل .. خلاص انشالله في رمضان ارسلك هيا هههههههههههههههههههههههههههه