قدام اللـــه وخلقــــــه..!

[دلوعـــــه]

السلام عليكم..


صباح الخير هههههههه<------على بالها كل الناس قاموا دوبهم هههههه


المهم انا طبعآ أشكر الإدارة الطيبة على إنهم غيرولي الصوورة..

بس أنا اليوم دخلت لقيت رسالة جاتني من ألأخ الورع والله أعتبروا زي أخويا الصغير
وهذه هي الرسال


=الورع الداااج]وصلني كلام انك زعلانه من التوقيع وتسبسبيني بكلام ما ينقال

طبعا محاقول من فين جالي بس بقلك كلمة

أحترمي نفسك واستحي على وجهك , لو مثلا التوقيع مو عاجبك مو عيب تسبي وتغلط على أمي و أهلي بكلام ماينقال

مابيني وبينك شي عشان توصل لحد التهم القذره هذه , استغفري ربك وانا خلاص ماعاد بكلمك وارد عليكي لانو ماتوقعتك تقولي كدا الا لمن تأكدت من صحة الخبر

ما اقول الا الله يسامحك[/QUOTE]



يعني بصراحـــة أنا مني عارفة ايش أرد ولا أيش أقووول..بس عمومآ أنا مبسوطة إنو
جا وقلي بس مو بالأسلوب الرخيص دا...

أنا أبغى أفهمك يالورع لو أنا سبيت أو غلطت بغض النظر عن السبب الي ذكرتوا
عشان توقيع!!

أنا الي في قلبي على لســـاني...الحمد لله ياااربييي...وأنا بنت ناس ومتربية ولله الحمد
أنا لو مين ما كان جا وزعلني ولا غلطت عليا عمري ماأسب أهلو ولا أغلط عليه لإنها
بترجعلي...


وإنته قلت وصلك كلام وماتبغى تقوول من مين..!


أنا مايهمني من مين ولا يهمني إذا إنته صدقت ولا يهمني إذا إنته زعلان ولا لأ..

أنا قلت اللي عندي..وصدقني لو أنا سبيتك ولا غلطت عليك ولا أصلآ جبت سيرتك ماكنت
أتجرأت ونزلت الموضوع هذا وأنا مني متقصدة شي من موضوعي هذا..

بس عشان يكون الكــل عـارف ايش بيصــير وايش صـاير..!

وعلى فكرة أنا ماأعتبرك إلا كأخ صغير ليا وربي وتاني مرة ماتتجرأ وتقول استحي على وجهك
ومدري ايش...


وأنا فعلآ أكبر من إني أصلآ أرد عليك بس أنا مابعتـذر لإني عارفة نفسي ماعملت شي.. :emMO3:



وإذا عندك جرأة تقوول مين الي وصلك الكلاااااااام ههههههههههههههههههههه لا حول
ولا قوة إلا بالله..! :emm7_prv:

[الورع الداااج]

المهم انا حذفت الرساله بعد ماارسلتها وتوقعتها تنحذف عندك

لانو طلع مقلب صار فيا وانا انحرقت وزعلت وبعدين لمن كلمت هذا الشخص فهمني انو دا مقلب من عنده وتزاعلت معاه

صراحة انفجعت لمن لقيتها وصلت عندك لانها حذفتها من الرسائل المرسله واللي اعرفه انها الرساله تروح

لو ادري انها كانت توصل كنت رسلتلك بعدها رساله توضح ايش اللي صار

حتى قبل شويه انتي ارسلتلي رساله بالخاص تقولي فيها رد عالموضوع دا وانا احسبك رسلتي لي بالغلط فا قلتلك النمره غلط

عالعموم انا اللي المفروض اتأسف لاني استعجلت

[الورع الداااج]

خلاصة ردي اللي فوق

حذفت الرساله من الرسائل المرسله في الخاص

كيف وصلت عندك ؟ يحقلك تترفعي عن انك تكلميني ويحقلي أعترف اني غلطان استعجلت


تاني شي انا كتبتها وانا متفاجئ بالكلام اللي وصلني من عضو قديم بالنافذة عني و بعدين طلع يتونس اخر الليل

صراحة انفجعت لمن شفتك شفتيها

[دلوعـــــه]

يعني خفة دم زايدة..عمومـا مايهمـني..!

[ساميو]

ممكن أوضح شيء

إلي بيسوي توقيع مو شرط لازم العضو ينزله

أهم شيء وصلت الرسالة بأنك تحترم وتعز أو تكافئ وتقدر وشيء من هذاالقبيل


ثانياً : لا بد من إحسان الظن في هذه الأمور والتي فيها الكلام المنقول من أكثر من شخص والتأكد منه



شكراً لكم

أخوكم ساميو

[الورع الداااج]

والله لا يهمني صدقتي ولا ما صدقتي ولا يهمني نزلتي التوقيع ولا لا لاني بكل بساطه اكبر من ان ازعل عشان توقيع

مثلا توقيعك دا ياساميوا حطيتوا مجامله لك وبعدين اعترفت لك ان مكانه الزباله , يعني حموت لو ماحطيته ؟؟

المهم غلطه وصارت انها وصلت وماني غبي لدرجة اني اقول مين اللي قال او مين اللي ماقال

ولو بستخف دمي معاكي بعقلك المنتدى كله مو مملي عينك ومالقيت الا الخاص

عالعموم ما اظن اني غلطت في رسالتي بقد ماغلط برنامج المنتدى الغبي اللي المفروض يحذف الرساله لمن سويتلها أمر الحذف

واخر كلامي صدقتيني ولا ماصدقتيني ماحينقص مني شعره

ولكن هنا قدام خلق الله أعتذر واعترف اني انا الغلطان بأرسالي الرساله اللي ماشفعلي المنتدى (( المحترم)) في ايقافها

واخر كلامي ان الحمدلله رب العالمين

[دلوعـــــه]

اللهم طوووولك يارووووح دحين أحد قاال شي؟؟؟؟

خلاص حصــل خيييييييييير...

[الورع الداااج]

:)

ههههههههههه من وين جبتي التوقيع دا من زمان عنه

عالعموم اكرر اعتذاري وشكرا لتقبلك الموضوع

[دلوعـــــه]

هذا التوقيع والله من جد زمااان عنو ...هههههههههههههههههه


أمووت فيه يذكرني بذكرياات جميلة جدا!

بس لا تعيدهاا يالورع لإنو هذه المرة أهو وعدت على خير المرة الجاية ماتدري ايش
يصييير...<--تهدد

[المملوح]

مرحبا بالاخت دلوعة والاخ الورع : صحيح ردي متاخر اشوي بس حبيت ارد على كلامكم
اولا ياخوي الورع لاتحاول تحكم على شخص بسرعة وتهاجمة بقوة بعد ان تتاكد من مصدر
الشي لان احاسيس الانسان شي كبير عندة ولا يقبل التجريح مهما كان ولا كانت مداعبة بعد.

الاخت دلوعة : اهنيك على رزانة وحكمة وهدؤؤؤء عقلك... اللة يعطيك على نيتك

[سعودي]

والله الطفش يسوي في الناس الكتير

ما عليك زود يا ساميو, ربي يخليك ... بس بالمناسبه, إيش مناسبه إنو إحنا نعرف هادا الكلام؟

إننا نعرف إنو المنتدى ((محترم)) زي ما بيقول الورع ولا إنو المنتدى فيلو ناس محتتترمييين زي ما بتنادي دلوعه


والله الناس في الناس, والجو ما بيحتاج... هيا أهو الواحد يعني يتعلم من كلام ساميو والمملوح الكلام الحلو

شكرا