ما هو نوع جوالك ؟ [الأرشيف] - منتدى نافذة العرب

غااالي

07-10-2003, 09:58 AM

أكيد كلنا عندنا جوالات

حتى اخوي الصغير اللي عمره سنة ونص
صار عنده جوال ... :D

فإيش نوع جوالك ؟
وايش كان نوعه قبل ما تغيره

:mo:

ziza

07-10-2003, 11:48 AM

اهليييييين

انا عندي جوال بس ماقد فكرت اغيره ابدا ههههههههه

عندي رهيب واحسوووووو مرة عملي يعني ضد الصدمات اللي هيا اهم شي يعني كل مرة

دررررررررررررررررررب من فوق الين تحت فلازم شي يتحمل

ووكمان حجمه مرة مناسبني يعني كم مرة افكر اغيره بس كلها حجمها صغير!!

ههههههههه

بس بدات افكر جديا واذا غيرته راح اكتب في موضوعك هون

بس على فكرة تراني مغيرة الانوار من جوا ههه

ابغاكم تنصحوني اشتري شووووووووو جد والله :)

رانو

07-10-2003, 06:13 PM

والله يا طويل العمر ..
جوالي بيبي نوكيا ههههههههه
من أول ما نزل في السوق اشتريته .. و إلى الآن ماني شايفة شي يستاهل إني أغيره :D << قولي أهلك مو راضيين و بطلي كذب ههههههه
بس أقلك يا زيزا ..
امشي أنا و إنتي نشتري دا نوكيا 7600 والله شكله فتاااااااك

ziza

10-10-2003, 01:57 AM

فكرة

يلا انتي اشتريلي وانا اشتريليك ههههههههههه

what?

10-10-2003, 02:05 AM

الصراحه الصراحه والصراحه راحه :com:

انا عندي الفيصليه اول ماطلع في السوق اشتريتوا والحمدلله
شغال معايا زي السمن على السكر وماافكر اني اغيروا :D

:glasses:

رانو

10-10-2003, 03:05 AM

لا لا
إنتي اشتريلي أول بعديييييين أنا أشتريلك :D

سعودي

10-10-2003, 03:53 AM

:D كان عندي الرهيب .. وغيرته لما طلع البيبي نوكيا

وانا إلى الآن بالبيبي :) حبيب ألبي .

طيب يا غالي .. إيش نوع جوالك ؟

الورع الداااج

12-10-2003, 02:19 PM

انا معايا العنيد ون

وربي ارجل جواال

عملي وقوي مره ونغماته ميدي يعني بالايقاع ههههه

غااالي

13-10-2003, 09:29 AM

زيزااااااا

الرهيب احسن جوال ......يعيش وما يشتكي بش مشكلته مافيه مميزات جديده....ومو مهمة المميزات الجديده كتير ... أهم شي في الجوال الشبكة كيف ؟ والبطارية ؟ وإنه يتصل طبعا ههههههه

شوووكراااا أختي

أخوكم
غااالي :)

غااالي

13-10-2003, 09:31 AM

والله يا رانو يا طويلة العمر

انا بصراحة ما جربت البيبي نوكيا
بس اسمع من اللي جربوه إنه يعلق كتير وقت ما تنفتح المسجات
واحيانا ترووووح كل الرسايل اذا علق:)...

شووكرا أختي

أخوكم
غااالي:)

غااالي

13-10-2003, 09:34 AM

والله يا ماذا ؟
what?

انصحك لا تغيره ...
لأنه جوالك كان مع بداية التطور لسا وفيه شوي من المميزات الجديدة ... حتسمع دحين تطورات كتييييييييييرة... اصبر عليهم لما يركزو شويا ويهدو اللعب......ديك الساعة غيره هههههههه

شوووكرا أخوي

أخوكم
غااالي :)

غااالي

13-10-2003, 09:36 AM

حيو السعودي حيووو
:)

والله حلو البيبي نوكيا ... زي ما قلت لطويلة العمر رانو...
ما يعلق معاك كتير؟؟

شوووكرا أخوي
غااالي
:)

غااالي

13-10-2003, 09:37 AM

الورع الداج

حيااا الله من يانا
أهم شي إنك مقتنع بيه ولا يهموك الناس
بعدين هو عنيد اسم على مسمى هههههه

شووكرا اخوي
أخوكم
غااالي :)

رانو

13-10-2003, 01:59 PM

والله ما سبق و علق زي ما قلت ..
بس كلامك صح .. كتير صاحباتي عندهم بيبي نوكيا .. و يشكوا إنو يعلق ..
بس الحمدلله أمي داعيتلي ههههههههه

بس ما قلت لنا .. إنتا ايش نوع جوالك ؟

سعودي

13-10-2003, 10:43 PM

لو علق البيبي وأتمسحت كوووول الرسائل :D والله راح أحمد ربي

أصلي مستخصر أمسح الرسائل القديمه مره وحده بنفسي ههههه :D:p

:D سلاااااااام

جداوي كوول

13-10-2003, 11:00 PM

والله ياشباب انا اتاجر في الجوالات ولي خبره ولله الحمد كبيره جدا فيها وكل الجوالات اللي ذكرت هنا انا استخدمتها واسالو عفريت لزيز عني هوا ماعيا في الجامعه ويعرفني انا الان معايا 3650 اللي هوا ابو كاميرا نوكيا الدوار وقبله كان عندي سيمنس sl55 وقبله الفيصليه وقلبه النورس وقبله البيبي وقبله سوني اريكسون ويويويوي الخخخخخخخخخ ترا والله كتيييييير فاي واحد او وحده تبغا مشورتي انا تحت امره من عيوني اساعد

غااالي

14-10-2003, 10:50 AM

رانو ههههههههههه
عاد الجوالات مقامات زي ما يقولو

انا جوالي نوكيا 7210

شووكرا أختي
أخوكم غااالي

غااالي

14-10-2003, 10:51 AM

سعودي
شكلك تدعي على الجوال كل يوم يارب تتمسح الرسايل ههههههه

أخوك:)
غااالي

غااالي

14-10-2003, 10:53 AM

ماشاء الله جداااااااوي كووووول
يعني إنت حتكون الخبير بتاعنا ;)

مرحبابك أخوي

غااالي:)

رانو

14-10-2003, 01:34 PM

يا سلام
ايش قصدك يعني ؟؟؟؟؟
اشبه مقام البيبي نوكياااااا ؟؟ اعترف !! :p

غااالي

14-10-2003, 01:41 PM

هههههههههههههههه
لالا انا قصدي

بيني البيبي نوكيا تبعك والبيبي نوكيات تبع الناس

مو كل بيبي نوكيا يعلق
لأنه البيبي نوكيات مقامات ههههههه

:)
أخوكم
غااالي

رانو

14-10-2003, 01:45 PM

ههههههههههههه
دا اسمه توفيق بالجوال ببركة دعاء الوالدين :D

غااالي

14-10-2003, 01:47 PM

:D

حلو هذا اللي انا كنت ابغى اقوله بالظبط

هههههههههههههههه

طيب بكم تبيعيه ؟؟؟ :p

رانو

14-10-2003, 01:53 PM

والله يا طويل العمر ..
أنا اشترييييته أول ما طلع .. أيام كان 1500 ريال خخخخ
و مستخسرة أبيعه بخساااارة ..
لأنه زي منتا عارف
هو غاااالي على قلبي ههههه
و كل يوم تزيد غلاته ههههههه
يعني لو تبغى تحسب الغلى على السعر ..
كل يوم بعشرة ريال ..
و هو له معايا سنتين ..
يعني 2 × 356 = 712
و 712 يوم × 10 ريال = 7120 ريال زيااادة على الـ 1500
8620 ريااااال فقط لا غير
شوف دا أنا راعيتك كمان .. ما حسبت لك السنة الكبيسة خخخخخ
تفرق ترى :D

ها .. ايش قلت ؟

غااالي

14-10-2003, 01:58 PM

ههههههههههههههههههههههههههههههههه

بالمبلغ هذا اشتري جوالات بيبي نوكيا كثيييييييييير

وكل يوم استخدم واحد واذا علق ارميه واطلع الثاني :p

اذا ممكن تراعونا .. وتخفضوها بـ100 ريال

يالله الان احول المبلغ على رقم حسابكم

عسا ماحد حوش ههههههههههههه

أخوكم
غااالي
:)

رانو

14-10-2003, 02:02 PM

طيب بس عشانك غااالي نخفض الـ 100 ريال
بس أكتر من كدا ما نقدر ترى
بس عشان نكسبك زبون خخخخ

يالله تلاتة اتنين واحد
تم بيع الجوال المدعو نوكيا الرضيع إلى العضو المحظوظ غااالي
بمبلغ 8520 ريال فقط لا غير

مبروك عليك :D

<< ارتحنا ههههه

غااالي

14-10-2003, 02:07 PM

رانووو

ههههههههههههههه
والله وانا كنت جالس اقرا بداية ردك
لبست الشماغ وكنت خارج للبنك عشان اسحب الـمية اللي حيلتي

:D بس هونت لما شفت الرقم اللي في الاخير

:p يالله مو مشكلة انا موافق ايش اسوي

حطيتيني أمام الامر الواقع

هاتيه واجري على الله

بـ100 ريال

:D

رانو

14-10-2003, 02:13 PM

شوفوا الرجال شوفوا !!
أما والله !
زباين آخر زمن !!!
فوق ما تكرمنا و خفضلنالك تخفيض خاااااااص
ترى السعر دا ما تحصل زيه هههههههههه من جد والله ما تحصل زيه :D

و ترى مو خسارة فييييه
عليه نغمات مرررة حلوة
لحظة أفتكر ايش هيا
عليه تاج راسي .. و قاصد .. و لو يسألوني .. و الحلوة دي .. و سارعي كمان هههههه
وترى السعر يتضمن كفالة مسجات مدى العمر هههههه
كل ما ح تحتاج لمسج في حيااااتك .. ح تلاقي :D
و ترى يجي برضو معاه 3 أغطية
فوشي و أحمر و كحلي
و كفااااية كفااااية
إنو أنا استخدمته هههههه
يعني صار له الشرف إنو يكون اسمه جواااللييييي في يوم من الأيام
والله من جد ترى بأتكلم .. عمرك ما تلاقي سعر زي كدا ههههههه

يالله ايش آخر كلام عندك ؟؟ :D

رانو

14-10-2003, 02:15 PM

قول بسرعة ترى الطلب عليه كتييييير :D
يا تلحق يا ما تلحق

غااالي

14-10-2003, 02:19 PM

رانووو

ههههههههههههههههههه
اوكي ما دام فيه كل المواصفات هذي
انا صراحة ما لقيت نفسي الا ورحت البنك..
وجبت لك خبر مرة كويسسسسس

انا لما رحت البنك اسحب الفلوس

لقيت فيه ريال منها كان مشقوق

يالله ربنا يعوض عليكي

بـ 99 ريال:D

بسرعة اقبلي قبل ما ينشق ريال تاني هههههههههه

أخوكم
غااالي
:D

رانو

14-10-2003, 05:15 PM

خخخخخ يرجك ربي .. قول آمين هههه
طيب خلاص أبيعك هو بالسعر اللي اشتريته .. يعني نخصم سعر الغلى لأنه شكله ما ح ينباع كدا هههههه
خلاص بـ 1500 ريال و أنا مواااافقة << بس هات الدنانير وانتهينا :D
يالله متى الدفع ؟؟ أبغى أشتري بالمبلغ جوال جديد :D

غااالي

14-10-2003, 06:51 PM

اوكي يا رانو والله ما تركتيلي مجال

انا موافق على السعر اللي قلتي عليه
1500 ريال...

وبصراحة انا راح اشتريه عشان خجلان منك بس
مو تفكري إني طمعان في جوالك ولا شي ها

أول شي اروح ادور على 14 واحد...

يدخلوا معاي شراكة في البيعة ...

كل واحد راس ماله 100 ريال :D

ويصير اعطيكي 1499 ريال

ويبقى ريال .....

عاد لما ربنا يفرجها علي اعطيكي اياه ههههههههههههه

أخوكم غااالي
;)

رانو

14-10-2003, 10:34 PM

ههههههههههه طيب
ربي يفرجها عليك يا شيخ
الريال صعب والله الأيام دي خخخخ
يعني 1499 مرة مو مشكلة
بس الريال.. أزمة بصراحة ..

يالله شد حيلك و جيب الـ 1500 كاملة
:D

عابر القارات

15-10-2003, 01:18 AM

انا جوالي سوني واشتريته لاعجابي بشركة سوني

والنه افضل شركة في عالم الالكترونيات
سبب اخر انني اريد ان اكون مميزا والجوال الذي عندي مختلف عن الذي عند الناس
ايضا سبب اخر وهو طريف ان رقم موديله يحمل الرقم 7 وهو نفس رقم فانلية ديفيد بيكهام

وهذه صوره <<<فرحان بجواله

http://www.mobiles.co.uk/images/sony_z7_closed.jpghttp://www.dlts.de/wir_uber_uns/Handys/Sony/Sony_Z7.jpg

http://www.mobile-review.com/phonemodels/sony/image/z7.jpg

غااالي

15-10-2003, 12:59 PM

طبعا يا رانو الرياااااال هذا قبل الالف والاربعمية والتسعة وتسعين

تبغيه يجري ورايا يوم القيامة ؟ ههههههههههههههههه

طيب ان شاء الله لما الاقي كم واحد يدخلوا معايا شراكة أول ;)

أخوكم
غااالي
:)

غااالي

15-10-2003, 01:01 PM

عابر القارات

هههههههههههههه

والله جوال ظريف

وكتكوت ولزوز والله يبارك لك فيه

بس سؤال طرى على بالي اخوي عابر

لو بيكهام غير رقم فانيلته!!

راح تغير الجوال على طول يعني ؟ ;)

الله يبارك لك فيه ان شاء الله

أخوكم
غااالي
:)

Super Mars

16-10-2003, 12:12 PM

انا كان عندي الرهيب
بعدين بيبي نوكيا
ودحين برج العرب 6100

:D

غااالي

18-10-2003, 01:58 PM

اهلين جواد الليل

ماشاء الله انا كان يعجبني شكل برج العرب كدا انسيابي اكثر من الطاووس والفيصلية ..

الله يطرح لك فيه البركة ان شاء الله

أخوك
غااالي :)

ziza

19-10-2003, 02:01 PM

كتير ... أهم شي في الجوال الشبكة كيف والبطارية وإنه يتصل طبعا ههههههه

كلوووووو تمام ههههههههه

غااالي

21-10-2003, 01:11 PM

هههههه صح صح أختي زيزا

أهم شي الشبكة والبطارية

ودحين تقريبا صارت كل الجوالات متقاربة من هذي الناحية

:)

شوووكرا أختييييييي