اللقافه قرافه

[سوار الياسمين]

السلام عليكم ورحمه الله وبركاته
يا هلا والله وغلا بكل اخواني في حاره الرجه......
كيف الحال
ان شاء الله بس تكونوا طيبين
الله يسامحك بس يا قيفوت افندي ما حصلت للحاره الا هذ ا الاسم
رجيتنا الله يرج ابليسك
عموما والله انا بصراحه ابغى اخذ مفاهيمكم عن مصطلح دراج عندنا هو اللقافه وعلى القول المثل اللقافه قرافه
وعلى فكره كل واحد ممكن يفسر اللقافه بالمنظور الي هو يشوفه
يعني اللقافه عند هذا تختلف عن اللقافه عن ذاك يا ترى هل تايدوني في هذا الراي ولا اللقافه هي اللقافه
وايش يعني كلمه لقافه من وجهه نظر اهل حارتنا حاره الرجه ؟؟

[د.عبدالله]

اللقافه ماخوذه من اصل لقف
بمعني اخذ ماليس له
او اعترض الطريق واخذ مالغيره ..!
يعندما القف الشيء فاني اخذه على الطاير ....ز
يعني مدري كيف اشرحها لكم ..........

وطبعا بمرور الزمن تم تحويرها تصل الى كلمة لقافه

واللقافه مو زينه
يرادفها في العربيه امثل القائل
من تدخل في ما لا يعنيه .........لقي مالا يرضيه ..

[قيفوت]

سوااار الياسمييييين
موشوع قيم جدا ومرجوج :)
وعليكم السلام ورحمة الله وبركاته

الصراحة دكتور عبدالله ... عبر بشكل جميل .. ولكن احيانا اللقافة تكون جميلة ... يعني الانسان لابد اذا شاف اخوه في مصيبة يوقف معاه ويسأله ويستفسر عن محنته ... فقد يكون من تدخله (لقافته) افادة ... للغير :)

مجتمعنا الان صار متحفظ من هذه الناحية .. ومن شدة الخصوصيات صار الاخ ما يدري عن اخوه ولا الجار يعرف مين جاره !!

هذا وشكرا

;)