المنتدى يفقع المصارين!!! ونوافذ مكسورة......لازم تصلحوها ياجماعة

[خنفوشي الأنفوشي]

السلامو عليكم

شوفو انا بدخل في الهرجة بدون مقدمات عشان انتو عارفين ان المقدمات في المواضيع رايحة تخرجنا من لب الموضوع الاساسي اللي احنا جايين نناقشو في الموضوع دا بالزات وزي ما انتو عارفين وكلكم عارفين ان الاختلاف لا يفسد ود القضية المهم ما نبغى نخرج عن الموضوع الرئيسي وننسى المهم عشان كده انا ما احب اكتب مقدمات في مواضيعي لاني انسان دغري ما احب اللف والدوران اتكلم على طول في الصميم وادق الحديد وهوا حار وزي ما انتو عارفين الخروج عن الموضوع ينسي الواحد عشان كده رايح ابدا بدون مقدمات


هو انا ايش كنت ابغا اقول؟؟؟؟


اه صح عازمكم على صحن فول بالزعتر والسمن البلدي :eek:

لالالالا اتزكرت كنت ابغى انتقد:o

<<<انتا مجنون تنتقد خليك ساكت احسلك :mo:ناسي انك في بلد عربي:confused:

اووو اتزكرت انا كنت ابغا اقول انو المنتدى اليوم لمن دخلتو لقيت حالتو بالبلى وتجيب السخونة والزغللة في العيون عشان كده اعصابي ماتتحمل اكتر من كده استخفاف بعقول الاعضاء

شوفو وخلوكم صريحين ومنطقيين واحكمو

مواضيع الالعاب كترت بشكل ما تصدق صارت اغلب المواضيع العاب وكلها مكررة وقديمة وبعضها وصلت عشرات الصفحات يعني كانك داخل لعبة في الملاهي وتجمع المشاركات زي النقاط. ويلفت نظرك هداك العضو يتحدى التاني مين يجمع اكتر نقاط قصدي مشاركات.
حتى لو دخل موضوع وحط ابتسامة او كلت حرف او حرفين لا ازادت من قيمة الموضوع لا بالعكس حطت من قيمتو هو نفسو انا اقول انو عقلو فاضي.

وكمان مواضيع منقولة منقولة منقولة و مكررة مكررة مكررة لاحظو اني بكررها كم مرة يا عيال ويا بنات ايش دا يعني مو مكفية الايميلات كمان المنتدى؟؟؟ ليش اخترعو المنتديات؟ مو عشان تطلع مواهبك ولا تنقل مواهب غيرك؟ وياليت تكتب اسم صاحب الموضوع لو كترت خيرك رايح تمسح اسمو وتكتب منقول وبعضكم الله يستر.

وشوفو كمان داك العضو والتاني معاه الاخوان اللي قاعدين يتحدو مين ينزل مواضيع اكتر تدخل قسم تلاقي وحد منزل اكتر من 8 مواضيع في الصفحة وياليت لها قيمة كبيرة وفايدة للمنتدى وللاعضاء ولا على الاقل احد يقرا او يعلق عليه الا بس كم واحد يا يجاملو او يبغو يزودو مشاركاتهم كانها صارت تجميع نقاط.

امممممممم ايش كمانا...:con من كترتها صرنا ننسى.:ang:

المهم ليا رجعة لانو اصابعي تعبت والفاتورة على دماغي:p

ولا اقولكم اخر شي قبل ما افصل النت

قاهرني انو ماعندكم اسلوب حوار ومناقشة عقلانية الا كم واحد ينعدو على الاصابع كلكم تقولو ( شكرن على الموضوع الجميل دا) وخلافو

مع السلامو عليكم

[& VamPire &]

تسلم أخوي


والله هذا الواقع

لكن المنتديات أسلوب النقاش مو كدا

[خنفوشي الأنفوشي]

هادا اللي قدرت عليه؟؟؟؟؟؟؟

معليش تعبناك معانا

طيب لحظة

ممكن اعرف مثلن انتا سجلت في المنتدى ليش؟ طبعا اما اقصد انك سجلت اهداف في المنتدى

الصراحة ما قدرت توصلي ايش انتا تبغا تقول:
(لكن المنتديات أسلوب النقاش مو كدا)

مع السلامو عليكم

[عابر القارات]

انا اعشق المنتديات الا اذا كان هناك مووضوع قوي وفيه نقاش حار بين طرفين

[Free Mind]

طيب ... انا ابغا اقول كلمتين ... مافي غيرها .... تاني مرة لا تحط زعتر في الفول ... ماينفع كدا ... مايصير لزيز ...خخخخخخخخخخخخخخخ



لالالالا امزح .. انا كنت ابغا اقول ..

ان يا استاز خنفوشي لابد من وجود ناس تنقل ... احيانا النقل بيكون له فايدة ... يعني انا من النوع اللي اكره انقل شي بس اذا لقيت شي مفيد ليشما انقلو ؟؟

وتاني شي لو جميع سكان الوطن العربي بطلوا شغل النقل في المنتديات ... على الأقل ... نقدر ننتج مبدعين وكاتبين ... بس انتا عارف انو احنا حقين كلام والسلام ...

تالت شي ..
احيانا الواحد يبغا يجامل عضو عشان يكون العضو دا نشيط او يحتاج تشجيع بس مايكون في راسي االف رد طويل عريض اقوم اكتفي بالشكر ..

رابع شي .. احيانا الموضوع نفسو مايستاهل اني ارد عليه او بالاصح مايديك فرصة تناقش او ماتعرف ايش تناقشو لانو موضوع ضيق اقوم اكتفي بالشكر لاني احس مثلا ان العضو دا تعب في الموضوع فعلا .

اخر شي .. انا معاك في نقطة انو مافي نقاش جدي ...
كوووووول المنتديات كدا ... حتى المنتديات الكبيرة بدون ذكر اسماء ... روح شوف الغث الموجود




تشكرلار :)

[خنفوشي الأنفوشي]

( حذف من قبل الادارة )

[الإنفجاري]

كلامك واضح يا خنفشاري

ةكلنا عارفين موجه لمين

هما 2 بس في المنتدى اللى مسويين كل الهباله هذي

ما يحتاج اوريكم مين هما . . .


تحياتي

[& VamPire &]

الانفجاري صحيح هما اثنين

لكن ب 200 رجال

أقل شيء سووا الاثنين دولاء إلا إنتوا ما سويتوه

أقل شيء كسبوا احترام الكل والمنتدى يشهد بذلك

[م/ الفلااااوي]

السلام عليكم ورحمة الله وبركاته

احب ان اقول للاخوان بالاعلى

اين مواضيعكم الهادفة وانا ارد عليها

اخوتي الي بابه من زجاج ما يرمي الناس بالحجارة

صحيح ان المنتدى يعيش في فترة ركووود

لكن انتم السبب كل ما دخلتم موضوع خربتووه

يعني اليوم ادخل لموضوع لاحد الاخوان مثبت بحارة الرجه

يقول ان المواضيع مكررة

طيب انا معاك وما احب اعيد الكلام مرة اخرى

اذهبوا وشاهدوا ردودي عليهم

انا يوم دخلت للمنتدى وحتى الان لم اشاهد الا اربع اعضاء فقط

ست الكل - دنيا من الحب - فامبير - وردة شوق وبعض الاحيان قولد قيرل

يعني وينكم انتم

وين التشجيع الي المفروض انتم اول الناس ترحبوا بكل الاعضاء

هذا اذا اريدتم التميز

انا بصراحة ندمان اني اضعت وقتي الثمين بينكم

لكن احد الاعضاء المتوقفين بينكم

طلب مني التسجيل لمعرفته بامكانياتي

ولولاه ما سجلت

انا يكفيني اني استفدت من بعض الاخوان هنا

واتمنى من الكل يوضح السبب الي خلاهم يقولو هالكلام

يعني يا اخ الانفجاري انت شايف ان كلامك صح

يوم تتهم العضوين هذولا بانهم سبب في هذه الهبالة كلها

ما راح اقول لك شي

الا شكرا ...

وبعدين انا ودي اطلب من المشرفين والادارة

توضيح الان وهو ما ذا يعني قسم حارة الرجة

كل واحد يدخل ويعزي

ولا يرج المواضيع رج

حتى لو بابتسامه

وعمرها عدد المشاركات كانت ذات قيمة كبيرة

بقدر ما يهمني تكوين علاقات اخوية مع الكل

واعتقد انه لازم نفهم بعض قبل ان تتم هذه العلاقة واعتقد اني لو عرضت الان على الاخ فامبير قبوله لاضافتي بالماسنجر لديه اكيد ليس
لديه مانع لكن ان طلبت منه هالشي يوم سجلت بالمنتدى اكيد بيتردد

والسبب معروووف

اريد من الادارة الان توضيح الاسباب التي جعلت الانفجاري يركز على العضوين

ويقصد بهما الاخ & VamPire & وانا م/ الفلاااوي

(( وهذا هو كلام الانفجاري ... ))
كلامك واضح يا خنفشاري
ةكلنا عارفين موجه لمين
هما 2 بس في المنتدى اللى مسويين كل الهباله هذي
ما يحتاج اوريكم مين هما . . .
تحياتي

تحياتي لكم ...

[& VamPire &]

م / الفلاوي

أريد أن أوضح لك بأن الانفجاري ومرعووووش وعفريت لزيز وخنفوشي الأنفوشي

إلى الآن لم يقدموا شيء منذ دخولي بالمنتدى شيء يستفيد منه الأعضاء حتى لو شيء بسيط

لكن قدموا كل منهم موضوعاً يستحي الأخ والأخت مشاهدته وهذا الموضوع تشاهده في حارة الرجة واحتمال يكون مثبت


ا2 المذكورين في الأعلى كسبوا احترام الجميع ولم يفعلوا شيء يسء لأحد منهم

يا أيها المشرفين : أين أنتم من ترحيب vampire وترحيب م / الفلاوي

انا اعتقد لو أن قيفوت هنا لم تكتبوا هذه الأشياء لعلمكم بأن قيفوت يقضي إجازته بعد عناء عام كامل من الجهد والإعياء منكم أنتم المشرفين وبالدليل إنه حذفكم ولم يُعلم أحد بوجودكم

ماهي وظيفة المشرف ؟

السب والشتم والتهزيء
ليس كذلك

أنا أشاهد بعض المواضيع مكررة في نفس الصفحة ولم يتم حذف واحدة منها


ولكن أنتم تشاهدون موضوع مكرر سبق ذكره قبل 8 أشهر أو 10 اشهر

وهو لفامبير وم /الفلاوي على طول تحذفوه

يجب أن تحاسبوا أنفسكم قبل أن تحاسبوا


الخنفوشي : توقيعه هل ملائم لوجوده في هذه النافذة المحترمة ؟؟؟

أريد الإجابة منه بالذات

تحياتي
أخوكم الصغير
vampire

[خنفوشي الأنفوشي]

( حذف من قبل الإدارة )

[& VamPire &]

مع احترامي لك


لا تلعب بالألوان يا بابا


الإدارة عندها إجازة اليومين هذه

[خنفوشي الأنفوشي]

روح كل طعمية من عند طعمية حمزة

[& VamPire &]

وش رأيك بركن جحا ؟

[خنفوشي الأنفوشي]

الخليج يمدحووه

[& VamPire &]

:)

[خنفوشي الأنفوشي]

خرجنا من الموضوع الأساسي

انا ابي اقول في الاخير انو الكلام معاكم مالو فايدة

مع السلامو عليكم

[وردة شوق]

ليش معترض على المواضيع المنقوله

[خنفوشي الأنفوشي]

اعتراضي يا وردة الشوك انو كترة الملح في الاكل مو طيب لانو بيرفع الضغط وكمان السكر اخص واخص ولانو يجيب المرض دا تشبيه خفيف على المعدة عشان نفهم الكلام زي ما نفهم الاكل.
لمن تروحي محل فساتين سهرة تلاقي الفساتين كلها شبه بعض وبعدها تخرجي منو وتروحي محل جنبو تلاقي نفس الفساتين حقت اول بس والمحل التالت نفس اللي قبلهم ايش رايح يصير فيكي؟
وكمان لمن كل يوم يا اهل جدة تاكلو الدجاج حقكم اللي اسمو بيك اكيد رايحين تطفشو منو بعد كم يوم لانو كترتو تصد النفس.
اجل ايش نسوي لمن كل يوم في المنتدى نفس المواضيع ومكررة وقريناها كم مرة الين تشبعنا منها سواءن من الايميل او من منتديات تانية او في نفس المنتدى ياااااااااااااااااه طفشت

مع السلامو عليكم

[خنفوشي الأنفوشي]

ايوا كنت بدي اقول روحو اغلب المنتديات الكبيرة وظني انو كمان منتدانا كيبر ولا يقل عن الباقيين

تلاقو شروط وتعليمات انو المواضيع المنقولة والمستهلكة والقديمة الخ الخ الخ رايحة تكون مصيرها الحدف.

غير انو تلاقي انو العضو ما يقدر ينزل في اليوم اكتر من موضوع او اتنين او تلاتة بالكتير في القسم الواحد

اما عندنا صاير سوق حراج نزل واعرض بضاعتك ما احد عندك

مع السلامو عليكم

لالالا دقيقة نسيت ارجع لك يا بافي محارب الفمباير
مايهمني رايك في توغيعي تشتي تفهم كلامي او لا؟
ومو انتا تقرر ان كان ينفع او لا في ادارة تقرر دا الكلام

انا مثلن ما سألت الادارة هنا ليش حذفت ردي أول.
لكن اكيد في امكان اكتر ملائمة اني اسئلهم فيه سواء في الشكاوي او في الخاص.
عندك اعتراض روح للمكان الصح ار يو اندر استاند؟

[م/ الفلااااوي]

لا تعليق

وانا اطلب من جميع الاعضاء وخصوصا فامبير ووردة شوق عدم التدخل في هذا الكلام

فهنالك ادارة ادرى بكل صغيرة كبيرة

[& VamPire &]

م/ الفلااااوي

أخي لن أتدخل بعد هذا الحديث لإني عرفت اللعبة حقتهم وكشفت الحقيقة


تحياتي لك

[خنفوشي الأنفوشي]

الحق ماتلحق الواد كونان هنا :(عرفت اللعبة حقتهم وكشفت الحقيقة)

احلاااااااااااااااااااااا يا كونان ما كنت ادري انك خطير لدي الدرجة

وايت لعبة مشاءالله عليك عرفتها؟ مونبولي ولا اونو؟

روح العب كورة مع حيدر ارجلك ههههههههههههههه

[خنفوشي الأنفوشي]

لا تعليق!!! بك لا تليق

ليش ما تدافع عن نفسك؟ يا مستر جيمز ...

الإدارة على قول القايل اخدة اجازة يعني حط العاب في كل الاقسام ماحد عندك

مع السلامو عليكم

[عفريت لزيز]

انا مع اللي ما ادري ايش اسمه الطويل هذا

انو المنتدى صار مافيه ولا شي عدل

بعدين انا مع الانفجاري حبيب عمري احسه فاهمني بقوه

قالك الاثنين ههههههههههههههههههههههههههههههه

والمواضيع المكرره والمنقوله مالها اي داعي

يعني انا اقول

كل اسبوع كم عضو جديد يسجل نقول 10 نقول 15

معقول نفتح لهم موضوع جديد ولعبه مكرره

يا حبكم للزحمه

بعدين حتى اللي يبغى ينزل العاب

خليها وحده ولا اثنين في الاسبوع

مو تنسخ أأأه اقصد تكتب خمس ما ادري 10 العاب في المنتدى في وقت واحد

يعني نزل لعبه عشان الناس تتشوق للثانيه


وبعدين ممكن ما تلقى تشجيع لأن اللعبه مكرره وثلاثة ارباع الاعضاء لعبوها

فا عشان كذا ما تلقوا تشجيع .

بعدين يا اخي كله بحسابه

والمنتدى عليه مساحه وديون يعني كل كلمه محسوبه هههههههههههه

<<<<<<<<<<< سوى المنتدى حق جدته .


على العموم الله يكملكم بعقلكم يا اولادي

<<<<<<<<<<< ما يسلموووووووون

[خنفوشي الأنفوشي]

كبريت عزيز
انتا كلامك ورايك صح وانا معاك

يا عيال المنتدى دا حيكون في يوم من الايام حقنا كلنا احنا بيدنا نطلعو فوق مع صفوة المنتديات واحنا كمان بيدنا ننزله للقاع مع اعفن المنتديات اخاف انو استمرار الاسلوب دا رايح يرمي المنتدى لورا
خلونا نتطور ونتقدم ونكون مميزين ونخلي الاخرين هما اللي ينقلو مواضيع نافذة العرب للمنتديات التانية
فهموتني

مع السلامو عليكم

[هنا&هناك]

شيء من الخصام كان بسبب الألعاب ؟!

:)

[naftha]

السلام عليكم ورحمة الله وبركاته

أعزائنا أعضاء نافذة العرب

تحية طيبة وبعد ...
بداية وحتى نخرج جميعا بشيء من هذه المشاركة يجب علينا أن نتحدث ونتحاور بمنطقية وبعيدا عن التشادق بألفاظ تجعل الأقلام تشطح لأبعد من الأهداف التي وجدت من أجلها.. نحن نتفق معكم في جل ما ذكرتم ولكننا نختلف معكم في الأسلوب الجارح الذي أصبح شعارا شائعا للنقد والتوجيه والنصيحة وكما ذكرتم في بداية المشاركة أن الاختلاف في الرأي لا يفسد للود قضية لذا نتمنى أن يبقى هذا الشعار هو الأهم دائما :) .. لقد ذكرتم كلمة "الادارة" في كل رد كتبتموه على هذا الموضوع وقد غاب عن أذهانكم أنكم أنتم جميعكم الإدارة :) .. فأنتم من يحرك نافذة العرب وأنتم مركزها .. فما هو منتدى نافذة العرب من غير جميع أعضائه سواءاً المتواجدين منهم وحتى والغائبين ؟ كما غاب عن أذهانكم أيضا أن هناك شروطا للتسجيل قد قرأتموها قبل البدء بأولى مشاركاتكم ومن حق العضو أن يكتب ما يشاء ما دام لا يخالف تلك الشروط ولكننا متأكدون أن من حرصكم على أخوانكم في نافذة العرب فقد وضحتم أن إرسال مجموعة كبيرة من المشاركات دفعة واحدة قد يجعلها غير مرغوبة لأنها بذلك ستحجب الرؤية عن مشاركات أخرى لأعضاء آخرين كانت تستحق أن تبقى في الصفحة الأولى لبعض الوقت .

نرجوا من الجميع أن نلق بالحزازيات خلف ظهورنا ونتعامل مع بعضنا البعض تعامل الأخوة يجمعهم سقف واحد بإذن الله ..

مع تحياتنا
:)

[خنفوشي الأنفوشي]

ياهييييي ايوا هوا دا الكلام ريحتو بالي الله ياخدكم للجنة فينيك من زمان؟؟

اكيد كل عضو رايح يراجع نفسو ويحسن من نفسو مو بس عشان نفسو

مع السلامو عليكم بنفسو