ضيف الأسبوع >>> عربي انــــــا

[دبدوبة التخينة]

طبعا عرفتوا مين هو ضيف الاسبوع ...

وهو اخ غالي وعزيز علينا كلنا ...

ويلا ما احب اطول عليكم اسيبكم معاه .. تهروه اسئلة ..

اتفضل عربي انــــــــا


:1party:

[دبدوبة التخينة]

واطلب من مشرفين القسم الغاء تثبيت موضوع ضيفة الاسبوع احلى بنوتة دبدوبة التخينة ... عشان لا اخد الجو من عربي انا :) :)

[ziza]

جبتيها تهرووووووه اسئلةhttp://smilies.sofrayt.com/1/r/biggrinclarifils.gifهههههههههههههه



كل واحد يشوف شغله هههههههههههه


والله ياعربي انا اقول شكلي باروح اسوي مجلد وارسله للنافذة>>>>>>>>>>مانسيت اللي صارلها ههههه

الله يعينك

[رانو]

مييين ؟
عربي ؟؟
عربي ضيف الأسبوع ؟؟
يا سلااااااام أنا بأنتظر الفرصة الذهبية دي من زماااااان خخخخخ
<< لا تصدق هههه

امممممممم
عندي كووووووووووم أسئلة << برضو لا تصدق هههه

مممممم لا لا .. هما سؤالين لا ثالث لهما :) .. "حالياً :)"

س1) من خلال اطلاعك على الكتب و الروايات .. ما هو أكثر مؤلف نال إعجابك ؟؟ و من مؤلفه ؟ و ما هو موضوعه ؟

س2) رأيك بكلللللللللللللل صراحة (والله ما بزعلش:) ) في "رانو" ..
أبغى سلبياااااااااااااااااااااات و إيجابيات .. بكل أمانة و صدق .. متجرداً من كل مجاملة و "نفاق" ههههه .. يعني تخيل كدا أنا مو موجودة و تبغى تحش فيا.. ايش تقووووووول ؟؟ ههههههه

و في انتظار الرد ..

سلام

[دلوعـــــه]

وااو مش معقوول...

والله انا محضضرة اسئلةةة...

بس عربي انا متأكدين ماكان ضيف..!

[الإنفجاري]

السؤال الاول :-

ليش ما نشوفك بره المنتدى زي الشباب الثانيين ؟

السؤال الثاني :-

كم عمرك لا تكون صغير خخخخخخخ ؟

السؤال الثالث :-

من جده انت ولا من الطائف ولا من مكه ؟

السؤال الثالث :-

ليش كنت غايب قبل فترة ؟

====================

الباقي جي لسه . . .

====================

[دلوعـــــه]

يلا انا حضرت كم سؤال كذا..وحلو طبعا..وماله مثيل..!

1=اسمك؟؟..اذا ماتقول بالكامل قول الأول.؟؟؟ولا بالباكوره هههه

2=عمرك؟؟؟؟ومن مواليد كم؟؟؟

3=أمنية حياتك؟؟؟؟

4=انا حاسه انك تحب...(l)..صحيح؟؟؟؟

5=طيب اذا كنت تحب ناوي تتزوجها ولا لا؟؟

6=مفهومك للحب؟؟؟

7=أقرب الناس إليك؟؟يعني لما تكون متضايق تشكي لمين؟؟؟

8=اسعد ايامك؟؟واتعس ايامك؟؟؟

9=المدموزيل السنيوره (دلوعة)..رأيك فيها وبكل صراحـه..;)

10=كيف بس الاسئلة مالها مثيل..؟ هههههااي

[مرعوووش]

حبيييييبي والله عرووووبي ..

انا جيك وجايبلك اكوام اكوام اسالة بس صبرك عليا شوية هههه

قوووة

[خادم مكه]

عربي انا كيفك الله يعنك من المحطم يلسعك كم سؤال
لو كان لديك 85000الف ر يال ماذا تفعل بيها ؟
ولو كنت في مجلس من مجالس الا حباب وجاء واحد ونزل في اهل مكه سب وشتم ( ايش تعمل معاه او ترد عليه كيف ) ؟
( متاسف سؤال شخصي شويا)
لو حبيت انسانه عن طريق النت او الموبابيل وغير كددددااااااااا
ايش موقفك منها هل مجرد صداقه عاديه ام علاقه حب وفي النهايه زوووااااج ما تسليه فقط والجواب لك ؟
ولو كنت في الشارع ماشي وشفت سخص وجهه يدل علي الخير
وجاء وسلم عليك واهادك هديه وهي سبحه ايش موقفك هل تردها او تشكر منه ولاكيف تعمل معاه ؟
وفي الا خير اتاسف علي الا طاله عليك

[رانو]

فينه عربي ؟
لا يكون مو داري؟؟؟

[ziza]

يعني شو نلم اوراقنا خخخخخخخخخخخخ

والله انا لسا مارقت ولا حطيت اسئلة

[عربي]

ههههههههههههههههههه اوف يا شباب ايش بكم تتوعدو لا اكون قاتل لكم قتيل وما ادري هههههه على العموم يسلمو دبدوبة وراح اجاوب على الكل ..

تحياتي للجميع مسبقاً
عربي

[LoOoLyTa]

الله يعينك على الاسئلة اربط راسك من دحين هههههههه
اسئلتي سهلة وبسيطة حتى ماتاخد وقت في الاجابة خخخخخخخ
1-ايش الاكلة المفضلة ؟؟
2- وايش الاشرطة المفضلة اللي تحب تسمعها؟؟؟
3-ايش الافلام اللي عجبتك مرة؟؟
وبسسسس واذا في الاسئلة تانية حقولها لا تخاف هههههههه
تحياتي...

[عربي]

زيزا .. هههههههههههههههههه دحنا اخوات يا بت

خفي عليا بئى هههههههههه

انا في انتظار اسألتك
تحياتي لك
عربي

[عربي]

اهلين اختي رانو ..

اشكرك على التخفيف ههههه بس مو احسن تحلقي على الزيرو خخخ

المهم

بجاوب على اسئلتك الجميلة ..
من خلال اطلاعك على الكتب و الروايات .. ما هو أكثر مؤلف نال إعجابك و من مؤلفه و ما هو موضوعه

صراحة انا اعشق الكتب التي تهتم بتحفيز و تطوير الذات وبعض الأعمدة في الصحف المحلية و العربية و المترجمة إلى العربية ولكن افضل مؤلف او افضل كتاب
هوا تحت عنوان (( لا تهتم بصغائر الأمور فكل الأمور صغائر )) والكاتب صراحة لا يحضرني اسمة فالكتاب مترجم ..

2)رأيك بكلللللللللللللل صراحة (والله ما بزعلش ) في "رانو"

صراحة يعني هههههههههههههههههههه انا صريح طول عمري راح اقول ايجابياتك وسلبياتك برسلها لك راسلة خاصة ..

رأي في رانو انك عضوة فعالة و نشيطة وتفكيرك جداً راقي .. حيث هوا مزيج بين التفكير المراهق والتفكير الواعي .. ويميل للواعي
و ماشاء الله انتي فاضل نموذج لفتيات جيلك .. حيث الفكر الراقي و التعامل بذوق و الحديث بكل ود واحترام ..

تحياتي لك
عربي

[عربي]

مراحب استاذي الإنفجاري ..

السؤال الاول :-

ليش ما نشوفك بره المنتدى زي الشباب الثانيين
(( صراحة والله اتمنى ولكن مشاغل بس إن شاء الله لنا لقاء قريب انت والشباب الطيبين ))



السؤال الثاني :-

كم عمرك لا تكون صغير خخخخخخخ
(( ههههههههههه الله يكبرنا في طاعتة انا عمري 18 )) مو صغير ؟؟

السؤال الثالث :-

من جده انت ولا من الطائف ولا من مكه
(( من مكة غير ههههههههههه وجدة بلد الخير ))

السؤال الثالث :-

ليش كنت غايب قبل فترة
(( ظروف عائلية و مشاغل ))

اشكرك عزيزي على الأسئلة اللطيفة ..

تحياتي لك
عربي

[عربي]

هالو مسز دلوعة ..


1=اسمك..اذا ماتقول بالكامل قول الأول.ولا بالباكوره هههه
(( اسمي عربي بن انا من قبيلة العرب ) )

2=عمركومن مواليد كم
(( 1885

3=أمنية حياتك(( كثييييييييييييييييييييييييييييييرة ولكن اول السلم اني التحق ببعثة شكرة ارامكو .. وبعد كدة تبدأ احلامي الحقيقية )

4=انا حاسه انك تحب.....صحيح(( مممممممممم نعم ايوة ))

5=طيب اذا كنت تحب ناوي تتزوجها ولا لا ( الله يقدرني و يسعدني معاها ان شاء الله ))

6=مفهومك للحب
( احساس يمزج بين عدة مشاعر منها الشوق و الغيرة و الشغف و التعلق ))
7
=أقرب الناس إليكيعني لما تكون متضايق تشكي لمين(( صديقي وليد ))

8=اسعد ايامكواتعس ايامك
(( اسعدها لحظات رضاء الناس واهلي عني و اتعسها عند انهمال الصدمات والمصائب علي و انا اقف مكتوف الأيدي والمثال على الثاني لحظة وفاه صديق لي و ووفاء ام صديق لي اعتبرها امي ))


9=المدموزيل السنيوره (دلوعة)..رأيك فيها وبكل صراحـه..(( بنت لزوزة وحبوبة بس ههههههههههههههههههههه تاخد وجهه بسرعة من غير ما تزعلي بس ))



10=كيف بس الاسئلة مالها مثيل.. هههههااي
فللي


يسلمو دلوعة
عربي

[عربي]

اهلين حبيب البي المحطم ههههههههههههههههه يسلمو على الأسئلة اللزيزة


لو كان لديك 85000الف ر يال ماذا تفعل بيها
اشتري شبح مستعمل او بي ام مستعمل او لكزس مستعمل ولو في جكوار بالقيمة دي ونظيف اشتري ..


ولو كنت في مجلس من مجالس الا حباب وجاء واحد ونزل في اهل مكه سب وشتم ( ايش تعمل معاه او ترد عليه كيف )
ادعي لو بالهدايا واذكرو بان الأرض بها بيت الله


( متاسف سؤال شخصي شويا)
لو حبيت انسانه عن طريق النت او الموبابيل وغير كددددااااااااا
ايش موقفك منها هل مجرد صداقه عاديه ام علاقه حب وفي النهايه زوووااااج ما تسليه فقط والجواب لك
والله يا سيدي يلي يحب راح ما يعترف بالنت ولا التلفون ولا شي راح يتعرف على اهلها اكيد و النت و التلفون مجرد وسائل انا موقفي اعتبرو غباء .. لو ماشفتها واحبها قمه الغباء طبعأً ولو قلت لها احبك من غير ما يشوفها هههههههههههههههههه والحب ما يكون مربوط بالشكل بل بالأخلاق وكلو .. اما موقفي يعني ممممممم زي ما قلت لك فرند بس


ولو كنت في الشارع ماشي وشفت سخص وجهه يدل علي الخير
وجاء وسلم عليك واهادك هديه وهي سبحه ايش موقفك هل تردها او تشكر منه ولاكيف تعمل معاه

اقبل الهدية و اشكرك و اخد عنوانة و تلفونة و اردها له كمان ..

واشكرك والله على اللطافة يا سيدي ..
تحياتي لك
عربي

[عربي]

-ايش الاكلة المفضلة
(( اي شي من يد مامي غير البامية هههههههههههههههه ))

2- وايش الاشرطة المفضلة اللي تحب تسمعها
(( مافي شي محدد والله ايش شي جميل اسمعو ))

3-ايش الافلام اللي عجبتك مرة
(( سويت نوفمبر , فرنش كيس , وبعض الأفلام المرعبة لا تحضرني اسمائها ولكن اجددها فلانتين ))

تحياتي لك
عربي

[دلوعـــــه]

مافي انا زعلت...:(



قول ايش اسمك؟؟ خخخخخخخخخخ!!!



طيب ميرسي عالأجوبه..ولكن مافهمت ايش معنى تاخذ وجهه
بسرعة؟؟؟

[عربي]

دلوعة .. اسمي عبدالستار الدويري .. بس لا تزعلي علينا ولو انتي دلوعة المنتدى ههههههههههههههههههه

اما كيف تاخدي وحجهه بسرعة .. يعني على طول ترتاحي للشخص و تنسجمي معاه .. ان شاء الله تكون الفكرة وضحت

تحياتي لك
عربي

[ziza]

السللللللللااااااااام عليكم والله انا صراحة ماف راسي ااسال لكن ههههههههههه يعني هيا كلها سؤالين بسسسس ماراح اطول عليك:D عارف الزحمة عند الباب اخدت رقم وجيت اليوم

اول شي

اسمك>؟؟؟؟؟؟؟قد سبق وسالوك خخخخخ

بطاقة الشخصية عرف بنفسك:cam:>>>>>>>>تصوير خخخخ

اول كتاب قراته كان لمين؟
اخر كتاب ايش عنوانه ولمييييين؟
اول شريط سمعته:) ايا كان؟؟
اخر شريط سمعته؟؟؟؟؟
اول سواق جابو ابوك ايش اسمه؟
اخر سواق ايش اسمه؟؟وايش جنسيته؟


امنية تحققت؟
امنية لم تتحقق؟


اخر فكرة جنونية فكرت فيها؟؟؟؟؟؟؟



كم حافظ جزء من القران؟؟؟


ايش لون باب بيتكم؟؟



اتخيل؟؟؟؟؟


اتخيل لو رجعناك 10 سنين ورا ايش تسوي؟؟؟؟؟
اتخيل اعطيناك الامر وقلنالك اصدر 3 اوامر واشطب 3 برضو؟؟؟
اتخيل وانت نيام بعد يوم حافل تصحى على صراخ اختك الصغيرة تنط كمان على السرير هههه تبغاك تكلم تليفون؟؟؟؟
اتخيييييل انو لك محل شو تفتحه؟؟



:let:>>>>>>>وصلتك من مين تتوقع؟؟؟؟؟

لو كنت جيعان شو تفضل تاكل؟؟؟؟؟>>>>>>افضل اكلة بشكل غير مباشر خخخخخخخخخخخخخ


:gift:>>>>>جاتك من مين تتوقع؟؟؟


عضو مميز في المنتدى برايك لازم بايش يتصف؟؟؟؟
نافذة تحتاج للمزيد من الاعضاء؟؟؟؟؟
نافذة تحتاج لمواضيع متجددة؟؟؟؟؟
>>>>>>>>من المنتدى طبعا

من متى بدات مشوراك في النت:D؟؟؟؟؟؟


قصة قراتها وعجبتك شووووووو؟؟؟؟؟؟


تلعب :soc:؟؟؟؟؟في اي مركز حارس مرمى ولا شو خخخخخ؟؟

سيارة مررررررررررررررررة ماتعجبك؟؟؟؟
تفضل لون شو في السيارات؟؟؟؟؟؟


لو قالولك ترمي في البحر 3 اشخاص ياترى مين ؟؟بشرط مااكون منهم ههههه مااسبح الا في مسبح ترى اغرق يمكن هههههههه


صفه في كلمتين
صدام؟
بوش؟
شارون؟
ميكي ماوس خخخخخخخ
كونان؟؟؟
عروض جدة غير:D
الكورنيش
ستار بكس
الصناعية





اخيرا مرررررررة ماطولت بس لانو الوقت مايسمح ويمكن تشوني مرة اخرى جاية بلستة اخرى هههههههههههه


اخر سؤال

ابغى راي صريح جدا في شخصية زيزا سلبيات قبل الايجابيات :D



وسلامتك


سلااااااااااااااام


ملطوووووووش
لالالالالالالا امزح

ههههههههههه
تحياتي

[دلوعـــــه]

أهاا فهمت عليك..

طيب..!

[مرعوووش]

هلاااااوي اخ عربي ...


محا اطول عليك .. كلها كم سؤال ..


- اخر هدية تلقاها عربي ؟؟
- اول هدية ؟
- احلى هدية ؟ ومن مين ؟
- تلبس تياب مصرية ؟ ومتى وليش ؟
- طولك ووزنك .. وتكلي على حكاية الوزن شويا لو سمحت ههههه ؟؟
- قيد اضاربت ولا لا ؟؟ اذا ايوا عمرك اتمردغت في الارض واكلت فرش الين قلت ياكافي ؟؟:p:p
- المطعم المفضل ؟
- عطرك المفضل ؟
- انتا عصبي ولا هادي ولا ؟؟
كيف صاحبك لوزان ؟
متى اخر مرررة حلقت ؟؟
- فين تحلق ؟؟
ما رأيك بالقهاوي وهل هيا مشروع ناجح ؟؟
لو عندك مشروع ف ايش تفكر تسوي ؟؟
- قيد سافرت برا المملكة وفين ؟؟
لو حبسوك ف غرفة .. اذكر تلاته اشياء تاخذها غير المصحف الشريف ؟؟
لو كنت قائد المنتدى اتخذ تلاته قرارات حاسمة ؟؟
- متى حنشوفك وليش تتغلى دايما ؟؟

مارياك بمرعوووووش بصفة عااااامه من كل ناحية في المنتدى وبرا المنتدى ويريت السلبيات اكتر ؟؟

تصبح على خيرقوووووة

[عربي]

اسمك>قد سبق وسالوك خخخخخ
(( سبق الإجابة علية ))
--

بطاقة الشخصية عرف بنفسك
(( اسمي ورد ذكرة .. من مواليد 1885 من برج السرطان مواطن سعودي اعمل طالب مدرسي ))
--

اول كتاب قراته كان لمين
(( القرأن الكريم ))

--

اخر كتاب ايش عنوانه ولمييييين
(( رواية لأجاتا كريستي تحت عنوان بيت المرايا ))

--

اول شريط سمعته ايا كان
(( اناشيد اسلامية لا يحضرني اسمة صراحة ))

--

اخر شريط سمعته
(( عبدالله الرويشد الجديد طمني )) ههههههه تناقض كبيييييير

--
اول سواق جابو ابوك ايش اسمه
(( انور ))

--
اخر سواق ايش اسمهوايش جنسيته
(( سالم من اندنوسيا ))

--


امنية تحققت
(( لم اتمنى شيئ يستاهل الذكر صراحة ))
--

امنية لم تتحقق
(( ان شاء الله تتحقق وهيا كثيرة ولكن التحاقي بأرامكو .. و زواجي ههههههههههههههههههه ))
------

اخر فكرة جنونية فكرت فيها
(( سفري للرياض ورجوعي في نفس اليوم مع احد الأصدقاء لشراء عود هههههههههههههه ))
----------------

كم حافظ جزء من القران
(( هههههه بلاش احراج .. ولكن ان شاء الله 3 اجزاء ومو مثبتة بس ادعي لي ))
----------



ايش لون باب بيتكم
(( الشارع ابيض .. و الداخلي ابيض كذلك ..
------



اتخيل


اتخيل لو رجعناك 10 سنين ورا ايش تسوي
(( احفظ القرأ))
--
اتخيل اعطيناك الامر وقلنالك اصدر 3 اوامر واشطب 3 برضو
اصدر ثلاث اوامر هيا (( انشاء شكرة اتصالات منافسة جديدة ، انشاء وزارة شؤون المرأة ’ إنشاء مجلس الشعب او مجلس الأمة ))
و الغي ثلاث قررات هيا (( المناهج الحالية ، عبارة للعوائل فقط ، استقدام الأجانب إلا في مجالات ليست موجودة ))
---



اتخيل وانت نيام بعد يوم حافل تصحى على صراخ اختك الصغيرة تنط كمان على السرير هههه تبغاك تكلم تليفون
(( عادي اسوي عبط وارخي السماعة ))
--
اتخيييييل انو لك محل شو تفتحه
(( صالون حلاقة او مطعم فرنسي او ايطالي او هندي هههههههه او وكالة ملابس ))
--------




>>>>>>>وصلتك من مين تتوقع(( شخص ما ابى اذكرو هنا ))
--

لو كنت جيعان شو تفضل تاكل>>>>>>افضل اكلة بشكل غير مباشر خخخخخخخخخخخخخ (( اكل هندي ))

--

>>>>>جاتك من مين تتوقع (( من نفس الشخص يلي ارسل لي الرسالة ))
--


عضو مميز في المنتدى برايك لازم بايش يتصف
(( حرية وجرائة و منطقية حروفة ))
--

نافذة تحتاج للمزيد من الاعضاء
(( الرياضة و القصة القصيرة ))
--

نافذة تحتاج لمواضيع متجددة
>>>>>>>>من المنتدى طبعا
(( حارة الرجة .. و ساحة الحوار العام ))


من متى بدات مشوراك في النت
(( وانا اولى متوسط ))


قصة قراتها وعجبتك شووووووو
(( بعثة الرسول صلى الله علية وسلم ))



تلعب في اي مركز حارس مرمى ولا شو خخخخخ
(( كنت لاعب وسط ايام الرشاقة وفي ايام شبابي ههههههههه ))
--

سيارة مررررررررررررررررة ماتعجبك
تفضل لون شو في السيارات
(( يلي تعجبني البي ام و الجغوار و البنتلي و الميباخ و الفيراري وكلهم افضل اللون الأسود ))


لو قالولك ترمي في البحر 3 اشخاص ياترى مين بشرط مااكون منهم ههههه مااسبح الا في مسبح ترى اغرق يمكن هههههههه
(( شخص اعرفة و عدو لدود لي .. كل من يتحدث و يظهر ودة لي و يتحدث علي من خلفي و كل حاقد على الإسلام ))
---


صفه في كلمتين
صدام(( نفخة كذابة ))
بوش(( اكبر غبي ))
شارون(( حيوان مفترس ))
ميكي ماوس خخخخخخخ(( رفيق الصبا ))
كونان(( افضل محقق ))
عروض جدة غير(( خدمية × خدمنة ))
الكورنيش(( يجي منو نوعاً ما))
ستار بكس(( شكلو غلط ))
الصناعية(( الطبيعة الحقيقية ))





اخيرا مرررررررة ماطولت بس لانو الوقت مايسمح ويمكن تشوني مرة اخرى جاية بلستة اخرى هههههههههههه


اخر سؤال

ابغى راي صريح جدا في شخصية زيزا سلبيات قبل الايجابيات
ممممممممممممممم صراحة شهادي فيكي مجروحة ولكن من اهم سلبياتك و الوحيدة هيا انك تسعي لراحة الأخرين على حساب راحتك ))

ويسلمو على الأسئلة المشيبة هههههههه

تحياتي لك
عربي

[عربي]

اخر هدية تلقاها عربي (( عقد ايجار سيارة .. وساعة ))
--
- اول هدية (( سيارة ريموت كنترول ))
--
- احلى هدية ومن مين (( رسائل ههههههههههههه من شخص عزيز))
--
- تلبس تياب مصرية ومتى وليش
(( البس ايوة ولكن نادراً في جدة عند بيت ستي هههههه لأنو كلها هناك .. وليش .. عشان استر عورتي ههههههههه ))
--

- طولك ووزنك .. وتكلي على حكاية الوزن شويا لو سمحت ههههه
(( طولي 175 و وزني هههههههههههه برويك هوا لمن اشوفك ))
--

- قيد اضاربت ولا لا اذا ايوا عمرك اتمردغت في الارض واكلت فرش الين قلت ياكافي
(( صراحة لا بس هيا مرة واول مرة واخر مرة .. مع استاذ في المدرسةههههههه لكن مو باليد بالكلام ))
--

- المطعم المفضل (( كثيرة ولكن شيزان الهندي يجي منو و كودو و فدركرز ))

- عطرك المفضل (( صراحة كثيرة ولكن يلي يريح اعصابي واحس بإنتعاش معاه عطر الليمون على طول ولكن في المناسبات مافي شي معين ))
--
- انتا عصبي ولا هادي ولا
(( بارد مرة ههههههههههههههههههههه ))

كيف صاحبك لوزان (( عايش في الدنيا و بيسافر مصر قريب ))
--
متى اخر مرررة حلقت (( قبل الإختبارت بأسبوعين هههههههههههه و ناوي اسوي خنفس زي عمرو دياب ))

- فين تحلق (( في مكة عند صالون اماسي وفي جدة عند مركز العناية بالرجل او الخليج ))

ما رأيك بالقهاوي وهل هيا مشروع ناجح
(( ملتقى الشباب و مشروع ناجح بس اعتقد انو حرام ولا كلامي غلط ؟ ))

لو عندك مشروع ف ايش تفكر تسوي (( وكالة شركة عالمية + مركز ترفيهي شبابي متكامل و الأول من نوعة في المنطقة ))

- قيد سافرت برا المملكة وفين (( لبنان و سرويا و دبي ))

لو حبسوك ف غرفة .. اذكر تلاته اشياء تاخذها غير المصحف الشريف
(( السجادة .. الاب توب .. الجوال ))

لو كنت قائد المنتدى اتخذ تلاته قرارات حاسمة
(( انشاء المجلس الأعلى للمنتدى , اقامة انتخابات للشرفين النوافذ ومن ثم انتخابا لرئيس العام ، فتح شات ))

- متى حنشوفك وليش تتغلى دايما
(( والله ما تغلى بس ههههههههههه ظروف وان شاء الله قرييييييييب اللقاء ))

مارياك بمرعوووووش بصفة عااااامه من كل ناحية في المنتدى وبرا المنتدى ويريت السلبيات

(( صراحة وبكل صراحة اعز صديق في المنتدى لم اقابلة و الكل يرتاح لتواجدك و يتمنى تواجدك بإستمرار .. وعيوبك انك ههههههههههههه تطنش في بعض الأحيان .. ))

ويسلمو مرعوش على الأسئلة اللزيزة

تحياتي لك
عربي

[دنيا من الحب]

ياهوووووووو عربي انا الضيف آخر حلاوة
أجوبتك جدا جدا رائعة ومميزة يعطيك العافيه أخويا الغالي

انا شكلي جيت متأخره والأسئله كلها سألوها بس برضوا حاسأل

حصل وقبل كده انضربت في المدرسة ؟ وليش ؟

ايش اكثر مادة تحبها ؟ واكثر وحده تكرهها ؟

اذا ازوجت انشاء الله ايش بتسمي ولدك الأول وبنتك ؟

ايش اكثر شئ يعجبك في الفتاه ؟ والي تكرهه فيها ؟

ما اكثر شئ تحب تقتنيه ؟

عندك أخوان ؟ اذا كان عندك حصل وغيرت من أحد أخوانك قبل كده ؟ وفي إيش؟

اذا حرموك من الاكل لمده ثلاث ايام وسمحولك تاكل شئ واحد فقط في هذه المده ايش حتختار ؟ نظام رجيم ههههههههه

اذا كنت جالس فاضي وطفشاااااان مره ايش تسوي غير التلفزيون والنت والمسجل والكتابه والخروج ؟ تعجيز


اخيرا ايش رأيك في دنيا من الحب بصراحة السلبيات قبل الايجابيات علشان استفيد واحاول اغيرها ؟

تحياتي لك ومنور

[البطل]

احم احم
جا دوري عليك الله يا زول اسـألتي مرة قليلة شوفها واحكم
اش النوع الي دايما تلبسه من الثياب ؟
اش لابس ذحين؟
ما نوع الويندوز حقك؟
ما هو افضل برنامج تشتغل عليه وماهر فيه؟
ما هو البرنامج الي ودك تتعلمه
ما نوع شاشتك؟
وين ساكن؟
مما يتألف بيتك من كم طابق وما نوع بيتك شقة.فلة .عمارة هههههه آخذين كل الشقق..؟
عندك دراجة؟
ما نوع جوالك؟
ما رايك في البطل من حيث سلبياته واجابياته((ما ازعل ))؟


ما هو رد السلام ههههههههههه زودناها

[Super Mars]

اهلين حبيب البي عربي انا

انا حأسأل سؤال واحد والباقي راح اكمله بعدين
انت في كم منتدى مشارك وماهي اساميها
ولا تنسى الباقي بعدييييييييين :D:D

[عربي]

اهلين ابلة دنيا من الحب .. واشكرك على الأسئلة اللزيزة هههههههه


حصل وقبل كده انضربت في المدرسة وليش
(( انضربت مرة وحدة وهيا في ألإبتدائة ومن المدير كمان بسسبب اني لونت ثوب صاحبي وهوا لون ثوبي وبس اخدت فرش مرتب مرة لدرجة اني طلبت من المدير ابى اروح الحمام ممكن هههههههههههههههه ))


ايش اكثر مادة تحبها واكثر وحده تكرهها
( اكثر مادة احبها هيا الأحياء و الحاسب واكرة الجيولوجيا و اللغة العربية رغم اني _عربي أنا _ ))



اذا ازوجت انشاء الله ايش بتسمي ولدك الأول وبنتك
(( الولد بسمية عبدالله .. والبنت هههههههههههه بقولك هوا على جنب ))



ايش اكثر شئ يعجبك في الفتاه والي تكرهه فيها
(( يعجبني في الفتاه الإخلاص و الوفاء و الغيرة و الشموخ والرقة و البساطة في التعامل و لكن الطلة طلة ملوك ... اما اكرهه فيها الكذب والخداع والغموض و التكبر عدم المبالاة والعناد ))



ما اكثر شئ تحب تقتنيه
(( السيارات الفاخرة نفسي فيها .. الأشياء النادرة ))



عندك أخوان اذا كان عندك حصل وغيرت من أحد أخوانك قبل كده وفي إيش
(( عندي اخوان وما غرت قبل كدة من احد لأنهم أخواني ببساطة ))


اذا حرموك من الاكل لمده ثلاث ايام وسمحولك تاكل شئ واحد فقط في هذه المده ايش حتختار نظام رجيم ههههههههه
(( هههههههههههههه حلو السؤال .. بختار اني اكل على طوووووول فوووووول ههههههههههههههههه يمسك في المعدة مزبوووط خخخخخخ === فيه عرق صعيدي بقوة ههههههههههههههه ))



اذا كنت جالس فاضي وطفشاااااان مره ايش تسوي غير التلفزيون والنت والمسجل والكتابه والخروج تعجيز
(( انام ))


اخيرا ايش رأيك في دنيا من الحب بصراحة السلبيات قبل الايجابيات علشان استفيد واحاول اغيرها
(( سبياتك اختي دنيا من الحب انك تكتمي على نفسك كثيرة رغم انه يضر بك .. و طيبة اكثر من الازم صراحة .. لأو طيبتك مو اي شخص يستحقها وايضاً من سلبياتك انك تكسرين الروابط بينك وبين الطالبات اكثر من الازم يجب ان يكون هناك حواجز و احترام و تقدير و هيبة للمعلم ولكن انتي اتجهتي للبساطة وعدم التكلف ......... اما الإيجابيات فصراحة شهادتي فيكي مجروحة كلياً لأنك ارفع مما اوصفك فية صراحة انسانة نادرة الوجود تساعدي كل شخص بقدر ما تسطيعي و انا فخور بمعرفتك ابلتي جنيا من الحب .. ))

اشكرك ابلة على الأسئلة اللطيفة ..

عربي

[عربي]

اش النوع الي دايما تلبسه من الثياب
(( تفصيل من محل الديباج ))


اش لابس ذحين
(( ثوب الخروج لأني في بيت صاحبي ))


ما نوع الويندوز حقك
(( اكس بي ))


ما هو افضل برنامج تشتغل عليه وماهر فيه
(( الفتو شوب .. فرونت بيج ))


ما هو البرنامج الي ودك تتعلمه
(( الفلاش و فيجول بيزك ))


ما نوع شاشتك
(( انا معي لاب توب كومبك فالشاشة اكيد بتكون كومبك ))


وين ساكن
مما يتألف بيتك من كم طابق وما نوع بيتك شقة.فلة .عمارة هههههه آخذين كل الشقق..
(( اسكن في مكة بشارع الستين في عمارة مكونة شقتين و فلة في اخر دور وانا في الفلة .. و في جدة اسكن بحي النهضة بفلة ))



عندك دراجة
(( لا ))


ما نوع جوالك
(( الصخرة .. ابو كميرا .. سامسونج الملون .. الفيصلية ))


ما رايك في البطل من حيث سلبياته واجابياته((ما ازعل ))
(( عيب البطل انو عندو امكانيات و قدرات جداًَ جبارة ولكن لم يحاول ان يستغلها بالشكل المفروض .. وإيجابياته .. انو خفيف ظل ولا يمل من مجالستة و حبووووووووووووووووب اكيد لأنو راس الزبيبة ههههههههه ))


يسلمو البطل على اسئلتك الفتاكة

تحياتي لك
عربي

[عربي]

عزيزي جواد لليل ...


صراحة مشترك في اكثر من منتدى ومنها (( يا عمري .. الأحلام .. كريستال .. و غيرها الكثير ولكن يعني هذة ما تحضرني الأن ))

تحياتي لك والله يحيك في اي وقت ..
عربي

[دنيا من الحب]

شكرا عربي انا على اجاباتك الرائعة وانا في انتظار اسم البنت مع اني كأني أعرفه هههههههههه
وبالنسبه للسلبيات انا اعترف انها كلها فيا واتمنى اغيرها بس بالنسبه للحواجز بين الطالبات صحيح انا عادي معاهم وبسيطه ولكن الحمد لله الكل يحترمني ويقدرني وما قلل شئ من هيبتي لانه مو دائما الاسلوب الشديد ينفع وانا مجربه الموضوع دا مع نماذج كثير في المدرسة على العموم الف الف الف شكر وحاحط الموضوع في عين الاعتبار ياغالي
تحياتي

[عربي]

على الرحب والسعة ابلتي ..

تحياتي
عربي