أسـ الإعجاب ـير
26-06-2002, 11:14 AM
كان يازمان .. في قديم المكان ..
كان فيه واحد اسمه الدرعاوي .. قاعد يتمشى في مزرعتهم .. في عز القايله ..
(( عز القايله : اختلف المؤرخون في تحديد وقتها .. فبعضهم قال انها عقب صلاة الظهر وبعضهم حددها من الساعه ثنعش ونص الى ثنتين الى ربع ))
كانت الشمس تحمس خدوده الورديتان ..
نظر الى قارعة الطريق ..
هناك في شواطئ الاحلام..
وجد نخلتن لايوجد بها سوا عسيب واحد ...
انبطح على الارض و.... (( وش رايكم بالخاطره ؟ ))
المهم .. انبطحت على الارض .. وقعدت امدد جسمي على ظلال هالعسيب .. كنت منبطح على رمل .. قعدت ادخل مصبعي جوا الرمل واطلعه ..
وقعدت ارسم مستقبلي على ذا الرمل بمصبعي الصغير رسمت مربع وسطه خطين
(( المربع عش الزوجيه والخطين انا وزوجتي بعد عمر طويل ))
وعلى فكره .. تراني رسمت الخطين بعيدين عن بعض .. عشان محد يسئلني وش قعدت افكر فيه .. وطول هالفتره وانا افكر .. فم عيالي .. يارب وش بتصير .. شينه ولا زينه
دبا ولا عصلا .. عيونها وساع ولا ممغوطه ..
والى الحين وانا ادخل مصبعي جوا الرمل واطلعه ... المهم .. شوي واحس بشي جوا الرمل .. قعدت احفر واحفر ... قلت يارب يمكن كنز ... خلاص ابصير مطخطخ .. خلاص معد ابي وظيفه .. طز بالوظايف كلها .. خلاص تانكي البنزيم بيتعبا فل .. وصلت افكاري اني ابني ناطحه فالدرعيه خمس ادوار .. بس خفت لاتجي طياره تنسفها
المهم
بدت يدي تمسك شي قاسي ..
وقعدت اسحبه بقووووووه ... صارت جلده مكتوب فيها كلام واجد .. قلت بس هذي خريطة الكنز لازم اقراها .. رجعت للبيت .. وحطيت ذا الجلده بوسط الحوش .. وشغلت ( لي المويه ) .. وقعدت اغسل ذا الجلده .. يوم نظفت ..
جلست بمكتبي ولبست نظاراتي حقت القرايه ( الدرابيل ) ..
مكتوب
أمك داعية لك ... أبوك راضي عليك .. فريقك المفضل بيفوز بالبطوله السنه هذي .. فنانتك المفضله بتتعرف عليك .. المعجبات بيدغدغون دباديب مصابع رجليك
كل هذا لانك اكتشفت مذكرات اقدم مشرف فالمنتديات العربيه
... نصائح ومذكرات من مشرف معتزل ... ( أكل الدهر عليه وتغر ) .. وفي روايه .. ( .. وطغر )
... (( المذكره الكبرى للاشراف على المنتديات للاعضاء الجدد )) ...
اذا بغيت تصير مشرف .. في أي منتدى .. إليك هذه البنود وتفصيلها لاحقاً...
لبس صروال نص الفخذ .. وفنيله علاق .. حقت اخوك الصغير .. ولبس كنادر مقاس خمسواربعين .. وشراب لونه بيج .. وحط في يدك اليمنى سبحه .. ويستحسن ان يكون لونها موف ... ودناديش السبحه مسوي فيها عمايل ( جدايل ) ...
... (( وإليك يارعاك الله تفصيل تام لما ذكرته اعلاه )) ...
1.. صروال نص الفخذ .. ( قطن ولا قماش ماتفرق )
عند لبسك لهذا الصروال .. سوف يظهر جلياً .. شعر سيقانك
ثبت مخبرياً .. وعلمياً .. ان شعر السيقان .. يوحي الى الرجوله وتحمل المواقف الاشرافيه .. في المنتديات العربيه .. ولا يخفى عليكم .. مالهذا الشعر من نظره تذكرنا جميعاً .. بغابات افريقيا ... ولان غابات افريقا عالم غامض ومليء بالمفاجآت ... فإن المشرف العام على المنتدى سيعطيك الاولويه في الاشراف على منتدياته ... لانه يتوقع منك المفاجأه في تطوير منتداه
2.. فنيله علاق .. حقت اخوك الصغير .. ( مهوب البرباتوز )
اذا لبستها بتطلع نص كرشتك .. واكيد بيطلع( سرك ) مثل البنات الامريكيات .. وهذا الشي يوحي بأنك متطور تنكلوجيا وانك ذو مشاعر حساسه .. وانك مزيون وتشبه الى حد كبير برتني سبيرز .. وبكذا ستنجذب الزائرات الى الاشتراك فالمنتدى والعضوات سيزداد حماسهن للتقرب اليك .. يمكن تصير مشرف على منتدى الشعر .. لانك البنات راح يخدرون بمنتدى الشعر يكتبون قصايد فيك .. وبكذا اكيد ان المشرف العام .. بيحطك مشرف
3.. لبس كنادر مقاس خمسو أربعين
اعلم يارعاك الله .. ان الكندره والعقل يتناسبان تناسب طردي ... فإذا زاد مقاس كندرتك زاد في رجاحة عقلك وفطنتك .. وحكمتك في تسيير الامور في مصلحتك .. وهو مايبحث عنه كثير من المشرفين العامين على المنتديات .. الذين عاشرتهم وسمعت عنهم .. وتزاعلت معهم ... وبالنسبه للحواطا .. ومعروف عنهم كبر رجليهم .. لو تلبسون مقاس اربعه وثمانين .. مافيه امل تمسكون اشراف .. خل عنك
4.. شراب لونه بيج
من الالوان الهادئه والتي تحسسك بالرومانسيه والهدوء هو لون البيج ..
فلقد قال عنه السباك الفلبيني .. ميرو جاستي ...
(( وددت انني في صحراء ذات رمال بيجيه .. اتبطح على نفودها واطعاسها .. واشرب من الدله البيجيه .. بفنجال بيجي .. وآكل من تمر السلج .. ذو اللون البيجي .. وبجانبي أم عيالي .. ميري بيجي .. من قبيلة بني بوييج .. وانظر الى السماء البيجيه ..( الدعوى عج ) .. واتذكر ايام مانيلا ولياليها البيجيه .. اللهم بيّج قلوبنا ولا تسودها ياالله )) ..
والمعروف ان البيج من افتح درجات البني ... وهو الموضه الجديده .. اللي دابجين فيها العالم .. عشان كذا تحسس المشرف العام انك متطور ومنتب قروي .. والمنتدى راح يستفيد من افكارك النيّره ... نحسبك كذلك والله حسيبك
5.. حط في يدك اليمنى سبحه
السبحه او ( المسباح ) .. تدل على انك غير متسرع وتحسب للكلمه الف حساب .. وتعد الكلمه على عدد حبوب السبحه .. وتشوف مدى صحتها .. مثل قولت الشاعر (( بتحبني .. متحبنيش .. بتحبني .. متحبنيش .. بتحبني ... الخ )) .. لحد ماتوقف السبحه .. واخترت لك اليد اليمنى عشان اليمين درب الغانمين .. وهذا البند غير معترف به اسيويا .. لان (( بيتر فلمبان )) .. اكبر حمار فالاتحاد الاسيوي .. اعسم وكل شغله باليسار
6.. لون السبحه موف
هالبند بالذات .. انا ماحطيته الا عشان خاطر عاصي الحلاني .. يومنه قال
قلبي عاشق قلبك دايم موف ... يم عيون فتانه ومناكير موف
الموف زي ماقال عنه خبراء الالوان وزهور الفجل .. الموف يعطيك الانسجام التام مع .. بصل الصباح .. نعناع تالي العصر .. ومع نواشف عقب الاخير .. ورقم الحظ لمحبي هذا اللون ... خمسينتالاف .. ولكي تكسب ثقة المشرف العام عليك بعسكريم توت اللي قرطاسته لونها موف
7.. دناديش السبحه مسوي فيها عمايل ( جدايل )
عندما ترى شعر اي بنت .. من عمر مابين ست سنوات الى ثنعش سنه ... وش تقول بين اللي شعرها كنه مذبوب فيه طرطعان .. واللي مسوي في شعرها جدايل .؟ .. طبعا هذا يدل على الترتيب والتنظيم .. في كل امور هالبنت .. كذلك السبحه اللي بين يديك لازم تكون ممشطه ومكدوده .. وفق خطط علميه مدروسه .. لان في ذلك مضاعفه ثقه من المشرف العام فيك ايها العضو
انتهى والله اعلم
اخوكم اقدم مشرف فالمنتديات العربيه
يوم خلصت قاري هالجلده .. تحسفت عليها لاني كنت مشرف على اكثر من منتدى .. ولااستفدت من هالمذكرات ..
الله يازين ايام الاشراف ... تيرم تيييرا
( تراي قاعد ابكي على الاطلال .. الدمعه عيت تنزل مدري وش بلاها ... ولا السعبوله ماصدقت خبر نزلت وماتدري وش السالفه )
ياونتن ونيتها يوم ون تو ثرييييييييي .. الله الله الله
عقب الاشراف اللي امتد الى اكثر من سنه ... ماأقول ألا ....
وش ملح الواحد عضو بدون اشراف ... يدخل المنتدى ويطلع... كنه يسبح بدون لستك ... يوم كنت مشرف في كم منتدى عربي ( يقال لي اشارك بمنتدى قليمزي ) ... كانت تصادفني مواقف وسوالف .. غريبه .. ومن بعض الاشياء اللي مبربسه في ماطور عقلي .. اني كنت ارد على عضو مهوب عشان وجهه ... عشان وراي اداره يقولون وراك ماترحب بذا العضو ... شفه متحمس ووش زينه لازم نعطيه دفعه معنويه بالزعتر عشان يواصل معنا
تشوفني مغير امسح اسياب المنتدى وافرك درايشه عن الغبار.. وبكل موضوع حتى لو انه قديم تلقاني ناطل رد ويمكن ازين من الموضوع ... عشان اطلع المشرف اللي عليه الكلام ... واغاير زميلاتي فالعمل ( المشرفات ) .. عشان يقولون قدوتنا الدرعاوي مشالله عليه شوفوه مابقا الا يلحس زوالي المواضيع
وانا كل يوم اقوم من النوم قبل مايذن الديك .. مدري متى يأذن بس اني اقوم بدري ...
عشان اشوف المنتدى وش فيه ووش مافيه ... ولين صار موضوع فيه مهاوش .. والله اني استانس .. انا من يومني صغير واحب المهاوش صحيح اني اتكفخ وارجع لبيتنا خشمي يخرخر دمان ... بس اهم شي النوم بدري وشرب الحليب على فكة الريق
لي رجعه مع موضوع الاشراف وايامه .. بس متى مدري .. ان شالله موب بعيد .. يعني بالكثير في الاحتفاليه الثانيه بمرور سنتين على ترك الاشراف
م ن ق و ل .........موقع أبو نواف
كان فيه واحد اسمه الدرعاوي .. قاعد يتمشى في مزرعتهم .. في عز القايله ..
(( عز القايله : اختلف المؤرخون في تحديد وقتها .. فبعضهم قال انها عقب صلاة الظهر وبعضهم حددها من الساعه ثنعش ونص الى ثنتين الى ربع ))
كانت الشمس تحمس خدوده الورديتان ..
نظر الى قارعة الطريق ..
هناك في شواطئ الاحلام..
وجد نخلتن لايوجد بها سوا عسيب واحد ...
انبطح على الارض و.... (( وش رايكم بالخاطره ؟ ))
المهم .. انبطحت على الارض .. وقعدت امدد جسمي على ظلال هالعسيب .. كنت منبطح على رمل .. قعدت ادخل مصبعي جوا الرمل واطلعه ..
وقعدت ارسم مستقبلي على ذا الرمل بمصبعي الصغير رسمت مربع وسطه خطين
(( المربع عش الزوجيه والخطين انا وزوجتي بعد عمر طويل ))
وعلى فكره .. تراني رسمت الخطين بعيدين عن بعض .. عشان محد يسئلني وش قعدت افكر فيه .. وطول هالفتره وانا افكر .. فم عيالي .. يارب وش بتصير .. شينه ولا زينه
دبا ولا عصلا .. عيونها وساع ولا ممغوطه ..
والى الحين وانا ادخل مصبعي جوا الرمل واطلعه ... المهم .. شوي واحس بشي جوا الرمل .. قعدت احفر واحفر ... قلت يارب يمكن كنز ... خلاص ابصير مطخطخ .. خلاص معد ابي وظيفه .. طز بالوظايف كلها .. خلاص تانكي البنزيم بيتعبا فل .. وصلت افكاري اني ابني ناطحه فالدرعيه خمس ادوار .. بس خفت لاتجي طياره تنسفها
المهم
بدت يدي تمسك شي قاسي ..
وقعدت اسحبه بقووووووه ... صارت جلده مكتوب فيها كلام واجد .. قلت بس هذي خريطة الكنز لازم اقراها .. رجعت للبيت .. وحطيت ذا الجلده بوسط الحوش .. وشغلت ( لي المويه ) .. وقعدت اغسل ذا الجلده .. يوم نظفت ..
جلست بمكتبي ولبست نظاراتي حقت القرايه ( الدرابيل ) ..
مكتوب
أمك داعية لك ... أبوك راضي عليك .. فريقك المفضل بيفوز بالبطوله السنه هذي .. فنانتك المفضله بتتعرف عليك .. المعجبات بيدغدغون دباديب مصابع رجليك
كل هذا لانك اكتشفت مذكرات اقدم مشرف فالمنتديات العربيه
... نصائح ومذكرات من مشرف معتزل ... ( أكل الدهر عليه وتغر ) .. وفي روايه .. ( .. وطغر )
... (( المذكره الكبرى للاشراف على المنتديات للاعضاء الجدد )) ...
اذا بغيت تصير مشرف .. في أي منتدى .. إليك هذه البنود وتفصيلها لاحقاً...
لبس صروال نص الفخذ .. وفنيله علاق .. حقت اخوك الصغير .. ولبس كنادر مقاس خمسواربعين .. وشراب لونه بيج .. وحط في يدك اليمنى سبحه .. ويستحسن ان يكون لونها موف ... ودناديش السبحه مسوي فيها عمايل ( جدايل ) ...
... (( وإليك يارعاك الله تفصيل تام لما ذكرته اعلاه )) ...
1.. صروال نص الفخذ .. ( قطن ولا قماش ماتفرق )
عند لبسك لهذا الصروال .. سوف يظهر جلياً .. شعر سيقانك
ثبت مخبرياً .. وعلمياً .. ان شعر السيقان .. يوحي الى الرجوله وتحمل المواقف الاشرافيه .. في المنتديات العربيه .. ولا يخفى عليكم .. مالهذا الشعر من نظره تذكرنا جميعاً .. بغابات افريقيا ... ولان غابات افريقا عالم غامض ومليء بالمفاجآت ... فإن المشرف العام على المنتدى سيعطيك الاولويه في الاشراف على منتدياته ... لانه يتوقع منك المفاجأه في تطوير منتداه
2.. فنيله علاق .. حقت اخوك الصغير .. ( مهوب البرباتوز )
اذا لبستها بتطلع نص كرشتك .. واكيد بيطلع( سرك ) مثل البنات الامريكيات .. وهذا الشي يوحي بأنك متطور تنكلوجيا وانك ذو مشاعر حساسه .. وانك مزيون وتشبه الى حد كبير برتني سبيرز .. وبكذا ستنجذب الزائرات الى الاشتراك فالمنتدى والعضوات سيزداد حماسهن للتقرب اليك .. يمكن تصير مشرف على منتدى الشعر .. لانك البنات راح يخدرون بمنتدى الشعر يكتبون قصايد فيك .. وبكذا اكيد ان المشرف العام .. بيحطك مشرف
3.. لبس كنادر مقاس خمسو أربعين
اعلم يارعاك الله .. ان الكندره والعقل يتناسبان تناسب طردي ... فإذا زاد مقاس كندرتك زاد في رجاحة عقلك وفطنتك .. وحكمتك في تسيير الامور في مصلحتك .. وهو مايبحث عنه كثير من المشرفين العامين على المنتديات .. الذين عاشرتهم وسمعت عنهم .. وتزاعلت معهم ... وبالنسبه للحواطا .. ومعروف عنهم كبر رجليهم .. لو تلبسون مقاس اربعه وثمانين .. مافيه امل تمسكون اشراف .. خل عنك
4.. شراب لونه بيج
من الالوان الهادئه والتي تحسسك بالرومانسيه والهدوء هو لون البيج ..
فلقد قال عنه السباك الفلبيني .. ميرو جاستي ...
(( وددت انني في صحراء ذات رمال بيجيه .. اتبطح على نفودها واطعاسها .. واشرب من الدله البيجيه .. بفنجال بيجي .. وآكل من تمر السلج .. ذو اللون البيجي .. وبجانبي أم عيالي .. ميري بيجي .. من قبيلة بني بوييج .. وانظر الى السماء البيجيه ..( الدعوى عج ) .. واتذكر ايام مانيلا ولياليها البيجيه .. اللهم بيّج قلوبنا ولا تسودها ياالله )) ..
والمعروف ان البيج من افتح درجات البني ... وهو الموضه الجديده .. اللي دابجين فيها العالم .. عشان كذا تحسس المشرف العام انك متطور ومنتب قروي .. والمنتدى راح يستفيد من افكارك النيّره ... نحسبك كذلك والله حسيبك
5.. حط في يدك اليمنى سبحه
السبحه او ( المسباح ) .. تدل على انك غير متسرع وتحسب للكلمه الف حساب .. وتعد الكلمه على عدد حبوب السبحه .. وتشوف مدى صحتها .. مثل قولت الشاعر (( بتحبني .. متحبنيش .. بتحبني .. متحبنيش .. بتحبني ... الخ )) .. لحد ماتوقف السبحه .. واخترت لك اليد اليمنى عشان اليمين درب الغانمين .. وهذا البند غير معترف به اسيويا .. لان (( بيتر فلمبان )) .. اكبر حمار فالاتحاد الاسيوي .. اعسم وكل شغله باليسار
6.. لون السبحه موف
هالبند بالذات .. انا ماحطيته الا عشان خاطر عاصي الحلاني .. يومنه قال
قلبي عاشق قلبك دايم موف ... يم عيون فتانه ومناكير موف
الموف زي ماقال عنه خبراء الالوان وزهور الفجل .. الموف يعطيك الانسجام التام مع .. بصل الصباح .. نعناع تالي العصر .. ومع نواشف عقب الاخير .. ورقم الحظ لمحبي هذا اللون ... خمسينتالاف .. ولكي تكسب ثقة المشرف العام عليك بعسكريم توت اللي قرطاسته لونها موف
7.. دناديش السبحه مسوي فيها عمايل ( جدايل )
عندما ترى شعر اي بنت .. من عمر مابين ست سنوات الى ثنعش سنه ... وش تقول بين اللي شعرها كنه مذبوب فيه طرطعان .. واللي مسوي في شعرها جدايل .؟ .. طبعا هذا يدل على الترتيب والتنظيم .. في كل امور هالبنت .. كذلك السبحه اللي بين يديك لازم تكون ممشطه ومكدوده .. وفق خطط علميه مدروسه .. لان في ذلك مضاعفه ثقه من المشرف العام فيك ايها العضو
انتهى والله اعلم
اخوكم اقدم مشرف فالمنتديات العربيه
يوم خلصت قاري هالجلده .. تحسفت عليها لاني كنت مشرف على اكثر من منتدى .. ولااستفدت من هالمذكرات ..
الله يازين ايام الاشراف ... تيرم تيييرا
( تراي قاعد ابكي على الاطلال .. الدمعه عيت تنزل مدري وش بلاها ... ولا السعبوله ماصدقت خبر نزلت وماتدري وش السالفه )
ياونتن ونيتها يوم ون تو ثرييييييييي .. الله الله الله
عقب الاشراف اللي امتد الى اكثر من سنه ... ماأقول ألا ....
وش ملح الواحد عضو بدون اشراف ... يدخل المنتدى ويطلع... كنه يسبح بدون لستك ... يوم كنت مشرف في كم منتدى عربي ( يقال لي اشارك بمنتدى قليمزي ) ... كانت تصادفني مواقف وسوالف .. غريبه .. ومن بعض الاشياء اللي مبربسه في ماطور عقلي .. اني كنت ارد على عضو مهوب عشان وجهه ... عشان وراي اداره يقولون وراك ماترحب بذا العضو ... شفه متحمس ووش زينه لازم نعطيه دفعه معنويه بالزعتر عشان يواصل معنا
تشوفني مغير امسح اسياب المنتدى وافرك درايشه عن الغبار.. وبكل موضوع حتى لو انه قديم تلقاني ناطل رد ويمكن ازين من الموضوع ... عشان اطلع المشرف اللي عليه الكلام ... واغاير زميلاتي فالعمل ( المشرفات ) .. عشان يقولون قدوتنا الدرعاوي مشالله عليه شوفوه مابقا الا يلحس زوالي المواضيع
وانا كل يوم اقوم من النوم قبل مايذن الديك .. مدري متى يأذن بس اني اقوم بدري ...
عشان اشوف المنتدى وش فيه ووش مافيه ... ولين صار موضوع فيه مهاوش .. والله اني استانس .. انا من يومني صغير واحب المهاوش صحيح اني اتكفخ وارجع لبيتنا خشمي يخرخر دمان ... بس اهم شي النوم بدري وشرب الحليب على فكة الريق
لي رجعه مع موضوع الاشراف وايامه .. بس متى مدري .. ان شالله موب بعيد .. يعني بالكثير في الاحتفاليه الثانيه بمرور سنتين على ترك الاشراف
م ن ق و ل .........موقع أبو نواف