View Full Version : مين يقول ايش معنى هادي الهرجه؟؟؟؟؟؟
الغزاله الرايقه
25-06-2002, 10:57 PM
سلاااام لأحلى ناس
ابغى اقول شي الي عندو ستو ولاسيدو من زمان اول ياريت اسئلهم ليش دايما
العجايز حقون زماان وخاصه المكاوييين يقولوا في بعض كلامهم )ست وستين(
:) ترى لو لاحظتو يقولوها مره كتيرررررررر
وانا عن نفسي سالت وقالولي بس بصراحه ما اقتنعت باإجابه
ياريت الي يعرف يقولي
واتمنى انكم تشاركوني يا حبايب;)
أسـ الإعجاب ـير
26-06-2002, 11:36 AM
متى يقولوها؟؟؟؟؟؟؟؟؟؟ عشان أسأل أبويا
سعودي
26-06-2002, 12:14 PM
الغزالة الرايقة .. والله انا ما اجلس مع الست كثير ... ولا مرة لاحظة إنها تقول كده
سؤال .. ليش ما سألتيها ما دام انك لاحظتي هذا الشي ؟ :)
اكيد انتي كتبتي السؤال للتشويق ... و انا متشوق للإجابه :):)
تسلمين يالرايقة على المشاركة و اسف لاني ما قدرت اساعدك
الغزاله الرايقه
26-06-2002, 08:01 PM
أختي العزيزه شموووع انا استنى منك انك تسالي جدتك
وتسلمي على مشاركتك
الغزاله الرايقه
26-06-2002, 08:06 PM
اسير ترى يقولها لما احد مثلا من البزوره يعمل شقاوه
ومايعجبهم الشي يقوموا يقولوهااا
يارب تكون وصلت المعلومه.....
تحيااتي
الغزاله الرايقه
26-06-2002, 08:09 PM
انا اقللك ياسعودي لما سالتهم ايش قالولي
هما يعني من بااب ان الكلمه مناسبه للهرجه الي يقولوهااا
بس انا مره الاحظها عند الكبار كتيررر
المهم تسلم على المشاركه
جوجو المرجوجة
27-06-2002, 02:30 AM
احم احم ... كح كح ... ابعد يا واد انت و هو ...
أنا من المكاويين اللي يقولوا الكلمه دي كتير ...
و زي ما قالولك يا غزالة ...
هي أولاً مناسبه للهرجه ...
تانياُ انها من باب المبالغه ...
و انا متأكده ان معظم اللي بالمنتدى مكاويين و من حواري مكه كمان هههههههههههههه بحكم ان صاحب المنتدى مكاوي ... و انتوا عارفين قد ايش اهل مكه يحبوا يبالغوا في كل حاجه حتى في الكلام ....
يعني بالله في احد يتكي على الراء قد المكاكوه...
يعني يحبوا المررررررررررررررره و الكتيرررررررررررررررررررر ... :D :D :D :D
Super Mars
27-06-2002, 02:54 AM
اممم انا مكاوي
بس ما قد لاحظت ... ولا يمكني ضعيف الملاحظه :P
الغزاله الرايقه
27-06-2002, 03:14 AM
هلاااااااا جوجو تسلم يدك على الي كتبتي والله انتي الي طلعت مكااويه بالقوي
وصادقه
والله مافي احلى من المكااااااااااااويه يارب يخليهم ويخلي الحواري حقتهم
تحياتي ليك يا اموره
الغزاله الرايقه
27-06-2002, 03:15 AM
سلاام يا جواد
شكلك انت مرررررررررررره ضعيف الملاحظه ابغالك تفتح ادانيك شوياا هههههه
تسلم على مشاركاتك
Super Mars
27-06-2002, 03:52 AM
أبشرك يا غزاااله
دوبي اتصلت على جدتي وصحيتها من عز نووووووووومها ((يافرحتي))
خخخخخخخخخخخخ
المهم وسألتها تدري وش قالتلي
..
ما قالت لي شيئ
اصله ومن قلك اني اتصلت
اصله ومن قلك اني فكرت اتصل وازعج جدتي الحنونه
واصله مين قلك اني سألتها عن السؤال حقك
يعني اصله حتى لو فكرت اتصلبها في دا الوقت اتصل اسأل عن حالها :D
وسووووووري على ضعف ملاحظتي :(
تحياتي:جوادالليل
Super Mars
27-06-2002, 04:00 AM
امزح اختي لا تخذين علي :D:D:D :)
سؤالك يستاهل الواحد يسأل عليه :)
لأني حتى انا بدي اعرف لييه :D
؟؟؟؟؟؟؟؟
تحياتي
الغزاله الرايقه
27-06-2002, 04:07 AM
كدا يا جوااد يعني ماتبغى تكلف على نفسك شويااا
المهم انا استنى منك جوااااب اوكي
تحياتي
جوجو المرجوجة
27-06-2002, 07:05 AM
احنا بالخدمه يا غزاله ...
تعرفي سؤالك ذكرني بواحد يبغى يختبرني هل انا فعلاً من اهل مكه و لا لأ ..
قام تعرفي ايش سألني ؟؟؟؟؟
عندكم (مُرَكَب) بالبيت و لا لأ؟؟؟
قولتله: هو في بيت من غير مركب...
أما صحيح كبسه لو احد من اللي بالمنتدى ما يعرف المركب... :eek:
الغزاله الرايقه
27-06-2002, 04:55 PM
تمام عليكي ياجوجو والنعم والله باهل مكه
وعلى قولك هو في احد مايعرف المركب
تسلميلي يارب..
واحد من الناس
27-06-2002, 05:19 PM
سته وستين مررررررررررة
صراحة الحل عند اثنين تلاقية غادة الكميليا ومروقة المنجا اكثر ناس ممكن اساعدوكي
المركب ============= المطبخ
اقيس ================ افكر
كرته ================= فستان
كندره=============== جزمه
دقيسي ============= المخزن
جاود =============== حجز
كرويته =============== كنبه او مقعد
الفوطة =============== البجامة حقت رجال مكه
إستيته ================= الأخت الكبيرة
سيدي ================ تقال للأخ الكبير او اب الأم او من هو اكبر منك
دلكت ================= غسلت
التليك ================== شبشب
بيت الماء او الطهارة =============== الحمام
بيت المنقل ================= الكانون الي حطه في الفحم وإولعوه واشو الدجاج او اللحم علية
السقيفة ===================== السطوح
وفي كلمات كثير بس هذي الي فاكرها
وعلى فكرة ست وستين هذي سبه بس بالأدب ولها تكملة بس من باب ادب العجايز انهم بس اقولو ست وستين
الغزاله الرايقه
28-06-2002, 04:44 PM
سلااام ياvib
والله مرره تسلم على ردك الحلووو ..وعلى الهرجات الرهيبه حقت المكاويه
وطبعا في اكتر من كدا بكتيررر
وعلى فكره انا اعرف ايشس معنى هادي الكلمه بس حبيت اشوف مين كمااان يعرف.
تسلم على مشاركتك
satam2k
28-06-2002, 06:27 PM
معلومه جيده
انا مش من مكه
بس البحث عن القافه قصدي المعرفه خلتني اخش هذا الموضوع
جوجو المرجوجة
29-06-2002, 10:32 AM
و أنا كمان أعرف هذي الكلمات كلها...
طيب خد الشربيت كمان.... ;)
مروقه المنقا
29-06-2002, 12:38 PM
ايوه يا هو هو هدا الهرج المزبوط
الواحد يقدر يفهم الكلام
اقووووول ابى وحده
دندرمه
بسررررررررررعه يا وااااااااااااااد
والله الحارة هاي ابغالها عمدة من جد